Marangu 12:25 - Tonga Bible 1986

²⁵ Mukazirghanga cha mwakuti vyose vimuŵiyeni umampha imwe, ndi ŵana ŵinu ŵapavuli pinu, pa muchita cho nchakurunjika mu maso gha Ambuya.

Marangu 12:25 Referans Kwoze

Yesaya 3:10

Unene ŵarunji kuti kukaŵanga umampha kwaku iwo, pakuti ŵakarghanga vipasi vya nchitu zawo.

1 ŴaKaronga 11:38

Ndipo asani ukavwiyanga vyose vyo nditukulanguliya, ndipo ukendanga mu nthowa zangu, kuchita chenicho nchakurunjika mu maso ghangu pakusunga marangu ghangu ndi malangulo ghangu, ulaka ndimo wanguchitiya Davidi muŵanda wangu, ndikaŵanga nawe, ndipo ndikuzengiyenge nyumba yeneko, nge ndimo ndinguzenge nyumba yeneko, nge ndimo ndinguzenge Davidi, ndipo ndikupaskenge Yisraele.

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Marangu 13:18

asani muvwiya mazu ghake, kusunga marangu ghake ghose gho ndimulanguliyani zuŵa lino, ndi kuchita cho nchakurunjika mu maso gha Ambuya Chiuta winu.

Marangu 6:18

Ndipo muchitenge cho nchakurunjika ndi chamampha pa maso paku Chiuta, mwakuti kuŵenge kwamampha kwaku imwe, kuti mukasere kwachironda charu chamampha cho Ambuya angurapiya auskemwe kuŵapaska,

Ezekiele 33:25

Chifukwa cho uŵanene kuti, Viyo atiti Ambuya Chiuta: Muturgha nyama ndi ndopa, ndipo muyinuskiya maso ghinu ku ŵangoza, ndi kudiska ndopa, kumbi mungahara charu viyo?

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Sumu 112:2

Mphapu yake yikaŵanga ya nthazi mu charu; mgonezi wa munthu wakurunjika ukatumbikikikanga.

Marangu 12:28

Muchenje kughaphwere mazu ghose gho nditumulanguliyani mwakuti kumuŵiyeni umampha imwe ndi ŵana ŵinu pavuli pinu mazuŵa ghose, penipo muchita cho nchamampha mu maso gha Ambuya Chiuta winu.

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 12:24

Kuti mukazirghanga cha, mukazidiranga pasi nge ndi maji.

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;

Marangu 21:9

Mwa viyo mukapeyanga kalema ka ndopa zambura kalema mukati mwinu, muchichita chenicho nchakurunjika mu maso gha Ambuya.