Marangu 13:13 - Tonga Bible 1986

¹³ kuti ŵanthurumi ŵaŵaka ŵanyake ŵatuwa mukati mwinu ndi kulandizga ŵanthu ŵamu msumba kuti, ‘Tiyeni tikateŵete ŵachiuta ŵanyake,’ wo mulivi kuŵaziŵa,

Marangu 13:13 Referans Kwoze

1 Yohane 2:19

Ŵangutuwamo mwidu, kweni kuti ŵenga ŵamwaku ifwe cha; chifukwa asani ŵenga ŵamwaku ifwe, mphanyi ŵangujaririya pamoza nafwe; kweni ŵangutuwamo mwakuti kuziŵikwe kuti wose mba mwaku ifwe cha.

Marangu 13:2

Ndipo chizindikilo pamwenga chakuziziswa cho watumumukambiyani chituwaku, ndipo asani watiti, ‘Tiyeni tirondo ŵachiuta ŵanyake wo’, kuti mwaŵaziŵa kali cha, ndipo watiti, ‘Tiyeni tiŵateŵete,’

Yuda 1:19

Yaŵa mbakugauskana, ŵa mtima wakawi, ŵambura Mzimu.

2 ŴaKorinte 6:15

Ndipo ŵayana uli Kristu ndi Beliale? Pamwenga ngane masanga gha ŵachivwanu ndi ŵambura chivwanu?

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

1 ŴaKaronga 21:13

Ndipo ŵanthu ŵatesi ŵaŵi wo ŵangusere ndi ŵanguja pasi pakuthyana nayo, ndipo ŵanthu ŵatesi wo ŵangutole Naboti mlando paurongo pa ŵanthu, ŵanguti, “Naboti wangutuka Chiuta ndi karonga.” Viyo ŵangumutuzga mu msumba ŵangumudina ndi mya wangufwa.

1 ŴaKaronga 21:10

Ndipo mumike ŵanthu ŵatesi ŵaŵi ŵakumikana nayo, ndipo yaŵa ŵampaske mulando, kunena kuti, ‘Iwe watuka Chiuta ndi karonga.’ Pavuli mumutuzge, mumudine ndi mya kuti wafwe.”

2 Samuele 20:1

Ndipo wengako kweni kuwa munthu zereza yo zina lake lenga Sheba mwanamunthurumi waku Bikri muBenjamini; iyo wangumba mbata wanguti, “Ifwe tilivi chigaŵa mwaku Davidi, ndipo tilivi chihara mu mwana waku Jese; munthu yose ku hema lake, imwe ŵaYisraele!”

2 Samuele 16:7

Ndipo mu kutuka kwaku Shimei watinge, “Tuwa, tuwa, wamunthu wa ndopa iwe, wa munthu wakupusa iwe.

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.

Ŵeruzgi 20:13

Chifukwa ichi perekani ŵanthu wo, ŵauliuli ŵamu Gibea, alinga tiŵabaye, ndi kutuzgamo uheni mwaku Yisraele.” Kweni ŵaBenjamini kuti ŵanguphwereko cha ku mazu gha ŵabali ŵawo ŵaYisraele.

Ŵeruzgi 19:22

Ndipo po wapumuwanga ndi kufwasa mtima, ehe, ŵanthu ŵankhaza ŵamu msumba wo ŵanguzinga nyumba yo ŵakugong'oska pa khomo, ŵanguti ku mweneko wa nyumba, “Mutuzge munthu yo waza mu nyumba yako, kuti timuziŵe.”

Marangu 13:6

“Asani mbali wako, mwana wa anyoko, pamwenga wako munthurumi, pamwenga mwana wako munthukazi, pamwenga muwoli wako wapa mtima pamwenga mubwezi wako yo wenge mbumoyo wako, watukulandizga ku ubendi, kuti ‘Tiyeni tirutenge kwachiteŵete ŵachiuta ŵanyake,’ ŵeniwo imwe chingana mbauskemwe ŵalivi kuŵaziŵa kale,

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

2 Mikoka 13:7

ndipo ŵanthu ŵanyake ŵaŵakaŵaka ŵawungana kwaku iyo ndi kujikwimiska kumikana ndi Rehoboamu mwana waku Solomoni, penipo Rehoboamu weche mwana wa mtima uteta wambura nthazi kulimbana nawo kuti wajitaski.

2 ŴaKaronga 17:21

Wanguti wapatuwako Yisraele ku nyumba yaku Davidi iwo ŵangumika Yeroboamu mwana waku Nebati kuŵa karonga. Ndipo Yeroboamu wangukhwemako Yisraele kukulondo Ambuya ndi wanguŵachitiska ulakwi ukuru.

2 Samuele 23:6

Kweni ŵaheni wose ŵenge ndi minga yo yatayika; pakuti yingatoreka ndi janja cha;

1 Samuele 25:25

Wareke mbuyangu, kuphwere munthu wa umoyo uheni uyu Nabala; pakuti mo liliri zina lake, ndimu waliri ndi iyo mweneko; Nabala ndi zina lake, ndipo we nako kupusa kukuru; kweni ine ndamteŵeti munthukazi, winu kuti ndi nguŵawona ŵanyamata wo mungutuma cha.

1 Samuele 10:27

Kweni ŵanyake wo wengavi kwenere ŵatinge, “Watitaskenge uli munthu uyu?” Ŵangumuyeya ndipo kuti ŵangumuziya ndi vyawanangwa cha. Kweni iyo wanguja chete.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Marangu 13:12

“Asani mutuvwa mu umoza wa misumba yo Ambuya Chiuta winu watumupaskani kujamu,

Marangu 13:14

viyo mukafumbiske ndi kupenjeska, ndi kufumbiriya ndi phamphu. Ndipo asani mbuneneska, nchakupanikizgika kuti chinthu cha ukazuzi waviyo chachitika mukati mwinu,

Marangu 17:4

Ghaneneka kwaku imwe ndipo mwavwa makani gho viyo mukafumbiriyanga kwalwana. Ndipo asani nchakuneneska kuti chinthu cha ukazuzi waviyo chachitika mu Yisraele,