Marangu 16:3 - Tonga Bible 1986

³ Mungarghanga ndi chiŵande cha mtupu cha; mu mazuŵa ghankhonde ndi ghaŵi mukarghanga ndi chiŵande chambura mtupu, chiŵande chapa nyengo ya suzgu, chifukwa mungutuwa mu charu cha Egipiti mu ruŵi. Mwakuti mu mazuŵa ghose gha umoyo winu, mukumbuke zuŵa lo mungutuwiya mu charu cha Egipiti.

Marangu 16:3 Referans Kwoze

Chituwa 12:39

Ndipo ŵangocha chiŵande chambura mtupu cha muvuŵa weniwo ŵangutuwa nawo mu Egipiti pakuti wengavi kutupiskika, chifukwa ŵangudikiskika mu Egipiti ndipo ŵangutondeka kutandala, ndipo ŵengavi so kujilongosore kurgha.

Chituwa 34:18

“Musungenge dghera la chiŵande chambura mtupu mazuŵa ghankhonde ndi ghaŵi mukarghanga chiŵande chambura mtupu, uli ndimo ndingukulanguliyani, panyengo yakutemeka mu mwezi wa Abibi; pakuti mu mwezi wa Abibi mungutuwa mu Egipiti.

Luka 22:19

Ndipo wanguto chiŵande, ndipo wati wawonga wangumenya, ndi wangupaska kwaku wo, wakuti, “Chenichi ndi liŵavu langu, [lakupaskikiya chifukwa chaku imwe; chenichi chitiyani kwachikumbuka ine.”

Maŵerengedu 9:11

Zuŵa la chumi ndi chinayi la mwezi wa chiŵi, ndi mazulo, ŵakachitanga; ŵakarghanga ndi chiŵande chambura mtupu ndi munkhwani wakuŵaŵa.

Chituwa 12:8

Ŵakarghanga nyama ndi usiku weniwo yakocha pamoza ndi chiŵande chambura mtupu ndi munkhwani wachakuŵaŵa.

1 ŴaTesalonika 1:6

Ndipo imwe munguŵa wakwezga ifwe ndi Ambuya, munguti mwaronde mazu mu suzgu yikuru, pamoza ndi chimwemwe cha Mzimu Wakupaturika;

1 ŴaKorinte 5:8

Viyo tiyeni tichite dghera, ndi mtupu wakali cha, chingana ndi mtupu wa uheni ndi utimbanizi cha, kweni ndi viŵande vizira-mtupu vya urunji ndi uneneska.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Sumu 127:2

Nkhwaŵaka kuyuka ndi mlenji ndi kuswera pakugona, kutakataka ukongwa chifukwa cha kurgha; chifukwa Ambuya apaska chipumulu kwaku ŵeniwo atanja.

Sumu 111:4

Ambuya kuti akhumba cha kuti ifwe tiruwenge nchitu zawo zakuziziswa; mba wezi ndi lisungu Ambuya.

Sumu 102:9

Nditurgha vyoto nge nchiŵande, ndipo vyakumwa vyangu vyatimbulinkhang'a ndi masozi,

1 ŴaKaronga 22:27

Mukanene kuti, ‘Viyo ndimu wanene karonga, “Uyu munthu mumuŵike mu nyumba ya magoŵa, ndipo mumurghiske kurgha kumanavi ndi maji ghamanavi, mpaka po ine ndaza mu chimangu.” ’ ”

Maŵerengedu 28:17

Ndipo pa zuŵa la chumi ndi ghankhonde la mwezi uwu ndi dghera; mukarghanga chiŵande chambura mtupu mazuŵa ghankhonde ndi ghaŵi.

ŴaLevi 23:6

Ndipo pa zuŵa la chumi pachanya ghankhonde mwezi weniwo pe ndi dghera la chiŵande chambura mtupu ku Ambuya; mukarghanga chiŵande chambura mtupu mazuŵa ghankhonde ndi ghaŵi.

Chituwa 12:11

Mutinge viyo muchirgha viunu vinu vimangike, viyatu vinu mu marundi, ndi ndodo zinu mu janja linu; ndipo mukarghanga kwakuthaŵiriya. Ndi dghera la phaska la Ambuya.

Chituwa 12:17

Ndipo mukasunganga dghera la chiŵande chambura mtupu, pakuti pa zuŵa lenili ndilo ndingutuzgiyamo maŵanja ghinu mu charu cha Egipiti viyo mukasunganga zuŵa ili, mu migonezi yose, nge ndi dangu muyaya.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Marangu 16:2

Mukabayiyanga Ambuya Chiuta winu sembe ya mberere pamwenga ya ng'ombe pa malo ghenigho Ambuya akasankhanga ndi kudanapo zina lawo.

Yesaya 52:12

Pakuti, kuti mukarutanga ndi fulumira cha, ndipo kuti mukathaŵanga cha pakuruta, chifukwa Ambuya akakudanjiliyaninga, ndipo Chiuta waku Yisraele wakaŵanga wakumuvikiriyani kuvuli.

Yoswa 4:7

Sono mukaŵaneniyanga kuti maji gha Yordane ghangudumulika paurongo pa bokosi la phanganu la Ambuya; po lambukanga pa Yordane, maji ghangugaŵikana. Rekani mya iyi yikaŵanga chikumbusku cha muyaya ku ŵaYisraele.”