Marangu 14:2 - Tonga Bible 1986

² Pakuti imwe mwe ŵanthu ŵakupaturika ku Ambuya Chiuta winu, ndipo Ambuya amusankhani kuŵa ŵanthu ŵa chihara chawo, mu ŵanthu wose wo ŵemu charu.

Marangu 14:2 Referans Kwoze

Marangu 7:6

“Chifukwa imwe mwe ŵanthu ŵakupaturika kwa Ambuya Chiuta winu, Ambuya Chiuta winu wakusankhani kuti muŵe ŵake ŵapade, kutuwa ku ŵanthu wose wo ŵe pa charu.

ŴaLevi 20:26

Imwe mukaŵanga ŵakupaturika kwangu; pakuti ine Mbuyamwe nde wakupaturika ndipo ndakupatuwaniko ku mitundu ya ŵanthu, alinga kuti muŵenge ŵangu.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

ŴaLevi 19:2

“Nena ku mpingu wose wa ŵaYisraele kuti, Mukaŵanga ŵatuŵa; pakuti Ine Ambuya Chiuta winu nde mutuŵa.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Marangu 28:9

Ambuya akamikanga imwe kuŵa mtundu wakupaturika kwaku iwo ŵeneko, nge ndimo ŵarapiya imwe, asani musunga marangu gha Ambuya Chiuta winu ndi kwenda mu nthowa zake.

ŴaLevi 11:45

Pakuti Ine nde Ambuya wo angukutuzgani mu charu cha Egipiti, kuŵa Chiuta winu; chifukwa chenichi mukaŵanga ŵatuŵa, pakuti Ine nde mtuŵa.”

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Danyele 8:24

Nthazi zake zikaŵanga zikuru, ndipo wakachitanga phasulu lakofya, wakapundanga mwaku cho wakachitanga ndi wakaparghang'anga ŵamazaza ndi ŵanthu ŵatuŵa ŵaku Chiuta.

Marangu 14:21

“Mungarghanga cha kanthu kose ko kafwa kija. Mukapaske ku mlendo yo wemu mizi yinu, kuti warghe, pamwenga muguliske ku ŵalendo; pakuti imwe ndimwe ŵanthu ŵakupaturika ku Ambuya Chiuta winu. Mungabikanga mwana wa mbuzi mu mkaka wa nyina.

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Ezekiele 21:2

“Mwana wa munthu, urazge chisku chako ku Yerusalemu taula vya mu malo ghakupaturika: uchimi ndi charu chaku Yisraele.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

ŴaRoma 12:1

Viyo ndikuŵeyereni, mwa ŵabali, chifukwa cha vyalisungu vyo vyaku Chiuta, kupereka maliŵavu ghinu sembe yamoyo yakupaturika, yamarondeka kwaku Chiuta, ndiyo uteŵeti winu wavinjeru.

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

Ezra 9:2

Chifukwa ŵato ŵanyake ŵa ŵana ŵanthukazi kuŵa ŵawoli ŵawo, ndi ŵawoli ŵa ŵana ŵawo ŵanthurumi: viyo mtundu wakupaturika watimbanizgika ndi ŵeneko ŵacharu, ndipo janja la ŵaraŵara ndi zinduna ndilo lakuwa mu kunanga uku.”

Yesaya 41:9

iwe ndingukuto ku vigoti vya charu chapasi kukudana ku visongo vyake vya kunthazi limu, po ndinguti kwaku iwe, “Ndiwe muŵanda wangu, ndakusankha ndipo ndilivi kukutaya kuwa”;

Yeremiya 2:3

Yisraele wenga wakupaturika ku Ambuya, vipasi vyakudanga vya vuna yake. Wose wo ŵangurghapo vyo ŵangwananga; uheni unguza paku iwo, atiti Ambuya.”

ŴaLevi 20:24

Kweni kwaku imwe ndakamba kuti, ‘Mukaharanga charu chawo, ndipo ndikachipaskanga kwaku imwe kuŵa chinu, charu chakutaŵala mkaka ndi uchi.’ Ine ndine Ambuya Chiuta winu, yo wakupatuwaniko ku mitundu yinyake ya ŵanthu.

Marangu 7:7

Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.