Marangu 12:14 - Tonga Bible 1986

¹⁴ kweni pa malo gho Ambuya akasankhanga mukati mu limoza la mafuku ghinu, penipa ndipo muperekenge sembe zinu zakocha, ndipo penipa mukachitiyanga vyose vyo ndimulanguliyani.

Marangu 12:14 Referans Kwoze

2 ŴaKorinte 5:19

nge nkhuti Chiuta wenga mwaku Kristu wakwanjaniskiya charu kwaku yija, wakuŵapimiya vilakwa vyawo cha, ndi wakutipazgiya ifwe mazu gha chanjanisku cho.

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

ŴaHebere 13:15

Viyo mwaku iyo tipereke kwaku Chiuta rutaruta sembe yakuthamikiya, ndiyo chipasi cha milomo yakuzomerezga Zina lake.

Sumu 9:11

Mbiyani marumbu ku Ambuya, akuja mu Zioni! Taulani mukati mu ŵanthu nchitu zawo!

Sumu 5:7

Kweni ine, mu unandi wa vya chifundu vinundiserenge mu nyumba yinu, ndisopenge kurazga ku nyumba yinu yakupaturika mu kumopani imwe.

Marangu 12:13

Chenjeni kuti mungaperekanga sembe zakocha cha pa malo ghose muwona

Marangu 12:15

“Ndipuwuli, mungabaya ndikurgha nyama yose yo mungakhumba mu mizi yinu yose, kwakuyana ndi chitumbiku cha Ambuya Chiuta winu cho wamupaskani; ŵakuphotoka ndi ŵambura kuphotoka ŵangargha nyama ya mphoyo pamwenga ya mbaŵa.

1 ŴaKaronga 12:27

Asani ŵanthu yaŵa ŵakakweranga kwachipereka sembe mu nyumba ya Ambuya mu Yerusalemu, penipo ndipo mtima wa ŵanthu yaŵaukaweriyanga ku mbuyawo, kwaku Rehoboamu karonga waku Yuda, wakandibayanga ine ndi kuwere kwaku Rehoboamu karonga waku Yuda.”

ŴaLevi 17:3

Asani munthu wa nyumba yaku Yisraele wabaya ng'ombe pamwenga mberere pamwenga mbuzi mu ugoŵi, pamwenga watiyibayiya kubwalo kwa ugoŵi,

ŴaLevi 17:4

ndipo kuti watuza nayo ku khomo la chihema chakuwunganamo cha, kwachiyipereka kuŵa cha wezi ku Ambuya paurongo pa chihema cha Ambuya, munthu yo wakatamulikanga kuŵa wakulakwiya ndopa; wadiska ndopa; munthu yo wakadumulikangako ku ŵanthu ŵake.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 14:23

Ndipo murghe panthazi pa Ambuya Chiuta winu mu malo ghenigho ŵakasankhanga ndi kuŵikamu zina lake. Mukarghanga chachichumi cha trigu winu, cha vinyo winu, ndi cha mafuta ghinu, ndi ŵana ŵakudanga ŵa ng'ombe zinu, mberere, ndi mbuzi; kuti musambire kopa Ambuya Chiuta winu mazuŵa ghose.

Marangu 15:20

Mukaŵarghanga, imwe ndi ŵamunyumba yinu wose, panthazi pa Ambuya Chiuta winu mu chirimika ndi chirimika, pa malo ghenigho Ambuya Chiuta winu wakasankhanga.

Marangu 16:2

Mukabayiyanga Ambuya Chiuta winu sembe ya mberere pamwenga ya ng'ombe pa malo ghenigho Ambuya akasankhanga ndi kudanapo zina lawo.

Marangu 17:8

“Asani ku mizi kukaŵanga mrando we wose weniwo ngunonono, wakubaya, pamwenga wakususkana, pamwenga wakupumana, viyo mukasokanga ndi kukwere ku malo ghenigho Ambuya Chiuta winu wakasankhanga.

Marangu 18:6

“Ndipo asani mu Levi watuwa mu umoza wa mizi yose ya ŵaYisraele mwenimo ŵaja, wangaziŵa kuza kunu penipo wangakhumbiya ku malo ghenigho Ambuya asankhenge,

Marangu 31:11

pa nyengo yo Yisraele yose waziya kuzachiwoneka paurongo pa Ambuya Chiuta winu pa malo gho wakasankhanga, mukaŵerenganga dangu ili paurongo paku Yisraele yose mu makutu ghawo.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.

Yoswa 22:29

Chitiŵiye kutali ifwe kuti tigarukiye Ambuya, ndikutuwako msana wale ku kurondo Ambuya pa kuzenga jochero la mpasku wakocha, mpasku wa ufwa, pamwenga sembe, kupambana ndi jochero la Ambuya Chiuta widu lo lituma paurongo pa chihema chake chakuwunganamo!”

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

1 Mikoka 22:1

Davidi wanguti, “Pano paŵe nyumba ya Ambuya Chiuta ndi paŵe jochero la sembe yakocha yaku Yisraele.”