Marangu 15:10 - Tonga Bible 1986

¹⁰ Mumupaske kwawanangwa, mtima winu ungakwininikanga cha pakumupaska. Pa chifukwa ichi Ambuya Chiuta winu wakamutumbikaninga mu nchitu yinu yose, ndi mwaku chose cho mukatonga.

Marangu 15:10 Referans Kwoze

Nthanthi 22:9

Mweniyo wendi jiso la lisungu wakatumbikikanga, pakuti wasangana kurgha kwake ndi ŵakusauka.

ŴaHebere 13:16

Ndipo kuchita umampha ndi kusangana kwawezi mungaruwanga cha: pakuti ndi visopu vyaviyo Chiuta wakondwereskeka ukongwa.

Yesaya 58:10

asani mutijikhutuwa chifukwa chawanja ndi kugutiska makhumbu gha wakuyuzgika, po ndipo ukweru winu ukayukanga mu mdima ndi mukhorwe winu ukaŵanga uli ndi msana-pakati.

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Marangu 24:19

“Muchivuna mbeu zinu mu minda yinu, ndipo mwaruwamo nchinda mu munda, mungawerengako cha kwachiyito, nchinda yo yikaŵanga ya mlendo, wamasiya, ndi choko, alinga kuti Ambuya Chiuta winu wakutumbikeni mu nchitu yose yinu.

Yesaya 32:8

Kweni yo ngwakuzirwa wapanga vinthu vyakuzirwa, ndipo watuma mu vinthu vyakuzirwa.

Machitidu gha Ŵakutumika 20:35

Mwaku vyose ndakurongoni, kuti mwaŵakutakatakiya viyo mutenere kuwovya ŵakutomboroka, ndi kukumbuka so mazu gha Ambuya Yesu, po wanguti iyo, ‘Nkhwamwaŵi kupaska kwakuruska kuronde.’ ”

Marangu 15:4

Ndipo viyo kuŵengevi mukavu mwaku imwe, chifukwa Ambuya akamutumbikaninga mu charu cho Ambuya Chiuta winu wamupaskani kuŵa chihara chinu,

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

ŴaRoma 12:8

pamwenga wakuchichizga, mu uchichizga wake; wakupaska vyawezi, mu wanangwa; wakuwusa mu phamphu; wakuchitiya lisungu, mu masangu.

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Marangu 14:19

Ndipo vizimu vyamapapa vyose vya munguzgu kwaku imwe, vingarghikanga cha.

Marangu 23:20

Ku mlendo mungaziŵa kukongoleska kwakuti waŵikepo vinyake, kweni ku mwana munyinu kuti mukongoleskiyenge kuŵikapo vinyake cha pachanya; alinga kuti Ambuya Chiuta winu wakutumbikeni mwaku vyose vyenivyo muchita mu charu chenicho mukaserengamo kwachichito kuŵa chinu.

Marangu 28:8

Ambuya akalangulanga chitumbiku paku imwe munkhokwe zinu ndi mwaku vyose vyo muchita, ndipo, akamutumbikaninga mu charu cho Ambuya Chiuta winu watumupaskani.

Wakutaula 11:1

Upong'e chakurgha chako pa maji, pakuti ukachisaniyanga ghatakuti ghajumphapo mazuŵa ghanandi.

Marangu 15:18

Kuti chikawonekanga chinonono cha kwaku imwe penipo mutumuzomerezga kuruta kwawanangwa kutuwa ku kwinu, pakuti wamuteŵetiyani virimika vinkhonde ndi chimoza cho nchigaŵa cha chimoza cha mtengo wa wanchitu wakurembereka. Viyo Ambuya Chiuta winu wakamutumbikaninga mwaku vyose vyo muchita.