Marangu 12:7 - Tonga Bible 1986

⁷ Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 12:7 Referans Kwoze

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 14:26

ndipo mugule ndi ndrama zo chose cho munweka ng'ombe; pamwenga mberere, pamwenga vinyo, pamwenga chakumwa cha nthazi pamwenga chose chinyake cho mukhumba, ndipo mukavirghiyanga kwenikuwa panthazi pa Ambuya Chiuta winu. Mukondwe, imwe ndi ŵamunyumba zinu wose,

ŴaLevi 23:40

Pa zuŵa lakundanga mukatonga vipasi vya mu miti ya mampha, ndi mphanda za kanchindu, ndi malombo gha mu msinji, ndipo mukakondwanga paurongo pa Ambuya Chiuta winu mazuŵa ghankhonde ndi ghaŵi.

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

Marangu 27:7

Mwamupereka mipasku ya chimangu, ndipo mwamukurgha penipa; ndipo mwamukondwere paurongo pa Ambuya Chiuta winu.

Marangu 15:20

Mukaŵarghanga, imwe ndi ŵamunyumba yinu wose, panthazi pa Ambuya Chiuta winu mu chirimika ndi chirimika, pa malo ghenigho Ambuya Chiuta winu wakasankhanga.

Marangu 14:23

Ndipo murghe panthazi pa Ambuya Chiuta winu mu malo ghenigho ŵakasankhanga ndi kuŵikamu zina lake. Mukarghanga chachichumi cha trigu winu, cha vinyo winu, ndi cha mafuta ghinu, ndi ŵana ŵakudanga ŵa ng'ombe zinu, mberere, ndi mbuzi; kuti musambire kopa Ambuya Chiuta winu mazuŵa ghose.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

Yesaya 23:18

Malonda ghake ndi mphoto yake vipaturikiyenge ku Ambuya, kuti ghakaŵikikanga pamwenga kusungika cha, kweni malonda ghake ghakapaskanga kurgha kwakuzara ndi vivwaro vyamampha kwaku wo mbakuja paurongo pa Ambuya.

Marangu 26:11

ndipo mukakondwerenga mu vyamampha vyose vyo Ambuya Chiuta winu wapereka kwaku imwe ndi ku nyumba yinu, imwe, ndi mlendo yo we mukati mwinu.

Marangu 12:8

Kuti mukachitanga cha kwakuyana nge ndimo tichitiya vyose panu zuŵa lino, munthu yose kuchita cho nchakwenere ku mweneko,

Marangu 28:47

“Chifukwa cha unandi wa vinthu vyo mwenga navyo, mwengavi kuŵateŵete Ambuya Chiuta winu ndi chimwemwe ndi likondwa la mu mtima;

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Wakutaula 3:12

Ndiziŵa kuti kulivi kamampha kwaku iwo kwakuruska kukondwa ndi kusekere mwaku iwo ŵija po ŵeche ndi umoyo;

Wakutaula 3:13

ndipo so nchawezi chaku Chiuta ku munthu kuti yose warghe ndi kumwa ndi kukondwere mu nchitu zake zose.

Wakutaula 5:18

Ehe cho ine ndawona kuŵa chamampha ndi chakwenere nkhurgha ndi kumwa ndi kuŵa ndi likondwa mu nchitu zose zo munthu wasuzgika nazo mu mazuŵa ghamanavi gha umoyo wake gho Chiuta wamupaska panu pasi, pakuti lenilo ndilo phande lake.

Yoele 1:16

Kumbi vyakurgha asi vyamara pa maso pidu, mulive chimwemwe ndi likondwa mu nyumba yaku Chiuta widu?

Yoele 2:26

“Murghenge vinandi ndi kuguta, ndi kurumba zina la Ambuya Chiuta winu, yo wamuchitiyani kwakuziziswa. Ndipo ŵanthu ŵangu kuti ŵalengeskekenge so cha muyaya.

1 Mikoka 29:22

ŵangurgha ndi ŵangumwa pa maso pa Ambuya ndi likondwa likuru pa zuŵa liya. Ndipo pa zuŵa la chiŵi, ŵangumumika Solomoni mwana wa karonga Davidi, ndipo ŵangumtukutizga mafuta nge ndi karonga wa Ambuya, ndipo Zadoki nge mzukuru.

Yesaya 62:9

kweni wo ŵatiyiwunjika ndiwo ŵakarghanga ndi kurumba Ambuya, ndipo wo ŵatimuwunjika pamoza ndiwo ŵakamumwanga mu maluluwa gha nyumba yakupaturika.”

Ezekiele 44:3

Karonga pe ndiyo wakajanga paku lo kurgha chiŵande pa maso pa Ambuya; wakasereriyanga nthowa yaku khonde kwa likomo, ndipo wakaturiyanga so kubwalo mu nthowa yeniyo pe.”