Marangu 17:2 - Tonga Bible 1986

² “Asani kwasanirika nukati mwinu, mu mizi yinu yose yo Ambuya Chiuta winu watumupaskani, munthurumi pamwenga munthukazi yo walakwa mu maso gha Ambuya Chiuta winu, pakujumpha phanganu la Ambuya,

Marangu 17:2 Referans Kwoze

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Ŵeruzgi 2:20

Viyo ukari wa Ambuya ungukole paku Yisraele; ndipo anguti, “Chifukwa chakuti ŵanthu yaŵa ŵaswa phanganu langu lo ndingulanguliya auskeu, ndipo ŵalivi kuvwiya mazu ghangu.

Hoseya 6:7

Kweni paku Adamu ŵanguswa phanganu; kwenikuwa ŵanguchita nane kwakuura magomezgeka.

2 ŴaKaronga 18:12

chifukwa kuti ŵengavi kuvwiya mazu gha Ambuya Chiuta wawo, kweni ŵangulengeska phanganu lake ndipo ndi vyose Mosese mteŵeti wa Ambuya wangulangula, kuti ŵanguphwereko cha chingana nkhuvwiya.

Yoswa 23:16

asani mukarengeskanga phanganu la Ambuya Chiuta winu, lo wangukulanguliyani, kuruta ndi kuteŵete achiuta ŵanyake ndi kuŵajikamiya wo, penipo ndipo ukari wa Ambuya ukakolenga paku imwe, ndipo mukafwanga ruŵi mu charu chamampha ichi cho wakupaskani.”

Yoswa 7:15

Ndipo yo wakakorekanga ndi vinthu vyakukanizgika wakawochekanga ndi moto, iyo mweneko pamoza ndi vyose vyo wenavyo, chifukwa waswa phanganu la Ambuya, ndi chifukwa chakuti wachita chinthu chachilengesku mu Yisraele.’ ”

Yoswa 7:11

Yisraele walakwa, ŵaswa phanganu langu lo ndingupangana nawo, ŵatopo vinthu vinyake vyakukanizgika, ŵaba, ndipo ŵapusika, ŵaviŵika pasi pa ŵakatundu ŵawo?

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

Ezekiele 16:38

Ndikweruzgenge nge ndimo ŵanthukazi ŵareŵi ndi ŵakudiska ndopa ŵateruzgikiya, ndipo ndikasiskiyanga paku iwe ndopa za ukari ndi sanji.

Yeremiya 31:32

kuti ndakukozgana cha ndi phanganu lenilo ndinguchita ndi auskeu, pa nyengo yo ndinguŵasoske janja kuŵatuzga mu charu cha Egipiti, phanganu lo ŵanguswa, chingana ndenga murumi wawo, atiti Ambuya.

Marangu 31:20

Pakuti nditakuti ndaŵatole mu charu chakutaŵala mkaka ndi uchi cho ndingurapiya kuchipaska ku auskeu, ndipo pa ŵargha ndi ŵanguta ndi kututuŵa, ŵakang'anamukiyanga ku ŵachiuta ŵalendo, kuŵateŵete iwo ndi kuyuyuwa ine, ndi kuswa phanganu langu.

Marangu 29:25

Sono ŵanthu ŵakakambanga kuti, ‘Nchifukwa chakuti ŵangutaya phanganu la Ambuya, Chiuta wa auskeu, lo wangupangana nawo pa nyengo yo wanguŵatuzgiya mu charu cha Egipiti,

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

Marangu 4:23

Mujichenjeremwaŵeni, vinu mungaruwa phanganu la Ambuya Chiuta winu lenilo wangupangana namwe, pakujichitiya chikozgu chakusemeka, pamwenga chikozgu cha kanthu kose keniko Ambuya Chiuta winu wamukanizgani.

ŴaLevi 26:25

Ndipo nkhatolenga nkhondo paku imwe yo yikatayiyanga thayu phanganu lo. Asani mukawungananga mu misumba yinu nkhatumanga zinthenda mukati mwinu, ndipo mukaperekekanga mu janja la murwani winu.

ŴaLevi 26:15

asani mukayeyanga malangulu ghangu, mtima winu ukakananga vyeruzgu vyangu, mwakuti, kuti mukachitanga marangu ghangu ghose cha kweni muswenge phanganu langu.

ŴaHebere 10:28

Munthu wakukana dangu laku Mosese watufwa kwambura lisungu pa chisimisimi cha ŵakeboni ŵaŵi pamwenga ŵatatu:

Chituwa 22:20

“We yose wakupereka chisopo kwaku chiuta we yose, kwambura nge nkhu Ambuya, wakaphwanyikanga kwambura kujako.

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

Jobu 31:28

uwu nawo mbubendezi wakulangikiya ndi mweruzgi, chifukwa mphanyi ndaŵa mtesi kwaku Chiuta wa kuchanya.

Yeremiya 34:18

Ndipo ŵanthu wo ŵangulakwiya phanganu langu ndipo kuti ŵangusunga cha muruliku waphanganu lo, lenilo ŵanguchita paurongo pangu, ndikachitanga uli ndi thole lenilo ŵadumuwa vipitika viŵi ndi kujumpha pakati paku vyo.

Chituwa 22:19

“We yose wakura ndi nyama wakabayikanga.

ŴaLevi 20:2

“Nena ku ŵaYisraele, munthu we yose mwina Yisraele pamwenga mlendo wakutandara mu Yisraele; yo wakaperekanga mwana wake kwaku Moleke wakabayikanga: ŵanthu ŵamu charu ŵakamudinanga ndi mya.

Ŵeruzgi 6:31

Kweni Joashi wanguti kwaku wose wo ŵangumikana nayo, “Kumbi mukarwiyanga Bala? Kumbi mukavikiriyanga mrando wake? We yose yo wakarwiyanga iyo wakabayikanga ndi mlenji. Asani ndi chiuta, murekeni wajirwiye mweniko, chifukwa jochero lake labwangandulika.”