Marangu 19:13 - Tonga Bible 1986

¹³ Jiso linu lingamufwiyanga lisungu cha, kweni mupeyenge kulakwa kwa ndopa zambura kalema mu Yisraele, alinga kuti kumuŵiyeni kwamampha imwe.

Marangu 19:13 Referans Kwoze

1 ŴaKaronga 2:31

Karonga wangumwamuka, “Kachite nge ndimo wakambiya, kamukosole pasi ndi ukamuŵike, mwakuti mutuzgeko kwangu ndi ku nyumba ya ada kalema ka ndopa zo wangudiska kwambura chifukwa.

Marangu 21:9

Mwa viyo mukapeyanga kalema ka ndopa zambura kalema mukati mwinu, muchichita chenicho nchakurunjika mu maso gha Ambuya.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

Ezekiele 16:5

Pengavi yo wangukuchitiya lisungu, kuti wachitepo kamoza ka vinthu ivi mu chitima cha paku iwe; kweni ungupong'eka ku dondo, pakuti ungutinkhika pa zuŵa la kupapika kwako.

2 Samuele 21:14

Ndipo wanguŵika viwanga vyaku Sauli ndimwana wake Jonafani mu charu cha Benjamini mu Zela mu muunda waku Kishi awiske; ndi ŵanthu ŵanguchita vyose vyo karonga wangulangula. Ndipo pavuli paku ichi Chiuta wangutegherezga ku marombu gha kuchirombe charu.

Marangu 25:12

sono mukadumuwanga janja la munthukazi yo. Mungachitanga lisungu cha.

Marangu 13:8

mungamuzomerezganga pamwenga kumuvwiya cha. Chingana ndi jiso linu lingamufwiya lisungu cha. Pamwenga kumureka pamwenga kumubisa;

ŴaLevi 24:21

Yo wabaya chinyama wakalipanga; ndipo yo wabaya munthu wakabayikanga nayo.

ŴaLevi 24:17

Yo wabaya munthu nayo so wabayike.

Chiyambo 9:6

We yose wakudira ndopa za munthu, ndopa zake nazo zidikenge ndi munthu munyake; pakuti Chiuta wangulenga munthu mu chikozgu chake.

Marangu 19:12

sono ŵara-ŵara ŵa mu msumba wake wakatumanga kwachimuto kwenikuwa, ndi kumupereka ku ŵakutaya thayu la ndopa, alinga kuti wafwe.

Marangu 19:21

Jiso linu kuti lingachitanga lisungu cha; chiŵenge umoyo ku umoyo, jiso ku jiso, jinu ku jinu, lundi ku lundi, janja ku janja.

2 Samuele 14:7

Sono mbumba yose yayukiya paku ndamteŵeti munthukazi winu, ŵatiti, ‘Pereka munthu yo wangubaya mwana munyake, mwakuti tibaye iyo pa chifukwa cha umoyo wa mwana munyake yo wakubaya’; viyo wabayenge ndi chihara so. Mwaku ichi wakazimwanga ndi ga langu lamoto lo lijapo, ndipo kuti wakasiriyanga mrumi wangu zina nanga ndi mbuto mu charu chapasi cha.”

Maŵerengedu 35:31

Ndipo ukongwa viŵi mureke kuronde thumba lakulipa umoyo wa wakubaya munthu, yo weruzgikiya ku kubayika, kweni kuti wabayike.