Marangu 15:3 - Tonga Bible 1986

³ Ku mlendo mungaziŵa kughafumba, kweni chose chaku cho chendi mbali wako, janja laku limugowoke.

Marangu 15:3 Referans Kwoze

Marangu 23:20

Ku mlendo mungaziŵa kukongoleska kwakuti waŵikepo vinyake, kweni ku mwana munyinu kuti mukongoleskiyenge kuŵikapo vinyake cha pachanya; alinga kuti Ambuya Chiuta winu wakutumbikeni mwaku vyose vyenivyo muchita mu charu chenicho mukaserengamo kwachichito kuŵa chinu.

ŴaGalatia 6:10

Viyo na, mo titiri ndi nyengo, tichitiyenge kwaku wose cho nchamampha, ukongwa kuŵa nambumba ŵa chivwanu.

Yohane 8:35

Ndipo muŵanda kuti wajaririya mu nyumba muyaya cha: mwana ndiyo wajaririya muyaya.

Chituwa 22:25

“Asani mukongoleska ndrama kwaku we yose wa ŵanthu ŵangu yo mwe nayo mweniyo ndi musauchi, mungaŵanga kwaku iyo nge ngwakuteuliska cha, ndipo mungarondagako chipambi.

Marangu 15:2

Ndipo mugowoke viyo: yose wakuteulika, wagowoke kanthu ko wateuliska mwanasi wake; wareke kukafumba ku mwanasi wake, pamwenga mbali wake, chifukwa Ambuya atilanguliya chigowoke.

Marangu 23:21

“Muchirapa rapu ku Ambuya Chiuta winu, mungasweranga cha kulipa, pakuti Ambuya Chiuta winu kwakuneneska wakalikhumbanga kwaku imwe, ndipo lingaŵa uheni mwinu.