Marangu 13:10 - Tonga Bible 1986

¹⁰ Mukamupong'anga mya kuti wafwe, chifukwa wapenjanga kumunyengani kuti muŵareke Ambuya Chiuta winu, yo wakumutuzgani mu charu cha Egipiti mu nyumba ya uŵanda.

Marangu 13:10 Referans Kwoze

Yoswa 7:25

Yoswa wanguti, “Chifukwa nchine ungutitore suzgu ifwe? Ambuya atore suzgu paku iwe zuŵa lino.” Ndipo ŵaYisraele wose ŵanguŵadina ndi mya ndi kuŵawocha ndi moto,

2 Mikoka 24:21

Kweni ŵangumuchitiya chiŵembo pakuronde langulu la karonga ŵangumudina ndi mya mu khonde mwa nyumba ya Ambuya.

Marangu 21:21

Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

ŴaLevi 24:23

Viyo Mosese wangukamba ndi ŵaYisraele; ndipo ŵanguza nayo kubwalo kwa ugoŵi yo wangutemba, ndi ŵangumudina ndi mya. Viyo ŵaYisraele ŵanguchita cho Ambuya angulanguliya Mosese.

ŴaLevi 20:27

“Munthurumi pamwenga munthukazi yo ngwakombeza, pamwenga chanusi, wakabayikanga; wakadinikanga ndi mya, ndopa zawo zikaŵanga pa ŵeneko.”

ŴaLevi 20:2

“Nena ku ŵaYisraele, munthu we yose mwina Yisraele pamwenga mlendo wakutandara mu Yisraele; yo wakaperekanga mwana wake kwaku Moleke wakabayikanga: ŵanthu ŵamu charu ŵakamudinanga ndi mya.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

Marangu 13:5

Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

Chituwa 32:27

Ndipo wanguti kwaku wo, “Viyo ŵatiti Ambuya Chiuta waku Yisraele, ‘Munthu we yose waŵike lipanga lake pa chiunu chake, ndipo warute uku ndi uku kutuwa pa chipata kuya ku chipata chinyake mu ugoŵi wose, ndipo we yose wabaye mwana munyake, ndi we yose munyake wakusoŵe nayo, ndi we yose mwanasi wake.’ ”

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

Marangu 17:7

Manja gha ŵakaboni ndigho ghakudanga kumuko ndi kumubaya, ndipo pavuli manja gha ŵanthu wose. Viyo mutuzgengemo uheni mukati mwinu.

2 ŴaKaronga 11:18

Sono ŵanthu wose ŵa charu cho ŵanguruta ku nyumba yaku Bala ndi ŵanguyipasuliya pasi, majochero ndi vyangoza vyake ŵanguswa tumana-tumana, ndipo ŵangubaya Matani mzukuru waku Bala paurongo pa majochero. Viyo mzukuru yo wangumika ŵalonda pa nyumba ya Ambuya.