Marangu 13:3 - Tonga Bible 1986

³ mungategherezganga mazu gha nchimi yo cha, pamwenga wakulota maloto yo cha. Chifukwa Ambuya Chiuta winu watumwesani kuti waziŵe pamwenga mutuŵanja Ambuya Chiuta winu ndi mtima winu wose ndi umoyo winu wose.

Marangu 13:3 Referans Kwoze

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

1 ŴaKorinte 11:19

Chifukwa nadi mungwenere kuŵa magaukanu mukati mwinu, alinga kuti ŵawoneke wo mbakurumbika.

Sumu 66:10

Imwe mwatiŵika pa mweso, A Chiuta; mo siliva watengulikiya ndi moto ndimo imwe namwe mwatese.

Marangu 6:5

ndipo mwanjenge Ambuya Chiuta winu, ndi mtima winu wose ndi umoyo winu wose ndi nthazi zinu zose.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.

2 ŴaTesalonika 2:11

Ndipo chifukwa chenichi Chiuta waŵatumiya kachitidu ka urandizgi, alinga kuti ŵavwaniye iwo mu utesi:

Mateyu 24:24

Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo)

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

2 ŴaKorinte 8:8

Kuti ndikamba nge ndi langulu cha, kweni uli nkhweruzgiyapo mu phamphu la ŵanyake kurongo uneneska wa chanju chinu.

Machitidu gha Ŵakutumika 17:11

Ndipo yaŵa ŵenga ŵaulemu kwakuruska ŵamu Tesalonika, wose ŵangugharonde mazu ndi pamphu lose, ndipo ŵangupenjapenjamo mu malembo zuŵa ndi zuŵa, asani vyenivivyenga vyaviyo.

Sumu 81:7

Po wenga mu suzgu ungundidana, ndipo ndingukutaska. Kutuliya mu malo ghangu ghakubisika, mu mweza, ndingukwamuka; ndingukwesa pa maji ghaku Meriba.

Marangu 8:16

Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Chituwa 20:20

Ndipo Mosese wanguti ku ŵanthu, “Mungopanga cha; pakuti Chiuta waziya kumwesani ndi so kuti mumopenge iyo, alinga mureke kulakwa.”

Ŵeruzgi 2:22

mwakuti mwaku yo ndimu ndimwesiyenge Yisraele vinu wakaphwerenga kwenda mu nthowa ya Ambuya uli ndimo ŵanguchitiya auskeu pamwenga awa.”

Sumu 119:2

Ŵakutumbikika mbeniwo ŵasunga visimisimi vyawo, wo ŵati ŵapenja ndi mtima wawo wose.

1 Samuele 26:19

Mu chifukwa ichi vwani mbuyangu karonga ku mazu gha mteŵeti winu. Asani mba Mbuya wo amuyuskani mtima kumikana ndi ine, iko aronde chisopo; kweni asani mbanthu, ŵaŵe ŵakutembeka pa maso pa Ambuya, chifukwa zuŵa linu ŵandidikiskiya kutali mwakuti ndireke kuŵa ndi chigaŵa mu ufumu wa Ambuya, ndikuti, ‘Ruta, ukateŵete ŵachiuta ŵanyake.’

1 ŴaKaronga 13:19

Viyo wanguwere vuli pamoza nayo, wangurgha chiŵande mu nyumba yake, ndi wangumwa maji.