Marangu 19:4 - Tonga Bible 1986

⁴ “Uku nkhulongosole mubaya munthu, mweniyo pakuthaŵiya kwenikuwa wangataska umoyo wake. Asani we yose wabaya muzengezgani wake kwambura kumufinga, pakuwura kuŵa nayo ndi mawongo kale.

Marangu 19:4 Referans Kwoze

Marangu 4:42

mwakuti wathaŵiyako yo wabaya munthu yo kuti wabayiya dala mwanasi wake cha, walivi kumutinkha ndikale, ndikuti asani wathaŵiya ku msumba umoza wa misumba yo waŵenge wamoyo.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

1 Mikoka 11:2

Mu nyengo zaruta nanga ndi penipo Sauli wenga weche karonga mwenga imwe yo wangurongozga pa kutuwa ndi pa kusere; Ambuya Chiuta winu wangumuneniyani kuti, ‘Ukaliskanga ŵanthu ŵangu, ndipo ukaŵanga karonga pachanya pa ŵaYisraele.’ ”

Yoswa 3:4

mwakuti muziŵi nthowa yo mwendengemo, pakuti mu charu ichi mulivi kwendamo kali kweni pakaŵanga mukhanju pakati paku imwe ndi yilo, utali wa mukhanju wo ukaŵanga akhumba mikono vikwi viŵi (2,000) munganderenga kufupi kwaku lo cha.”

Marangu 19:6

vinu wakutaya thayu la ndopa, mu ukari wa ufyu, wandondoloskenge yuwa mubaya munthu, ndi kumusaniya pakuti nthowa njitali, ndi kumubaya. Kweni yuwa mubaya munthu wangwenere nyifwa cha, pakuti wangutinkhana nayo cha muzengezgani wake mu nyengo ya kale.

Chiyambo 31:2

Ndipo Yakobe wanguwona kuti Labani kuti wamuphwerenga uli ndi kali cha.

Maŵerengedu 35:9

Ambuya angurongoro ndi Mosese,

Maŵerengedu 35:12

Misumba yikamuŵiyaninga yakutaskikiyamo kwaku yo ndi muwezge nduzga, mwakuti mubaya munthu wareke kufwa mpaka penipo watuma paurongo pa wumba kuti ŵeruzgike.

Marangu 19:3

Mukalongosonga miseu, ndi kugaŵa vigaŵa vitatu charu chenicho Ambuya Chiuta winu watukupaskani nge nchinu, mwakuti yose wakubaya munthu wangathaŵiyako.

Marangu 19:5

Uli ndimo munthu warutiya ku dondo kwachitema chimuti, ndipo janja lake lizungung'a mbavi kuti wateme pasi chimuti, ndipo mbavi yikhweruka mu chaka ndi kutema muzengezgani wake, ndi watufwa. Yo munthu wangaziŵa kuthaŵiya ku umoza wa misumba iyi ndi kutaska umoyo wake,

2 Samuele 14:11

Munthukazi wanguti, “Ndimuŵeyani karonga, muŵeyere Ambuya Chiuta winu, mwakuti wakuwezge nduzga pa ndopa wareke kubaya so ŵanyake, ndipo mwana wangu wareke kubayika.” Karonga wanguti, “Ndarapa Ambuya amoyo, kuti liwengepo pasi cha nanga ndi sisi limoza lapa mutu wa mwana wako.”