Marangu 12:6 - Tonga Bible 1986

⁶ kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.

Marangu 12:6 Referans Kwoze

Luka 18:12

Ndifunga kaŵi mu sabata; ndipaskaku chakuchumikiya chaku vyose vyenivyo nditanduwa.’

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Ezekiele 20:40

“Chifukwa pa phiri langu lakupaturika, phiri litali ukongwa laku Yisraele, penipa nyumba yaku Yisraele, wose pamoza, ŵakanditeŵetiyanga mu charu, atiti Ambuya Chiuta; penipa ndipo ndikaŵarondiyanga, ndipo ndikakhumbanga mipasku yinu ndi vyakusankhika vya vyawanangwa vinu, ndi sembe zinu zamampha kwakuruska.

Marangu 26:2

mwamutopo vipasi vinyake vyose vyakudanga vya dongu lo, vyo mukavunanga. Mukaviŵikanga mu sokora, ndipo mukarutanga ku malo gho Ambuya Chiuta winu wakasankhanga, kuti zina lake liŵenge penipa.

Marangu 12:17

Mungarghiyanga mu mizi yinu chachichumi cha trigu winu, chingana ncha vinyo winu, chingana ncha mafuta ghinu, chingana ncha ng'ombe zinu zakudanga kupapika, chingana ncha mberere zinu zakudanga kupapika chingana ndi mpasku winu wose wamarapu gho murapa, chingana ndi sembe zinu za kupereka.

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

Yoswa 22:27

kweni kuti liŵe kaboni pakati paku ifwe ndi imwe; ndi pakati pa migonezi yo yituza pavuli pidu, kuti ifwe tichita uteŵeti wa Ambuya mu maso ghake ndi mipasku yidu yakocha ndi zisembe ndi mipasku ya chimangu; vinu ŵana ŵinu ŵazamukamba ndiŵana ŵidu mu nyengo yo yituza, “Imwe mulivi chigaŵa mu Ambuya.” ’

1 Samuele 1:24

Wanguti wamara kumonkheska, wangukwera nayo, ndi pamoza ndi iyo thole la virimika vitatu, sokora ya ufwa, ndi thumba la vinyo; wanguza nayo ku nyumba ya Ambuya pa Shilo ndipo mwana wenga litema.

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Nehemiya 10:39

Pakuti ŵaYisraele ndi ŵana ŵanthurumi ŵaku Levi ŵakazanga ndi mipasku ya vyakurgha, vinyo, ndi mafuta ku vipinda, mwenimo mwe viyaŵi vya nyumba yakupaturika, ndi ŵazukuru ŵakuteŵeta, ndi ŵasungi malikomo, ndi ŵakumba. Kuti tikayiruwanga nyumba yaku Chiuta widu cha.

1 Samuele 1:21

Ndipo Elkana ndi ŵamu nyumba yake wose ŵangukwera kwachipereka sembe yapa chirimika ku Ambuya, ndi kurapa rapu lake.

2 Mikoka 7:12

Ndipo Ambuya angumuwoneke Solomoni ndi usiku, ndi anguti kwaku iyo, “Ndavwa rombo lako, ndipo ndajisankhiya malo yagha kuŵa nyumba yakuperekiyamo sembe.

2 Mikoka 31:14

Kore mwana waku Imna mu Levi, mlonda wa likomo laku vuma wenga msungi mura wa mpasku wawanangwa wakuperekeka kwaku Chiuta, kugaŵa phande la muthulu wakuŵikikiya Ambuya, ndi mpasku wakupaturika.

Nehemiya 10:36

ndipo so kutole ku nyumba yaku Chiuta widu, ku ŵazukuru ŵeniwo mbakuteŵeta mu nyumba yaku Chiuta widu, ŵana ŵidu ŵanthurumi ŵa umwali ndi ŵa ng'ombe kwakuyana ndimo kukulembeke mu dangu, za umwali za viŵetu vidu ndi miskambu yidu;

Sumu 116:17

Ndiperekenge kwaku imwe sembe za kuwonga, ndipo zina la Ambuya ndidanenge.