Marangu 13:6 - Tonga Bible 1986

⁶ “Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

Marangu 13:6 Referans Kwoze

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

Nthanthi 18:24

Ghalipo mabwezi ŵeniwo ŵachitauli ndi mabwezi kweni pe bwezi lo libatikana pafupi kwakuruska mwana munyake.

Chivumbuzi 20:3

wangumpong'a mu chizenje cho, ndi wanguchijara ndi kuchizighiriya pachanya pake, mwakuti wareke kurandizga so mitundu, mpaka vyamara virimika chikwi: pavuli pake watenere kuti wafwatulike nyengo yimanavi.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

1 Samuele 20:17

Ndipo Jonafani wanguwerezgapo kurapiska Davidi pa chifukwa cha chanju cha paku iyo; pakuti wangumwanja nge ndimo wangwanjiya umoyo wake.

1 Samuele 18:3

Ndipo Jonafani wangupangana phanganu ndi Davidi, chifukwa wangumwanja nge mbumoyo wa mweneko.

1 Samuele 18:1

Wanguti wamara kurongoro ndi Sauli mtima waku Jonafani ungubatikana ndi mtima waku Davidi, ndipo Jonafani wangumwanja Davidi nge mbumoyo waku iyo mweneko.

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

Marangu 28:54

Munthurumi yo ngwakurombotoka ndi wakupapika wakuropwa mwaku imwe, wakanoranga kurgha mbali wake, ndi muwoli wake wapa mtima wake ndi mwana wake yo wamujaliyako.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

ŴaKolose 2:4

Ndikamba chenichi, wangamrandizgani cha munthu yumoza ndi mazu ghakuwoja ŵaka.

ŴaGalatia 2:4

kweni ndingukweriyako chifukwa cha ŵabali-ŵatesi ŵakutolekeyamo kwaubende, ŵeniwo ŵangunyeremukiyamo kwachiskola wanangwa widu wo te nawo mwaku Kristu Yesu; alinga kuti watisanduske ŵaŵanda;

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

Jobu 31:27

ndi mtima wangu ungunyengeka muubende, mlomo wangu wafyofyontha janja langu;

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

Ŵeruzgi 5:8

Penipo ŵachiuta ŵafya ŵangusankhika, nkhondo yenga mu malikomo. Kumbi nguru pamwenga mkondo vyaonekanga mukati mu vikwi machumi ghanayi mu Yisraele?

Ŵeruzgi 2:13

Ŵangujowo Ambuya, ndi ŵangutataliya Bala ndi Ashitaroti.

Chiyambo 16:5

Ndipo Sarai wanguti kwaku Abramu, “Ubudi weniwo wachitikiya paku ine uŵe paku! Ndingukupaska muŵanda munthukazi wangu mu chifukwa chako, kweni wanguti wawona kuti wazuwuka, wangundilereska ndi myuyu. Ambuya ŵeruzge pakati paku iwe ndi ine!”

Nthanthi 5:20

Chifukwa nchine, wa mwana wangu, chakukhorwe munthukazi muyaghayagha ndi kuvumbatiya chifuŵa cha wakunyenga?

2 Samuele 1:26

“Ndalasika mtima chifukwa chako, mbali Jonafani; waŵa wakundikondweska ukongwa; kwanja kwako kungundiziziswa, kunguruska kwanja kwa ŵanthukazi.

Marangu 13:2

Ndipo chizindikilo pamwenga chakuziziswa cho watumumukambiyani chituwaku, ndipo asani watiti, ‘Tiyeni tirondo ŵachiuta ŵanyake wo’, kuti mwaŵaziŵa kali cha, ndipo watiti, ‘Tiyeni tiŵateŵete,’

Marangu 13:7

ŵachiuta ŵanyake ŵa ŵanthu wo ŵamuzingirizgani ŵapafupi pamwenga ŵakutali kutuwa kwe kose pa charu,

2 Mikoka 15:13

ndipo so kuti yose yo warekenge kupenja Ambuya Chiuta waku Yisraele wabayike, chingana wangaŵa mwana pamwenga mura, pamwengamunthurumi pamwenga munthukazi.

2 Mikoka 23:17

Ndipo wose ŵanguruta ku nyumba yaku Bala ndi kuyibwanganduriya pasi, ŵanguphwanya viguŵa vyake ndi vikozgo vyake, ndipo ŵangubaya Matani mzukuru waku Bala panthazi pa viguŵa.

