Marangu 14:1 - Tonga Bible 1986

¹ “Ndimwe ŵana ŵa Ambuya Chiuta winu, mungajitemanga, pamwenga kumeta mupara pa maso pinu chifukwa cha ŵakufwa.

Marangu 14:1 Referans Kwoze

ŴaGalatia 3:26

Chifukwa mose mwe ŵana ŵaku Chiuta mu chivwanu mwakuKristu Yesu.

ŴaRoma 9:8

Uku ndiku kuti wo ŵakupapika ku liŵavu pe kuti mbana ŵaku Chiuta cha; kweni wo ŵakupapika chifukwa cha chipanganu chaku Chiuta ndiwo mbeu yake yeneko.

ŴaLevi 21:5

Wareke kumeta chimbembezuli pa mutu yawo, chingana nkhumetere kurwandi myembe yawo, chingana nkhutema simbo ya maliŵavu ghawo.

ŴaRoma 9:26

Ndipo kuŵenge kuti, mu malo mwenimo kunguŵaneneke, kuti mwe khamu langu cha, kweniko ŵatamulikenge ŵana ŵaku Chiuta Wamoyo.”

ŴaHebere 2:10

Chifukwa kunguyiyamu iyo, kwaku mweniyo vye vyose, ndi mwaku mweniyo vye vyose, pakutoliyamu ŵana ŵanandi mu unkhankhu, kufiskiya ndi vikomwa nduna ya utaski wawo.

ŴaRoma 8:16

Mzimu iyo wasimikizgana ndi mzimu widu, kuti te ŵana ŵaku Chiuta:

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Yeremiya 41:5

ŵanthu machumi ghakhonde ndi ghatatu ŵangufika kutuliya ku Shekemu ndi Shilo ndi Samaria, ŵakumeta myembi yawo ndi vivwalo vyawo vyakuparuka, ndi ŵakujitema maliŵavu ghawo ŵakunyamuwa mpasku wawo wa ufwa ndi vyachema kwachipaska pa nyumba ya Ambuya.

Yeremiya 16:6

Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

2 ŴaKorinte 6:18

ndipo nkhaŵiyanga imwe Dada, ndipo imwe mwamkundiŵiya ŵana ŵanthurumi ndi ŵana ŵanthukazi, watiti Mbuya Wanthazizose.”

Yohane 11:52

Inya pa chifwa cha mtundu wo pe cha, kweni alinga kuti ŵana ŵaku Chiuta ŵakumwaranika waŵaungang'e mu liŵavu limoza.

Yeremiya 3:19

“ ‘Ndingughanaghana mo ndingakumikiyani mukati mu ŵana ŵangu, ndi kukupaskani charu chakukondweska, chiŵe chihara chakutowa kwakuruska cha mitundu yose. Ndipo ndingughanaghana kuti mukandidananga, Ada, ndi kuti mukarekanga cha kundilondo.

Chiyambo 6:4

ŴaNefilimi ŵenga mu charu mu mazuŵa ghenigha, ndiso pavuli penipo ŵana ŵaku Chiuta ŵangusere mu ŵana ŵanthukazi ŵa ŵanthu, ndi ŵangupapa ŵana. Yaŵa ŵenga ŵanthu virimbi wo ŵenga ŵamwaka, ŵanthu ŵambiri.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

1 Yohane 5:2

Mwaku chenichi tiziŵa kuti titanja ŵana ŵaku Chiuta, po titumwanja Chiuta, ndi kuchita marangu ghake.

1 ŴaTesalonika 4:13

Kweni kuti tikhumba cha, mwa ŵabali, kuti mureke kuziŵiyapo paku wo mbakura tulo; alinga kuti mungafwa chisungu cha, nge mbanyake nawo wo ŵalive chigomekezgu.

Yeremiya 47:5

Phala laza paku Gaza, Ashikeloni wamara. Mwaŵakusiyikamo ŵa Anakimu mwe, mpaka zuŵanji mukajitemanga?

ŴaRoma 9:4

ŵeniwo mbaYisraele; kwaku ŵeniwo kwe ulezi wo, ndi unkhankhu wo, ndi marayizganu, ndi kapaskidu ka dangu, ndi uteŵeti waku Chiuta, ndi mapanganu;

Marangu 13:18

asani muvwiya mazu ghake, kusunga marangu ghake ghose gho ndimulanguliyani zuŵa lino, ndi kuchita cho nchakurunjika mu maso gha Ambuya Chiuta winu.

1 ŴaKaronga 18:28

Ndipo ŵangubongo ndi mazu gha mkankha ŵangujicheka-cheka ndi malipanga ndi vimayi kwakulingana ndi lusu lawo mpaka ndopa zinguchucha.

Marangu 32:6

Kumbi mutiŵatayiya thayu viyo Ambuya, mwa ŵanthu ŵakupusa ndi ŵambura chinjeru imwe? Kuti ndiwo auskemwe cha wo angumulengani, wo angumupangani imwe ndi kumujarikani?

Yesaya 63:16

Pakuti imwe ndimwe Auskefwe, chingana Abrahamu wareka kutiziŵa ifwe, ndipo Yisraele kuti watitipanikizga cha; imwe Ambuya, ndimwe mwe Auskefwe, Muwombozi widu ndilo zina linu kutuliya ku mwaka.

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.