Marangu 17:16 - Tonga Bible 1986

¹⁶ Kweni wangadaniskanga ŵakavalo cha, pamwenga kutumizga ŵanthu ku Egipiti cha mwakuti wandaniske ŵakavalo, pakuti Ambuya akumukambiyani kale imwe kuti, ‘Mukawerenga so ku nthowa yiya cha.’

Marangu 17:16 Referans Kwoze

Ezekiele 17:15

Kweni wangumugarukiya pakutuma ŵamirizi ku Egipiti, kuti ŵamupaske ŵakavalo ndi nkhondo yinandi. Kumbi wakaruskanga? Kumbi wangapozomoka munthu wakuchita ivi? Waswe phanganu ndi kupozomoka?

Marangu 28:68

Ndipo Ambuya akamuwezgiyaninga ku Egipiti mu zingaraŵa, ulendo weniwo ndingupangana kuti mukawendanga so cha, mwenimuwa mwakujiguliska ku ŵakupindikana ŵinu kuŵa ŵaŵanda ŵanthurumi ndi ŵaŵanda ŵanthukazi, kweni pamuwulavi munthu yo wakumugulani.”

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Sumu 20:7

Ŵanyake ŵathamiya magareta, ŵanyake ŵathamiya ŵakavalo; kweni ifwe tithamiya mu zina la Ambuya Chiuta widu.

1 ŴaKaronga 4:26

Solomoni wanguŵa ndi vikwi machumi ghanayi (40,000) vya makhora gha ŵakavalo ŵa magareta, ndi vikwi chumi ndi viŵi (12,000) vya ŵakukwera pa ŵakavalo.

Chituwa 13:17

Penipo Farao wanguŵazomerezga ŵanthu kuti ŵarutenge, Chiuta kuti wanguŵarongozga mu nthowa ya charu cha ŵaFilisti cha, chingana kuwa kwenga kufupi, pakuti Chiuta wanguti, “Vinu ŵanthu ŵangang'anamuka ŵachiwona nkhondo, ndi ŵangawere ku Egipiti.”

1 ŴaKaronga 1:5

Sono Adoniya mwana waku Hagiti wangujitumphuska yija wanguti, “Ine ndikaŵanga karonga,” ndipo wangujirongosole magareta ndi wakukwere pakavalo, ndi ŵanthu machumi ghankhonde ŵakuchimbiya ku urongo kwake.

Chituwa 14:13

Ndipo Mosese wanguti ku ŵanthu, “Rekani kopa, mani gwa, ndipo muwonenge utaski wa Ambuya weniwo akamuchitiyaninga msana wale; pakuti ŵaEgipiti wa muwona msana wale kuti, mukaŵawonango so cha.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

2 Samuele 8:4

Ndipo Davidi wangukwamphuwa ŵanthu ŵa pakavalo, chikwi ndi machumi pe chumi ghankhonde ndi ghaŵi (1,700) ndi ŵankhondo ŵakwenda pasi vikwi machumi ghaŵi (20,000); ndipo Davidi wangufyo ŵakavalo wose ŵamagareta, kweni wangusiyapo ŵakwenere pa magareta machumu pe chumi (100).

1 Samuele 8:11

Wanguti, “Izi ndizo zikaŵanga nthowa za karonga yo wakuuseninge: wakatonga ŵana ŵinu kuŵamika mu magareta ghake ndi mu ŵakavalo ŵake, ndi kuchimbiya paurongo pa magareta ghake;

2 Mikoka 9:25

Ndipo Solomoni wenga ndi makhora gha ŵakavalo, ndi malo ghakusungiyamo magareta vikwi vinayi (4,000) ndi ŵapakavalo vikwi chumi ndi viŵi (12,000) wanguŵaŵika mu mizi ya magareta ndi mu Yerusalemu ku karonga.

Chituwa 13:18

Kweni Chiuta wanguŵarongozga ŵanthu ŵa kwakuzunguliya mu nthowa ya ku bozwa kurazga ku Nyanja Yiyera. Ndipo ŵaYisraele ŵangukwera kutuwa mu charu cha Egipiti ŵakuskoma nkhondo.

2 Mikoka 1:16

Ndipo Solomoni wadaniskanga ŵakavalo ŵakutuwa ku Egipiti ndi ku Kue, ndipo ŵamalonda ŵa karonga ŵaŵarondiyanga kutuwa ku Kue, kuŵagula pa mtengo wakutemeka.

Yesaya 2:7

Charu chawo chazazika siliva ndi golide, ndipo mu mbiku zawo mulivi umari; charu chawo chazazika ndi ŵakavalo, ndipo magareta ghawo kuti ghamara cha.

Yeremiya 42:19

Ambuya akamba kwaku imwe, mwaŵakujapo ŵaku Yuda, ‘Mungarutanga ku Egipiti cha.’ Ziŵiskani kuti ndakuchenjezgani msana wale,

Mika 5:10

Ndipo mu zuŵa lo, atiti Ambuya, nkhadumuwanga ŵakavalo mukati mwako, ndipo nkhabwanganduwanga magareta ghako;

1 ŴaKaronga 5:6

Chifukwa ichi, langulani kuti ŵanditeme milanje yaku Lebanoni; ndipo ŵaŵanda ŵangu ŵazamsere pa ŵaŵanda ŵinu, ndipo ine ndikulipileninge chifukwa cha ŵaŵanda ŵinu mitengo yo imwe mutemenge; pakuti muziŵa kuti mulivi nanga njumoza mukati mwidu yo waziŵa kudunuwa mathabwa nge mba Sidoni.”