Marangu 18:10 - Tonga Bible 1986

¹⁰ Kungachisanirika cha mukati mwinu nanga njumoza wakocha mwana wake munthurumi pamwenga mwana wake munthukazi kuŵa sembe, we yose wakombeza, chanusi, pamwenga mungoma, pamwenga fwiti,

Marangu 18:10 Referans Kwoze

ŴaLevi 19:31

Mungawombezanga pamwenga kuchita vyanusi, mungavipenjanga ivi cha vinu vingamukazuzgani: Ndine Chiuta winu.

ŴaLevi 19:26

“Mungarghanga nyama ndi ndopa zake cha. Mungachitanga chanusi ndi ufwiti cha.

Chituwa 22:18

“Mungazomerezganga chanusi kuŵa wamoyo cha.

Machitidu gha Ŵakutumika 19:19

Ndipo ŵanandi ŵaku wo ŵachitanga mayera, ŵanguwunjika mabuku ghawo, ndipo ŵangughawocha paurongo paku wose; ndipo pakupenda mitengu yawo ŵangusaniya vyasiliva vikwi machumi ghankhonde.

Yesaya 47:13

Wavuka ndi fundu zako zinandi; ŵareke ŵame ndi ŵakutaske ŵeniwo ŵagawa machanya, wo ŵalereska pa nyenyezi, wo pa liŵali la mwezi ŵaloska chenicho chikakuŵiyanga.

Marangu 12:31

Mungachitanga viyo cha ku Ambuya Chiuta winu; chifukwa Ambuya Chiuta winu watinkha chinthu chose cha ukazuzi cho ŵachitiya ŵachiuta ŵawo, pakuti ŵatoche mu moto ŵachiuta ŵawo ŵana ŵawo ŵanthurumi ndi ŵana ŵawo ŵanthukazi.

2 Mikoka 33:6

Wangocha ŵana ŵake mu moto nge ndi mpasku mu dambo la mwana waku Hinomu, wanguchita maula ndi ufwiti, ndi kupenja viŵanda ndi ŵakuwombeza. Wanguchita ulakwi unandi pamoso gha Ambuya, kuyuskaukari wawo.

2 Mikoka 28:3

ndipo wanguwocha vyakununkhira mu dambo la mwana waku Hinomu, ndi wangocha ŵana ŵake kuŵa sembe kwakuyana ndi kachitiro kaunyakazi ka mitundu yeniyo Ambuya anguyidikiska paurongo paku Yisraele.

1 Mikoka 10:13

Viyo Sauli wangufwa mu kwananga kwake; wanguŵa wambura magomekezgeka ku Ambuya chifukwa chakureka kusunga marangu gha Ambuya ndipo so pa chifukwa chakupenja urongozgi ku ŵakuwukwa,

2 ŴaKaronga 21:6

Ndipo wangocha mwana wake uli ndi mpasku, ndipo so wachitanga uchanusi ndi kombeza, wanguwukwa ku viŵanda ndi ufwiti. Wanguchita viheni vinandi mu maso gha Ambuya, kuŵasosomole ku ukari.

2 ŴaKaronga 17:17

Ndipo ŵangocha ŵana ŵawo ŵanthurumi ŵanthukazi kuŵa mipasku ndipo wanguchita maula ndi kombeza ndipo ŵangujiguliska ku kuchita uheni mu maso gha Ambuya kuŵasosomole ku ukari.

2 ŴaKaronga 16:3

kweni wangwenda mu nthowa ya ŵakaronga ŵaku Yisraele. Ndipo wangocha chingana ndi mwana wake kupereka mpasku, kwakuyana ndi unyakazi wakuchitika ndi mitundu yo Ambuya angudikiska paurongo pa waYisraele.

1 Samuele 28:9

Munthukazi wangunena nayo, “Ndithumuziŵa cho wakuchita Sauli, mo wakudumuliya ŵa mizimu ya viŵanda ndi wakuwukwa mu charu. Chifukwa nchine munthyiya chiŵana umoyo wangu kuwutore ku nyifwa?”