Yeremiya 44:3

chifukwa cha mautimbanizi ghenigho ŵanguchita, kundisosomole ine ku kukwiya, pakuti wanguruta kwachoche vyachema, ndi kutataliya ŵachiuta ŵanyake wo ŵengavi kuŵaziŵa, nango ndiwo nanga ndimwe, nanga mbauskemwe.

Zekariya 13:3

Ndipo asani munthu yumoza wawonekenge so nge ndi mchimi awiske ndi anyina wo ŵakumupapa ŵatenere kumenene kuti, ‘Uŵenge wa moyo cha, chifukwa ukamba utesi pa zina la Ambuya,’ ndipo awiske ndi anyina wo ŵakumupapa ŵamugwazi asani wachima.

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Chituwa 32:27

Ndipo wanguti kwaku wo, “Viyo ŵatiti Ambuya Chiuta waku Yisraele, ‘Munthu we yose waŵike lipanga lake pa chiunu chake, ndipo warute uku ndi uku kutuwa pa chipata kuya ku chipata chinyake mu ugoŵi wose, ndipo we yose wabaye mwana munyake, ndi we yose munyake wakusoŵe nayo, ndi we yose mwanasi wake.’ ”

Marangu 8:14

chenjeni vinu mtima winu wungatukumuka, ndi mungaruwa Ambuya Chiuta winu, yo wakumutuzgani mu charu cha Egipiti, mu nyumba ya uŵanda.

Marangu 11:32

muphwere kuchita visambizgu vyose, ndi vyeruzgu vyose vyo ndiŵika pa nthazi pinu zuŵa lino.

Marangu 17:12

Munthu mweniyo wakachitanga mazaza ghake, pakureka kuvwiya mzukuru mweniyo watuma kuteŵete penipa paurongo pa Ambuya Chiuta winu, pamwenga mweruzgi, yo munthu wakafwanga. Pakuchita viyo mukatuzgangamo uheni mu Yisraele.

Marangu 18:20

Kweni mchimi mweniyo wakabwetuwanga mazu mu zina langu ghenigho ine ndilivi kumutuma kuti wakambe, pamwenga mweniyo wakambiyenge mu zina la ŵachiuta ŵamwenga, mchime mweniyo wakafwanga.’

Marangu 19:19

penipo mukamuchitiyanga iyo uli ndimo wakhumbiyanga iyo kuchitiya mwana munyake. Viyo mukapeyanga uheni mukati mwinu.

Marangu 21:21

Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

Marangu 22:21

po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Marangu 24:7

“Asani munthu wasanirika wachiba yumoza wa ŵabali ŵake, ŵanthu ŵaku Yisraele, ndipo asani watumuko kuŵa muŵanda pamwenga watimuguliska, sono yuwa munkhungu watenere kufwa. Viyo mukapeyangamo uheni mukati mwinu.

Yoswa 7:13

Soka, uŵatozge ŵanthu, ukambe kuti, ‘Jitozgeni mwaŵeni lamawa, pakuti ndimo Ambuya ŵanene Chiuta waku Yisraele, “Mwe vyakukanizgika mukati mwinu, Owe Yisraele; kuti muziŵa kuma paurongo pa ŵarwani ŵinu cha, mpaka po mwatuzgamo vinthu vyakubisika vyo vye mukati mwinu.”

Ŵeruzgi 20:13

Chifukwa ichi perekani ŵanthu wo, ŵauliuli ŵamu Gibea, alinga tiŵabaye, ndi kutuzgamo uheni mwaku Yisraele.” Kweni ŵaBenjamini kuti ŵanguphwereko cha ku mazu gha ŵabali ŵawo ŵaYisraele.

1 ŴaKaronga 18:40

Ndipo Eliya wanguti kwaku wo, “Ŵakoni ŵamchimi ŵaku Bala, mungarekapo yumoza kuti wathaŵa cha.” Ndipo ŵanguŵako; sono wangusikiya nawo ku kamsinji ka Kishoni, ndipo ŵanguŵabayiya kwenikuwa.

2 ŴaKaronga 11:18

Sono ŵanthu wose ŵa charu cho ŵanguruta ku nyumba yaku Bala ndi ŵanguyipasuliya pasi, majochero ndi vyangoza vyake ŵanguswa tumana-tumana, ndipo ŵangubaya Matani mzukuru waku Bala paurongo pa majochero. Viyo mzukuru yo wangumika ŵalonda pa nyumba ya Ambuya.

Yeremiya 28:15

Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

Yeremiya 28:16

Chifukwa cho atiti Ambuya, ‘Ehe, ndikakutuzgangapo pa chisku cha charu. Chirimika chenichino ukafwanga, chifukwa warongoro gha kugarukiya Ambuya.’ ”