Marangu 16:21 - Tonga Bible 1986

²¹ “Mungapandanga muti we wose cha kuŵa lisuwa kuŵandikana ndi jochero la Ambuya Chiuta winu lo mukachitanga.

Marangu 16:21 Referans Kwoze

2 Mikoka 33:3

Pakuti wanguzenga so malo gha pachanya gho Hezekiya awiske ŵangudumuriya pasi, ndi kumzenge Bala viguŵa ndi viuyi, wangusopa vya kuchanya vyose ndi kuvitatariya.

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

Chituwa 34:13

Mukagumuliyanga pasi majochero ghawo gha sembe, ndi kubwanganduwa mizati yawo, ndi kudumuliya pasi mya yawo yakusopiyapo Ashera

1 ŴaKaronga 16:33

Ndipo Ahabu wangupanga Ashera. Wanguchita kwakurutizga kusosomole Ambuya, Chiuta waku Yisraele, ku kukara, kuruska ŵakaronga wose ŵaku Yisraele wo ŵengako paurongo pake.

1 ŴaKaronga 14:15

Ndipo kwanda sono Ambuya akakosonga Yisraele, ulaka ndimo dete lisukuniskikiya mu maji ndi kuzuwa Yisraele kumutuzga mu charu chamampha ichi chenicho angupaska ku auskeu, ndi kuŵaparghaniya kusirgha kwa Efrate, chifukwa ŵapanga Asherimu wawo, kusosomole Ambuya ku ukari.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Marangu 7:5

Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.

ŴaLevi 26:1

“Mungajichitiyanga ŵangoza cha nanga nkhumika ŵangoza wakusemeka pamwenga chimuzati cha, ndipo mungamikanga mwa wakusemeka mu charu chinu kuvisopa vyo cha, pakuti ine ndine Ambuya Chiuta winu.

2 ŴaKaronga 21:7

Ndipo ngoza wakusema waku Ashera, yo wangupanga wangumumika mu nyumba yeniyo Ambuya angukamba kwaku Davidi ndi kwaku Solomoni mwana wake, “Mu nyumba iyi ndimu Yerusalemu, yo ndasankha mu makhamu ghose gha Yisraele, ndikaŵikangamo zina langu muyaya,