Marangu 19:10 - Tonga Bible 1986

¹⁰ Wapatuwa misumba yo, vinu ndopa zambura kalema zingadika mu charu chinu chenicho Ambuya Chiuta winu watukupaskani kuŵa chihara mwakuti kususkika chifukwa cha ndopa kungaŵa paku imwe.

Marangu 19:10 Referans Kwoze

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,

Yona 1:14

Chifukwa ichi, ŵanguliriya ku Ambuya, ndi ŵanguti, “Timuŵeyereni, Ambuya, tingafwa cha chifukwa cha umoyo wa munthu uyu ndipo mungaŵikanga paku ifwe cha ndopa zambura kalema; chifukwa ndimwe, Ambuya, mwachita cho nchakumukondweskani imwe.”

Yoele 3:19

“Egipiti waŵenge phasulu ndi Edomu mahame ghakupasuka, chifukwa cha nkhaza zakuchitika ku ŵanthu ŵaku Yuda, chifukwa ŵadiska ndopa zambura kafukwa mu charu chawo.

2 ŴaKaronga 24:4

ndipo so pa chifukwa cha ndopa zambura mlando, paku vyo Ambuya kuti angukhumba kugowoke cha.

2 ŴaKaronga 21:16

Ndipo so Manase wangudiska ndopa zinandi zambura kafukwa mpaka zinguzaza Yerusalemu kwamba ku chisongo ichi mpaka kuchisongo chiya, pamoza ndi ulakwi wo wangulakwiska nawo Yuda viyo kuti wanguchita uheni mu maso gha Ambuya.

1 ŴaKaronga 2:31

Karonga wangumwamuka, “Kachite nge ndimo wakambiya, kamukosole pasi ndi ukamuŵike, mwakuti mutuzgeko kwangu ndi ku nyumba ya ada kalema ka ndopa zo wangudiska kwambura chifukwa.

Marangu 19:13

Jiso linu lingamufwiyanga lisungu cha, kweni mupeyenge kulakwa kwa ndopa zambura kalema mu Yisraele, alinga kuti kumuŵiyeni kwamampha imwe.

Maŵerengedu 35:33

Viyo mureke kukazuzga charu cho mujamo; pakuti ndopa zikazuzga charu, ndipo palivi thumba lo lingaziŵa kuwombo charu pa chifukwa cha ndopa zo zidikamo, kweni ndi ndopa zakumweniyo pe wanguzidira.

Sumu 94:21

Wo ŵapangana kumikana ndi ŵanthu ŵarunji, kweruzgiya ŵambura kunanga ku kubayika.

1 Samuele 19:5

Pakuti wanguŵika umoyo wake mu chikufi chake; ndipo wangubaya muFilisti, ndipo Ambuya anguchita utaski ukuru paku Yisraele yose. Munguwona, mungukondwere, na chifukwa nchine mulakwenge kumikana ndi ndopa zambura kafukwa, pakubaya Davidi wambura kafukwa?”

Marangu 4:21

Ndipo so Ambuya angundikwiyiya chifukwa chinu, ndi kurapa kuti ine ndambukenge cha Yordane, ndi kuti ndamuseremo cha mu charu chiya chamampha, chenicho Ambuya Chiuta winu wakupaskani kuŵa chihara chinu.

Marangu 26:1

“Muchisere mu charu cho Ambuya Chiuta winu watukupaskani kuŵa chihara, ndipo po mwachito ndi kuja mwenimo,