Marangu 12:5 - Tonga Bible 1986

⁵ Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Marangu 12:5 Referans Kwoze

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 26:2

mwamutopo vipasi vinyake vyose vyakudanga vya dongu lo, vyo mukavunanga. Mukaviŵikanga mu sokora, ndipo mukarutanga ku malo gho Ambuya Chiuta winu wakasankhanga, kuti zina lake liŵenge penipa.

2 Mikoka 7:12

Ndipo Ambuya angumuwoneke Solomoni ndi usiku, ndi anguti kwaku iyo, “Ndavwa rombo lako, ndipo ndajisankhiya malo yagha kuŵa nyumba yakuperekiyamo sembe.

Marangu 16:2

Mukabayiyanga Ambuya Chiuta winu sembe ya mberere pamwenga ya ng'ombe pa malo ghenigho Ambuya akasankhanga ndi kudanapo zina lawo.

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

Sumu 78:68

Mu malo ghake angusankha fuku laku Yuda, ndi phiri Zioni, lo angwanja ukongwa.

Marangu 12:13

Chenjeni kuti mungaperekanga sembe zakocha cha pa malo ghose muwona

ŴaKolose 2:9

Pakuti mwaku iyo ndimo mwe uzali wose wauchiuta muliŵavu,

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

1 ŴaKaronga 8:20

Sono Ambuya afiska phanganu lawo lo anguchita, chifukwa ine ndayuka mu malo ghaku Davidi ada, ndipo ndija pa chitengo chaku Yisraele, ulaka ndimo Ambuya angupangirana, ndipo ndalizenge nyumba zina la Ambuya, Chiuta waku Yisraele.

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

Maŵerengedu 7:89

Ndipo penipo Mosese wangusere mu hema lakuwunganamo kwachirongoro ndi Ambuya wanguvwa mazu gha yumoza kurongoro ndi iyo, kutuliya pachanya pa chitengo cha lisungu cho chenga pa bokosi la chisimikizgu, kutuliya pakati pa Makerubi ghaŵi; ndipo wangurongoro nayo.

1 Mikoka 22:1

Davidi wanguti, “Pano paŵe nyumba ya Ambuya Chiuta ndi paŵe jochero la sembe yakocha yaku Yisraele.”

1 ŴaKaronga 14:21

Sono Rehoboamu mwana waku Solomoni wanguwusa mwaku Yuda. Rehoboamu wenga wavirimika machumi ghanayi ndi chimoza (41) wachamba kuwusa, ndipo wanguwusa virimika chumi pachanya vinkhonde ndi viŵi (17) mu Yerusalemu, msumba wo Ambuya angusankha mukati mwa mitundu yose yaku Yisraele, kuŵika zina lawo mwenimuwa. Zina la anyina lenga Nama mwina Amoni.

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Chituwa 25:22

Muwa ndikakumananga namwe, kutuwa pachanya pa chitengo cha lisungu, kutuwa pakati pa ŵakerubi wo ŵaŵi wo ŵe pachanya pa bokosi la phanganu, ndikakabanga namwe ghaku vyose vyo ndilanguliyenge ŵaYisraele.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.

Chituwa 15:2

Ambuya ndi nthazi yangu ndi sumu yangu, ndipo aŵa iwo utaski wangu: mweniyo ndi Chiuta wangu, ndipo ndikamurumbanga, Chiuta wa ada, ndipo ndikamukuzganga.

Chivumbuzi 14:1

Ndipo ndingulereska, ehe, Mwana-mberere wanguma pa phiri Zioni, ndipo pamoza nayo penga vikwi machumi pe chumi ndi machumi ghanayi ndi vinayi (144,000) wo ŵenga ndi zina lake, ndi zina la Awiske, lakulembeka pa mphumi zawo.

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Marangu 12:4

Kuti mukachitanga viyo cha ku Ambuya Chiuta winu.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 14:23

Ndipo murghe panthazi pa Ambuya Chiuta winu mu malo ghenigho ŵakasankhanga ndi kuŵikamu zina lake. Mukarghanga chachichumi cha trigu winu, cha vinyo winu, ndi cha mafuta ghinu, ndi ŵana ŵakudanga ŵa ng'ombe zinu, mberere, ndi mbuzi; kuti musambire kopa Ambuya Chiuta winu mazuŵa ghose.

Marangu 14:24

Ndipo asani nthowa njitali chifukwa malo ghekutali ndi imwe ghenigho Ambuya Chiuta winu wasankha kuŵikamo zina lake, viyo kuti mutondeka kuza ndi vyachichumi vyo Ambuya Chiuta winu wamupaskani.

