Marangu 17:11 - Tonga Bible 1986

¹¹ Mukachitanga ndi kulangula kweniko wamupaskani, ndi kwakuyana ndi udumuliro weniwo wamutauliyani; mukachitanga, kuti mupeteriyenge pa dondo chakureka udumuliro weniwo wamutauliyani, manyi nkhu janja la marghe pamwenga la maze cha.

Marangu 17:11 Referans Kwoze

Yoswa 1:7

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

Yuda 1:8

Kweni kwakukozgana nako ŵakulota yaŵa nawo ŵakazuzga liŵavu, ndipo ŵayeya mazaza, ndi kutuka maunkhankhu.

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

Tito 3:1

Ŵakumbuske kujithereske ku ŵara, ku mitufu, kuvwiya ŵeruzgi, kuŵa ŵakufongosoleke nchitu yose yamampha,

Nthanthi 4:27

Ungapatukiyanga ku marghe pamwenga ku maze; tuzgako rundi lako ku uheni.

2 Samuele 14:19

Karonga wanguti, “Kumbi janja laku Yoabu le nawe paku chose ichi?” Munthukazi wangwamuka wanguti, “Ndarapa umoyo winu, mbuyangu karonga, pa ku chose cho karonga wakamba, palivi yumoza wakuti wang'anamukiye ku janja la marghe pamwenga ku lamaze. Ndi mteŵeti winu Yoabu yo wangundipempha; ndiyo wanguŵika mazu ghose yagha mu mlomo wa mteŵeti munthukazi.

Yoswa 23:6

Pa chifukwa ichi muŵe ŵakukoreska kusunga ndi kuchita vyose vyo vikulembeka mu buku laku Mosese, kwambura kung'anamukako kwaku lo kurazga ku marghe pamwenga ku maze,

Marangu 28:14

asani kuti murandiya ku janja la marghe pamwenga ku maze cha, kusiya vyo ndikutauliyani zuŵa ili, ndi kurondo ŵachiuta ŵanyake ndi kuŵateŵete.

Marangu 25:1

“Asani pe suskanu pakati pa ŵanthurumi, ndipo ŵatuza ku bwaro la mirandu, ŵeruzgi ŵateruzga pakati pawo, kufwatuwa wambura kalema ndi kususka wakulakwa.

Marangu 17:20

Viyo mtima wake ureke kujikwezga pachanya pa ŵabali ŵake, ndi kuti wareke kusere pa dondo kupatukako ku dangu, manyi nkhu janja la marghe pamwenga ku la maze, alinga kuti wagonere ukongwa mu ufumu wake, iyo ndi ŵana ŵake, mu Yisraele.

Marangu 5:32

Viyo muŵe ŵakuphwere kuchita nge ndimo Ambuya Chiuta winu wakulanguliyani, mungang'anamukiyanga ku marghe pamwenga ku maze cha.

ŴaLevi 10:11

Ndipo mukasambizganga ŵaYisraele malamulu ghose gho Ambuya akukamba kwaku wo mwaku Mosese.”

Marangu 17:10

Sono imwe mukachitanga kwa kuyana ndicho wamuneniyani pa malo ghenigha Ambuya akasankhanga, ndipo mukaŵanga ŵakuphwere kuchita kwakuyana ndi vyose vyenivyo ŵamulongoni.