Marangu 17:9 - Tonga Bible 1986

⁹ Muze ku ŵazukuru ŵaLevi, ndi kumweruzgi yo wepa nchitu ya weruzgi mu mazuŵa ghenigho. Mukafumbiriyanga kwaku iwo, ndipo ŵakakuneniyaninga kuti kasuskidu ndi yaka.

Marangu 17:9 Referans Kwoze

Ezekiele 44:24

Asani pe kususkana iwo ŵakaŵanga ŵeruzgi, ŵeruzgenge kwakulingana ndi cheruzgu changu. Ŵakasunganga marangu ghangu ndi virunguchizgu vyangu mu madghera ghangu ghose ghakutemeka, ndipo ŵasungenge ghatuŵa masabata ghangu.

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Hagayi 2:11

“Viyo atiti Ambuya ŵa maŵanja: Fumba ŵazukuru kuti ŵamuke fumbu ili,

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Chituwa 22:8

Asani munkhungu walivi kusanirika, mweneko wa nyumba wakazanga kufupi kwaku Chiuta kuzachirongo kuti vinu pamwenga walivi kukopu janja pa vinthu vya munyake.

Marangu 17:10

Sono imwe mukachitanga kwa kuyana ndicho wamuneniyani pa malo ghenigha Ambuya akasankhanga, ndipo mukaŵanga ŵakuphwere kuchita kwakuyana ndi vyose vyenivyo ŵamulongoni.

Marangu 21:5

Ndipo ŵazukuru ŵaLevi ŵakazanga kunthazi, pakuti Ambuya ŵinu ŵakuŵasankhiya kuteŵete iyo ndi kutumbika mu zina la Ambuya, ndipo pa mazu ghawo suskanu yose ndi kupuma kose vyeruzgikenge.

Zekariya 3:7

“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa.

Chituwa 18:16

asani ŵendi suskanu, ŵatuza kwangu ndipo ine nditeruzga pakati pa munthu ndi munyake, ndipo nditiŵaziŵiska malamulu ghaku Chiuta ndi vyeruzgu vyake.”

Marangu 16:18

“Muŵike ŵeruzgi, ndi ŵarongozgi mu misumba yinu yose yo Ambuya Chiuta winu wakupaskani, kwakuyana ndi mafuku ghinu, iwo ŵakayeruzganga ŵanthu ndi cheruzgu chakurunjika.

Marangu 25:1

“Asani pe suskanu pakati pa ŵanthurumi, ndipo ŵatuza ku bwaro la mirandu, ŵeruzgi ŵateruzga pakati pawo, kufwatuwa wambura kalema ndi kususka wakulakwa.

Marangu 33:10

Ŵakarunguchizganga Yakobe vyeruzgu vinu ndi Yisraele dangu linu, wakaperekanga vya chema paurongo pinu ndi sembe yose yakocha pa jochero linu.

1 Mikoka 26:29

ŴaIshari: Kananiya ndi ŵana ŵake, ŵangumikika kulereska nchitu ya kubwalo mwaku Yisraele, nge ndi nduna ndi ŵeruzgi.

Zekariya 7:3

ndi kufumba ŵazukuru ŵa nyumba ya Ambuya ŵa maŵanja ndi ŵamchimi, kuti, “Kumbi ndikwenere kutenje ndi kufunga kurgha mu mwezi wa chinkhonde, nge ndimo ndachitiyanga virimika vinandi?”