Marangu 13:5 - Tonga Bible 1986

⁵ Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

Marangu 13:5 Referans Kwoze

1 ŴaKorinte 5:13

Wakubwaro ndi Chiuta yo waweruzgenge? “Msezgeni mtimbanizi yo mukati mwinu.”

Marangu 18:20

Kweni mchimi mweniyo wakabwetuwanga mazu mu zina langu ghenigho ine ndilivi kumutuma kuti wakambe, pamwenga mweniyo wakambiyenge mu zina la ŵachiuta ŵamwenga, mchime mweniyo wakafwanga.’

Yeremiya 14:15

Chifukwa cho atiti Ambuya gha pa ŵamchimi ŵeniwo ŵachimiya mu zina langu, chingana ndengavi kuŵatuma, ŵeniwo ŵatiti, ‘Lipanga ndi chilala kuti vikazanga pacharu ichi cha’: Ndi lipanga ndi chilala ŵakamaranga ŵamchimi wo.

Marangu 24:7

“Asani munthu wasanirika wachiba yumoza wa ŵabali ŵake, ŵanthu ŵaku Yisraele, ndipo asani watumuko kuŵa muŵanda pamwenga watimuguliska, sono yuwa munkhungu watenere kufwa. Viyo mukapeyangamo uheni mukati mwinu.

Marangu 22:21

po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Marangu 19:19

penipo mukamuchitiyanga iyo uli ndimo wakhumbiyanga iyo kuchitiya mwana munyake. Viyo mukapeyanga uheni mukati mwinu.

Marangu 17:7

Manja gha ŵakaboni ndigho ghakudanga kumuko ndi kumubaya, ndipo pavuli manja gha ŵanthu wose. Viyo mutuzgengemo uheni mukati mwinu.

Marangu 13:10

Mukamupong'anga mya kuti wafwe, chifukwa wapenjanga kumunyengani kuti muŵareke Ambuya Chiuta winu, yo wakumutuzgani mu charu cha Egipiti mu nyumba ya uŵanda.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Machitidu gha Ŵakutumika 13:8

Kweni wangumikana nawo Elumase muwukwi yo (chifukwa zina lake ling'anamuwa viyo), ndipo wangwesa kumunyongo kazembe yo ku chivwanu.

Zekariya 13:3

Ndipo asani munthu yumoza wawonekenge so nge ndi mchimi awiske ndi anyina wo ŵakumupapa ŵatenere kumenene kuti, ‘Uŵenge wa moyo cha, chifukwa ukamba utesi pa zina la Ambuya,’ ndipo awiske ndi anyina wo ŵakumupapa ŵamugwazi asani wachima.

Yeremiya 50:6

“Ŵanthu ŵangu ŵaŵa mberere zakusoŵa; ŵaliska ŵawo ŵaŵa aserezga pa dondo, kuŵawezge kutali ku mapiri; kutuwa ku phiri kuya ku mtunthu ndimu ŵayende, ŵaruwa khora lawo.

1 ŴaKaronga 18:40

Ndipo Eliya wanguti kwaku wo, “Ŵakoni ŵamchimi ŵaku Bala, mungarekapo yumoza kuti wathaŵa cha.” Ndipo ŵanguŵako; sono wangusikiya nawo ku kamsinji ka Kishoni, ndipo ŵanguŵabayiya kwenikuwa.

Marangu 22:24

sono muŵatuzgenge wose ŵaŵi kuza nawo ku likomo la msumba wuwa. Ndipo mukaŵadinanga ndi mya mpaka nyifwa, mwali yo chifukwa wengavi kukuta kuti wovyeke chingana wenga mukati mu msumba, munthurumi nayo chifukwa watimbanizga muwoli wa muzengezgani wake. Viyo mukapeyanga uheni mukati mwinu.

Marangu 7:4

Chifukwa ŵapatuskenge ŵana ŵinu kurondo ine kuti ŵateŵete ŵachiuta ŵanyake. Viyo ukari wa Ambuya ukakolenga kumikana namwe, ndi kumuparghang'ani.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Marangu 13:9

kweni mumubaye. Janja linu ndilo lidankhe kumikana nayo kumubaya ndipo pavuli, manja gha ŵanthu wose.

Marangu 13:15

mukabayanga wose ŵamu msumba wo ndi lipanga, kubwanganduwa wose teteti ndi ng'ombe zawo.

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

Ŵeruzgi 20:13

Chifukwa ichi perekani ŵanthu wo, ŵauliuli ŵamu Gibea, alinga tiŵabaye, ndi kutuzgamo uheni mwaku Yisraele.” Kweni ŵaBenjamini kuti ŵanguphwereko cha ku mazu gha ŵabali ŵawo ŵaYisraele.

Yeremiya 29:32

chifukwa cho atiti Ambuya: Ehe, ndikalanganga Shemaya waku Nehelamu ndi mphapu yake: kuti wakaŵangapo wamoyo cha mukati mu ŵanthu yaŵa, wakuti wawone chamampha chenicho ine ndikachitiyanga ŵanthu ŵangu, atiti Ambuya, chifukwa warongoro chigaruka pa Ambuya.’ ”

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

Marangu 26:14

Ndilivi kurghapo chachichumi penipo ndatenjenga, pamwenga kutuzgako penipo ndenga wambura kuphotoka. Ndilivi kusaskako nanga nchimoza ku ŵakufwa. Ndavwiya mazu gha Ambuya Chiuta wangu kuchita vyose vyo mwandilanguliya.

Yoswa 23:8

kweni meremetiyani Ambuya Chiuta winu nge ndimo mwachitiya kufika ku zuŵa lino.

1 Samuele 12:14

Asani mopenge Ambuya, kuŵateŵete ndi kuvwiya mazu ghawo kwambura kupatukako ku marangu ghawo, asani mose imwe ndi karonga yo wausa paku imwe murongonge Ambuya Chiuta winu, kukaŵanga umampha;

1 ŴaKaronga 13:19

Viyo wanguwere vuli pamoza nayo, wangurgha chiŵande mu nyumba yake, ndi wangumwa maji.

2 Mikoka 34:31

Karonga wanguma mu malo ghake, wanguchita chipanganu paurongo pa Ambuya kurondo Ambuya ndi kusunga marangu ghawo ndi visimisimi vyawo ndi vilayizgu vyawo ndi mtima wake wose ndi mzimu wake wose, kufiska mazu gha phanganu gho ghakulembeka mu buku ili.

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’