2 Mutenere kubwanganduwa malo ghose ghenigho mitundu yo mwakuyironda yateŵeti yangamo ŵachiuta ŵawo, pachanya pa mapiri ghatali ndi pachanya pa mapiri ghamana ndi musina mwa muti wose uŵisi.
Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.
Ŵapereka sembe pachanya pa mapiri, ndi ŵapereka mipasku pa tumapiri, musi mu miti ya kankhandi, ndi mkongwe, ndi mtaŵa chifukwa miduzi yawo njamampha. Chifukwa ichi ŵana ŵinu ŵanthukazi ŵachita ureŵi, ndi awoli ŵinu nawo ŵachita ureŵi.
Ambuya anguti kwaku ine, mu mazuŵa ghaku Josiya: “Kumbi wawona chenicho wanguchita Yisraele, wambura magomekezgeka, mwenimo wangukwere pa mapiri ghose ghatali, mo wangujariya pasi musina mu muti wose uŵisi, ndi mwenimu wanguchita ureŵi?
Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.
ndi kuti imwe mungachitanga phanganu cha ndi ŵakuja mu charu ichi; mubwanganduliyenge pasi viguŵa vyawo vya sembe, kweni mulivi kuvwiya dangu langu. Nchine ichi mwachita?
Sono ŵanthu wose ŵa charu cho ŵanguruta ku nyumba yaku Bala ndi ŵanguyipasuliya pasi, majochero ndi vyangoza vyake ŵanguswa tumana-tumana, ndipo ŵangubaya Matani mzukuru waku Bala paurongo pa majochero. Viyo mzukuru yo wangumika ŵalonda pa nyumba ya Ambuya.
Kweni asani ukatinge kwangu, “Tiyegeme pa Ambuya Chiuta widu,” kumbi kuti ndiyo cha mweniyo malo ghake gha visopo ndi viguŵa vya sembe Hezekiya wakunderezgapo, wangukamba kwaku Yuda ndi ku Yerusalemu, “Mukasopanga paurongo pa chiguŵa ichi cha sembe?”
Yinuskiyani maso ghinu ku mapiri gha majarawi ndipo wonani ndinampha po ŵalivi kugonapo namwe? Mumphepeti mwa zinthowa waja kulindizga mabwezi nge ndi munasara mu bozwa. Mwakazuzga charu ndi uheni wa ureŵi winu.
Zomera waka kulakwa kwako, kuti ungugarukiya Ambuya Chiuta wako ndipo unguparghaniya mwaŵi wako mu ŵalendo pa sina pa muti wose uŵisi, ndi kuti ulivi kuvwiya mu mazu ghangu, atiti Ambuya.