Marangu 12:3 - Tonga Bible 1986

³ Mukabwanganduwe majochero ghawo gha sembe, kuwiska ndi kuswa mizati yawo ndi kocha ŵakavuŵa ndi moto. Mukadumuriye pasi vikozgu vyakusemeka vya ŵachiuta ŵawo, ndipo sisitani mazina ghawo, mu malo gho.

Marangu 12:3 Referans Kwoze

Ŵeruzgi 2:2

ndi kuti imwe mungachitanga phanganu cha ndi ŵakuja mu charu ichi; mubwanganduliyenge pasi viguŵa vyawo vya sembe, kweni mulivi kuvwiya dangu langu. Nchine ichi mwachita?

Maŵerengedu 33:52

mukadikiskanga wose ŵakuja mu charu paurongo pinu, ndipo muphwanye vikozgo vyawo vyose vyakuchongeka mu mya, mubwanganduwe ŵangoza ŵawo wose ŵakuchita kusongono, ndi kuwiskiya pasi malo ghawo ghose gha pachanya;

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Sumu 16:4

Wo ŵasankha ŵachiuta ŵamwenga kuti ndisanganenge nawo mu sembe zawo cha; kuti nkhasopanga ŵachiuta ŵawo cha.

Marangu 7:5

Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Mika 5:14

Ndipo nkhazuwangamo Ashera mwaku imwe, ndi kupasuwa misumba yinu.

Hoseya 2:17

Chifukwa nkhatuzangamo mazina gha ŵaBala mu mlomo wake, ndipo kuti ghazumbulikenge so cha mazina ghawo muyaya.

Yeremiya 17:2

ndipo ŵana ŵawo ŵakumbuka majochero ghawo gha sembe ndi vyakumika vyawo vyakusope Ashera ku muti wose uŵisi, ndi pa mitunthu yitali;

2 Mikoka 34:3

Chifukwa mu chirimika cha chinkhonde ndi chitatu cha muwusu wake weche muhurwa, wangwamba kupenja Chiuta waku Davidi mbuyake; ndipo mu chirimika cha chumi ndi viŵi wangwamba kutozga Yuda ndi Yerusalemu, kutuzgamo malo gha pachanya, ndi Ashera, ndi ŵangoza ŵakusongono.

2 Mikoka 31:1

Sono vinguti vyamarapo vyose ivi, ŵaYisraele wose wo ŵengapo ŵanguruta ku misumba yaku Yuda ndi ŵanguswa vikozgo ndi kudumuliya pasi ŵachiuta ndi ŵangubwanganduwa malo gha pachanya ndi majochero mu Yuda yose, mu Benjamini, mu Efraimu ndimu Manase, mpaka ŵangubwanganduwa vyose. Viyo ŵanthu wose ŵaku Yisraele ŵanguwere ku misumba yawo, munthu yose ku malo ghake.

2 Mikoka 19:3

Kweni kamampha kawonekamo mwaku imwe chifukwa mungutuzgamo chikozgo cha Ashera mu charu ndi kuŵikapo mtima winu pakumpenja Chiuta.”

2 ŴaKaronga 23:14

Wanguswa tumanatumana mizati, ndi kudumuliya pasi vikozgo, ndipo wanguzaza malo ghawo ndi viwanga vya ŵanthu.

2 ŴaKaronga 18:4

Wangutuzgamo malo gha pachanya, ndi wanguguinuliya pasi vigaŵa ndi kudumuliya pasi Asera. Wangudumuwa tumanatumana njoka ya mkuŵa yo wangupanga Mosese, pakuti mpaka kufika ku mazuŵa gho ŵaYisraele ŵangoche vyachema kwaku yo, yadanikanga chimkuŵa.

1 ŴaKaronga 15:13

Wangutuzgamo so ndi anyina Maka wo ŵenga fumukazi chifukwa ŵenga ndi ngoza wa ukazuzi yo wangupangikiya Ashera; Asa wangudumuliya pasi ngoza wawo ndi kumocha pa kamsinje ka Kidroni.

2 Mikoka 14:3

Wangubwanganduwa majochero gha ŵachiuta ŵambura kuziŵikwa, ndi malo gha pachanya, ndipo wanguswa vyangoza ndi kudumuliya pasi Ashera;

Chituwa 23:24

mungagwadiyanga ŵachiuta ŵawo cha, chingana nkhuŵatataliya, chingana nkhuchita ulaka ndi nchitu zawo nako cha, kweni mukaŵamariyanga limu, ndi kubwanganduwa mizati yawo tumana-tumana.

Chituwa 34:13

Mukagumuliyanga pasi majochero ghawo gha sembe, ndi kubwanganduwa mizati yawo, ndi kudumuliya pasi mya yawo yakusopiyapo Ashera

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

Marangu 12:4

Kuti mukachitanga viyo cha ku Ambuya Chiuta winu.

1 ŴaKaronga 14:15

Ndipo kwanda sono Ambuya akakosonga Yisraele, ulaka ndimo dete lisukuniskikiya mu maji ndi kuzuwa Yisraele kumutuzga mu charu chamampha ichi chenicho angupaska ku auskeu, ndi kuŵaparghaniya kusirgha kwa Efrate, chifukwa ŵapanga Asherimu wawo, kusosomole Ambuya ku ukari.

2 ŴaKaronga 11:18

Sono ŵanthu wose ŵa charu cho ŵanguruta ku nyumba yaku Bala ndi ŵanguyipasuliya pasi, majochero ndi vyangoza vyake ŵanguswa tumana-tumana, ndipo ŵangubaya Matani mzukuru waku Bala paurongo pa majochero. Viyo mzukuru yo wangumika ŵalonda pa nyumba ya Ambuya.

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

2 Mikoka 14:2

Ndipo Asa wanguchita cho nchamampha ndi chakunyoroka paurongo pa Ambuya Chiuta wake.