Marangu 16:2 - Tonga Bible 1986

² Mukabayiyanga Ambuya Chiuta winu sembe ya mberere pamwenga ya ng'ombe pa malo ghenigho Ambuya akasankhanga ndi kudanapo zina lawo.

Marangu 16:2 Referans Kwoze

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Marangu 12:26

Kweni vinthu vinu vyakupaturika mukwenere kupereka ku Ambuya ndi mpasku ndi sembe za marapu, mukavitonga ndipo mukarutanga navyo ku malo gho Ambuya akasankhanga.

1 ŴaKorinte 5:7

Photoni mtupu wakali wo, kuti muŵe burunga lifya, nge ndimo muliri ŵazira mtupu. Chifukwa phaska lidu nalo labayika, ndilo Kristu.

Luka 22:15

Ndipo wanguti kwaku yiwo, “Ndi linweka ndanweka kurgha pamoza namwe phaska lenili, ndenga ndindakomwe:

Luka 22:8

Ndipo wangutuma Petro ndi Yohane, wakuti, “Rutani, tirongosoliyeni phaska, alinga tirghenge.”

Marko 14:12

Ndipo pa zuŵa lakudanga la chiŵande chambura chimera, penipo ŵabayanga phasku lo, ŵasambizi, ŵake ŵanguti kwaku iyo, “Mukhumba tikamrongosoleyeni nunkhu kuti mukarghe phaska?”

Mateyu 26:17

Ndipo pa zuŵa lachimoza la dghera la vyamburamtupu ŵasambizi ŵanguza kwaku Yesu, ŵakuti, “Mukhumba tikurongosoliyeni nunkhu kurgha phaska?”

Mateyu 26:2

“Muziŵa kuti pavuli pa mazuŵa ghaŵi kuŵenge dghera la phaska, ndipo Mwana wa munthu wakombolekenge kwachipayikika.”

2 Mikoka 35:7

Ndipo Josiya wangupaska ŵanthu vyakuŵeta, ŵana ŵa mberere ndi ŵana ŵambuzi ŵaŵenge sembe ya phaska yaku wose wo ŵenga penipo, vikwi machumi ghatatu (30,000) ndi ng'ombe vikwi vitatu (3,000); zose zamu uromba wa Karonga.

Marangu 15:20

Mukaŵarghanga, imwe ndi ŵamunyumba yinu wose, panthazi pa Ambuya Chiuta winu mu chirimika ndi chirimika, pa malo ghenigho Ambuya Chiuta winu wakasankhanga.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 12:14

kweni pa malo gho Ambuya akasankhanga mukati mu limoza la mafuku ghinu, penipa ndipo muperekenge sembe zinu zakocha, ndipo penipa mukachitiyanga vyose vyo ndimulanguliyani.

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Maŵerengedu 9:2

“ŴaYisraele ŵachite phaska pa nyengo yake yakutemeka.

Marangu 16:1

“Kumbukani cho mutenere kuchita mu mwezi wa Abibi, ndipo rghani dghera la phaska nge ndimo Ambuya akumulanguliyani. Pakuti mu mwezi wa Abibi Ambuya Chiuta winu wangumutuzgani ndi usiku mu Egipiti.

Marangu 16:3

Mungarghanga ndi chiŵande cha mtupu cha; mu mazuŵa ghankhonde ndi ghaŵi mukarghanga ndi chiŵande chambura mtupu, chiŵande chapa nyengo ya suzgu, chifukwa mungutuwa mu charu cha Egipiti mu ruŵi. Mwakuti mu mazuŵa ghose gha umoyo winu, mukumbuke zuŵa lo mungutuwiya mu charu cha Egipiti.

2 ŴaKaronga 23:21

Ndipo karonga wangulanguliya ŵanthu wose, “Musungenge phaska ku Ambuya Chiuta winu, nge ndimo kukulembeke mu buku ili la phanganu.”