Marangu 2:25 - Tonga Bible 1986

²⁵ Zuŵa lino ndiyambenge kutenthemeska ŵanthu wose mu charu wo we pasi pa mtambo kuti ŵawopenge. Weniwo ŵavwenge mbili yino, ŵatenthemenge ndi kuvwa urwirwi chifukwa chaku imwe.’

Marangu 2:25 Referans Kwoze

Marangu 11:25

Kwamuŵavi munthu yo wamukuma panthazi pinu, pakuti Ambuya Chiuta winu wamukopeska charu chose cho mukakandanga chifukwa chaku imwe nge ndimo wangupanganirana namwe.

Marangu 28:10

Ndipo ŵanthu wose ŵamu charu chapasi ŵakaziŵanga kuti mudanika ndi zina la Ambuya, ndipo ŵakakuwopaninga.

Chituwa 23:27

Ndikatumanga chofyu changu paurongo pinu, ndipo ndikatimbanizganga ŵanthu wose wo mwamumikana nawo, ndipo ndamulaziska misana ya ŵakupindikana ŵinu wose kwinu.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

Sumu 105:38

Ŵachituwa iwo Egipiti wangukondwa, chifukwa ŵanguchita nawo mantha.

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Chiyambo 35:5

Ndipo penipo ŵarutanga wofi wakutuwa kwaku Chiuta unguŵa pa misumba yo yenga kwakuzunguliya iwo, viyo kuti ŵengavi kundondoloska ŵana ŵaku Yakobe.

1 Mikoka 14:17

Ndipo mbiri yaku Davidi yinguwanda mu vyaru vyose, ndipo Ambuya anguchitiska mitundu yose kumopa iyo.

Maŵerengedu 22:3

Ndipo Moabu wangutenthema ukongwa ndi ŵanthu, chifukwa ŵenga ŵanandi; Moabu wangupundika ndi mantha pa kopa ŵaYisraele.

Yoswa 10:2

viyo wangopa ukongwa, chifukwa Gibeoni wenga msumba ukuru, nge ngumoza wa misumba ya ufumu, wenga ukuru kuruska Ai, ndipo ŵanthurumi ŵa mwaku wo ŵenga ŵanthazi.