Marangu 18:2 - Tonga Bible 1986

² Kuti ŵakaŵanga ndi chihara cha mukati mu ŵabali ŵawo, Ambuya ndiwo chihara chawo, uli ndimo angupanganirana nawo.

Marangu 18:2 Referans Kwoze

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

Chitenje 3:24

Mtima wangu utiti, “Ambuya nchigaŵa changu, chifukwa cho ndigomekezgenge mwaku iwo.”

Yesaya 61:6

kweni imwe mukadanikanga ŵazukuru ŵa Ambuya, ŵanthu ŵakamukambaninga kuti ŵamirizi ŵaku Chiuta widu; mukarghanga usambasi wa ŵamitundu ndipo mukalankhiyanga mu chuma chawo.

Sumu 119:57

Ndimwe pe ndikhumba, Ambuya; ndipangana kuvwiya marangu ghinu.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu 16:5

Imwe Ambuya, nchigaŵa changu chakusankhika, mutindipaska chose cho ndikhumba; umoyo wangu we mu manja ghinu.

Chiyambo 15:1

Pavuli pa vinthu ivi mazu gha Ambuya ghanguza kwaku Abramu mu chakuwona, “Ungopanga cha Abramu, Ine nde nguru yako; mphoto yako yikaŵanga yikuru ukongwa.”

Maŵerengedu 18:7

Kweni iwe pamoza ndi ŵana ŵako mukalereskanga ku mlimu winu wa uzukuru pa vinthu vyose vya jochero ndi vya mukati mwa saru yakuchinga, ndi vyo mukateŵetanga. Ndakupaskani nchitu yinu ya uzukuru nge nchawanangwa, ndipo we yose yo wanderenge kufupi wakabayikanga.”

Maŵerengedu 18:20

Ambuya angunena ndi Aroni, “Iwe kuti ukaŵanga ndi chihara mu charu chawo cha, nanga ndi phande nalo cha mukati mwawo; ine nde phande lako ndi chihara chako mu ŵaYisraele.

Marangu 10:9

Chifukwa ichi MuLevi walivi chigaŵa chingana nchihara pamoza ndi ŵabali ŵake. Ambuya ndiwo chihara chake, kwakulingana ndimo Ambuya Chiuta winu wangumunene.)

Yoswa 13:14

Nkhuŵa fuku laku Levi peko Mosese wengavi kupaska chihara; mipasku yapa moto ku Ambuya Chiuta waku Yisraele ndiyo chihara chawo, nge ndimo wangukambiya kwaku iyo.

Ezekiele 44:28

“Ŵangaŵanga ndi chihara cha; ine nde chihara chawo: mureke kuŵapaska phande mu Yisraele; Ine nde phande lawo.