Marangu 15:20

Mukaŵarghanga, imwe ndi ŵamunyumba yinu wose, panthazi pa Ambuya Chiuta winu mu chirimika ndi chirimika, pa malo ghenigho Ambuya Chiuta winu wakasankhanga.

Marangu 16:6

kweni pa malo gho Ambuya Chiuta winu wakasankhanga ndi kudanapo zina lake, penipo ndipo mukabayiyanga sembe ya phaska. Mukachitanga ichi ku mazulo pakusere kwa dazi, pa nyengo yo munguturiya mu Egipiti.

Marangu 17:8

“Asani ku mizi kukaŵanga mrando we wose weniwo ngunonono, wakubaya, pamwenga wakususkana, pamwenga wakupumana, viyo mukasokanga ndi kukwere ku malo ghenigho Ambuya Chiuta winu wakasankhanga.

Marangu 31:11

pa nyengo yo Yisraele yose waziya kuzachiwoneka paurongo pa Ambuya Chiuta winu pa malo gho wakasankhanga, mukaŵerenganga dangu ili paurongo paku Yisraele yose mu makutu ghawo.

Yoswa 22:11

Ndipo ŵaYisraele ŵanguvwa kuti, “Ehe, ŵina Rubene ndi ŵina Gadi ndi nusu wa fuku laku Manase ŵazenga jochero pa mphaka ya charu cha Kanani, mu chigaŵa cha pafupi ndi Yordane, kuchiri kudera la ŵaYisraele.”

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Ezra 6:12

Chiuta, yo wajariska zina lake kwenikuwa, waparghang'e ŵakaronga wose ndi ŵanthu wo ŵaŵikengeko janja lawo kung'anamuliya panyake mazu yagha, pamwenga kubwanganduwa nyumba iyi yaku Chiuta yo yemu Yerusalemu. Ine Dariusi ndaŵika dangu, lichitike kwambura kutondeka.”

Ezra 7:17

Ruŵi uguri ndi ndrama izi, ng'ombe, mberere, ndi ŵana ŵa mberere, pamoza ndi sembe zawo za vyakurgha ndi vyakumwa, ndipo ukazipereke pa chiguŵa cha nyumba yaku Chiuta yo yemu Yerusalemu.

Yeremiya 7:14

chifukwa cho ndikachitanga ku nyumba yo yidanika ndi zina langu, ndi mwaku yeniyo imwe mugomezga, ndi ku malo ghenigho ndingukupaskani ndi ku auskemwe, nge ndimo ndinguchitiya ku Shilo.

Yeremiya 26:2

“Viyo atiti Ambuya: Ume mu bwalo la nyumba ya Ambuya, ndipo urongoro ku misumba yaku Yuda yeniyo yituza kwachisopa mu nyumba ya Ambuya mazu ghose gho ndakulanguliya kwachirongoro nawo; ungasiyangako nanga ngamoza cha.

ŴaLevi 17:4

ndipo kuti watuza nayo ku khomo la chihema chakuwunganamo cha, kwachiyipereka kuŵa cha wezi ku Ambuya paurongo pa chihema cha Ambuya, munthu yo wakatamulikanga kuŵa wakulakwiya ndopa; wadiska ndopa; munthu yo wakadumulikangako ku ŵanthu ŵake.

Marangu 16:7

Mukayibikanga ndi kuyirgha pa malo gho Ambuya Chiuta winu wakasankhanga ndipo ndi mlenje mukaweriyanga ku mizi yinu.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 16:15

Mu mazuŵa ghankhonde ndi ghaŵi mukarghanga dghera la Ambuya Chiuta winu pa malo gho Ambuya akasankhanga, pakuti Ambuya Chiuta winu wakamutumbikaninga mu vispasi vinu vyose ndi mu nchitu yose ya manja ghinu, mwakuti mose mukakondwiyanga pamoza.

Marangu 18:6

“Ndipo asani mu Levi watuwa mu umoza wa mizi yose ya ŵaYisraele mwenimo ŵaja, wangaziŵa kuza kunu penipo wangakhumbiya ku malo ghenigho Ambuya asankhenge,

1 ŴaKaronga 12:27

Asani ŵanthu yaŵa ŵakakweranga kwachipereka sembe mu nyumba ya Ambuya mu Yerusalemu, penipo ndipo mtima wa ŵanthu yaŵaukaweriyanga ku mbuyawo, kwaku Rehoboamu karonga waku Yuda, wakandibayanga ine ndi kuwere kwaku Rehoboamu karonga waku Yuda.”

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’

Yeremiya 7:12

Rutani sono ku malo ghangu ghenigho ghe mu Shilo, kweniko pakudanga ndingujarika zina langu, mukawone vyo ndinguchitiya malo gho chifukwa cha mauheni gha ŵanthu ŵangu ŵaYisraele.