1 Samuele 28:7

sono Sauli wangunena ndi ŵateŵeti ŵake, “Ndipenjiyeni munthukazi yo wendi mzimu wa viŵanda, mwakuti ndirute ndikafumbeko.” Ŵateŵeti ŵake ŵanguti kwaku iyo, “Awonani, waliko munthukazi wa mzukuru wa viŵanda ku Edoro.”

1 Samuele 28:3

Apa ndipo Samuele wafwa kali, ndipo ŵaYisraele wose ŵangumutenje ndi kumuŵika mu Rama, mu muzi wake. Ndipo Sauli wangudikiska wose ŵakombeze ndi ŵavyanusi mu charu.

ŴaGalatia 5:20

wiyu, masomaso, chisopangoza, ufwiti, mawongu, zindeu, zisanji, vikwiya, matukutuku,

Yeremiya 32:35

Ŵakuzenga vitanthali vyaku Bala mu dambo la mwana waku Hinomu, kwachipereka ŵana ŵawo ŵanthurumi ndi ŵanthukazi kwaku Moleke po ine ndengavi kuŵalanguliya, nanga nkhughanaghana kuti ŵachitenge ukazuzi uwu, kumulakwiska Yuda.

Machitidu gha Ŵakutumika 8:9

Kweni munthu yumoza, zina lake Simoni mweniyo kale wenga wamayera mu msumba wo, ndipo watondweskanga khamu la Samaria, pakukamba kuti iyo wenga mura wakufikapo:

Chiyambo 44:5

Asi wamwiya mwaku mweniyo mbuya wangu, ndipo wawombeze mwenuyu? Mwalakwa pakuchita viyo.’ ”

ŴaLevi 20:6

“Asani munthu watiya ku kombeza ndi ku vyanusi ndi kujiwizga kwaku vyo, ndikarwananga nayo muthu yo, ndikamudumuwangako ku ŵanthu ŵake.

1 Samuele 15:23

Pakuti kugaruka kwenge mbuheni wa kombeza, ndipo mtafu wenge nkhwananga ndi kusopa vikozgo. Chifukwa wakana mazu gha Ambuya iwo nawo akana iwe kuŵa karonga.”

1 Samuele 28:8

Viyo Sauli wangujibisa wanguvwara vivwalo vinyake, wanguruta, iyo pamoza ndi ŵanthu ŵaŵi; ndipo ŵanguza ku munthukazi uyu ndi usiku. Sauli wanguti, “Undiwukwiye ndi mzimu wa viŵanda, undiyuskiye mweniyo ndikakuzumbuliyanga.”

2 ŴaKaronga 23:24

Ndipo so Josiya wangutuzgamo ŵakombeza ndi zifwiti ndi ŵamaula ndi ŵangoza ndi maukazuzi ghose gho ghangusanirika mu charu chaku Yuda ndi Yerusalemu, alinga kuti wawandiske mazu gha dangu gho ghangulembeka mu buku lo Hilkiya mzukuru wangubowozga mu nyumba ya Ambuya.

Yeremiya 27:9

Viyo rekani kutegherezga ku nchimi zinu, ŵavyanusi ŵinu, ŵakulota ŵinu, wakombeza ŵinu, pamwenga ŵakuwukwa ŵinu, ŵeniwo ŵatimuneniyani, ‘Kuti mukateŵetiyanga karonga wa Babiloni cha.’

Yeremiya 27:10

Mautesi gheniwo ŵachima kwaku, kuti ndikudikiskeningimo, ndipo mukafwanga.

Mika 5:12

Nkhamaranga ŵaukwi wose mujanja lako, ndipo kuti ukaŵanga so nawo cha ŵaukwi;

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Chituwa 22:17

Asani awiske ŵakaniska kumupaska mwali yo, wakalipanga ndrama zachilowola mwenimo ŵalowole ŵamwali.

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

Yeremiya 7:31

Ndipo ŵazenga malo gha pachanya pa Tofeti, gho ghe mu dambo la mwana waku Hinomu, kwachocha ŵana ŵawo ŵanthurumi ndi ŵana ŵawo ŵanthukazi mu moto; chinthu cho ndengavi kuchitamula, chingana nkhuti chenga mu maghanughanu ghangu nako cha.