Marangu 12:11 - Tonga Bible 1986

¹¹ Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 12:11 Referans Kwoze

Marangu 15:20

Mukaŵarghanga, imwe ndi ŵamunyumba yinu wose, panthazi pa Ambuya Chiuta winu mu chirimika ndi chirimika, pa malo ghenigho Ambuya Chiuta winu wakasankhanga.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Marangu 18:6

“Ndipo asani mu Levi watuwa mu umoza wa mizi yose ya ŵaYisraele mwenimo ŵaja, wangaziŵa kuza kunu penipo wangakhumbiya ku malo ghenigho Ambuya asankhenge,

Marangu 17:8

“Asani ku mizi kukaŵanga mrando we wose weniwo ngunonono, wakubaya, pamwenga wakususkana, pamwenga wakupumana, viyo mukasokanga ndi kukwere ku malo ghenigho Ambuya Chiuta winu wakasankhanga.

Yeremiya 7:12

Rutani sono ku malo ghangu ghenigho ghe mu Shilo, kweniko pakudanga ndingujarika zina langu, mukawone vyo ndinguchitiya malo gho chifukwa cha mauheni gha ŵanthu ŵangu ŵaYisraele.

Sumu 78:68

Mu malo ghake angusankha fuku laku Yuda, ndi phiri Zioni, lo angwanja ukongwa.

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

1 ŴaKaronga 8:13

Ndakuzengiyani nyumba ya kuzirwa, malo ghinu ghakujamo muyaya.”

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Marangu 31:11

pa nyengo yo Yisraele yose waziya kuzachiwoneka paurongo pa Ambuya Chiuta winu pa malo gho wakasankhanga, mukaŵerenganga dangu ili paurongo paku Yisraele yose mu makutu ghawo.

Marangu 26:2

mwamutopo vipasi vinyake vyose vyakudanga vya dongu lo, vyo mukavunanga. Mukaviŵikanga mu sokora, ndipo mukarutanga ku malo gho Ambuya Chiuta winu wakasankhanga, kuti zina lake liŵenge penipa.

Marangu 23:16

wakajanga ndi imwe, mukati mwinu, mu malo ghenigho wakasankhanga mukati mu umoza wa mizi yinu, mwenimo mutimukondwereska kwakuruska kose, mungamuyuzganga cha.

Marangu 14:23

Ndipo murghe panthazi pa Ambuya Chiuta winu mu malo ghenigho ŵakasankhanga ndi kuŵikamu zina lake. Mukarghanga chachichumi cha trigu winu, cha vinyo winu, ndi cha mafuta ghinu, ndi ŵana ŵakudanga ŵa ng'ombe zinu, mberere, ndi mbuzi; kuti musambire kopa Ambuya Chiuta winu mazuŵa ghose.

Marangu 12:26

Kweni vinthu vinu vyakupaturika mukwenere kupereka ku Ambuya ndi mpasku ndi sembe za marapu, mukavitonga ndipo mukarutanga navyo ku malo gho Ambuya akasankhanga.

Marangu 12:21

Asani malo gho Ambuya Chiuta winu wakasankhanga kuŵikamu zina lake ghe kutali ndi imwe, iku mungabaya ng'ombe yose chingana ndi mberere yose yamu mskambo winu zenizo Ambuya Chiuta winu wamupaskani, nge ndimo nditumulanguliyani; ndipo murghiyenge mu mizi yinu che chose cho munweke.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 12:14

kweni pa malo gho Ambuya akasankhanga mukati mu limoza la mafuku ghinu, penipa ndipo muperekenge sembe zinu zakocha, ndipo penipa mukachitiyanga vyose vyo ndimulanguliyani.

Chituwa 25:8

Ndipo ŵandichitiye malo ghakupaturika alinga ndijenge mukati mwawo.

Chituwa 29:45

Ndipo ndikajanga mukati mu ŵaYisraele, ndipo ndikaŵanga Chiuta wawo.

Marangu 12:13

Chenjeni kuti mungaperekanga sembe zakocha cha pa malo ghose muwona

Yoswa 22:23

pa chifukwa chakuzenga jochero kuti tireke kurondo Ambuya, asani tinguchitiya kuti tiperekiyengepo mipasku yakocha pamwenga mipasku ya ufwa pamwenga mipasku ya chimangu paku lo, iku Ambuya ŵeneko awezge nduzga.

Yoswa 22:27

kweni kuti liŵe kaboni pakati paku ifwe ndi imwe; ndi pakati pa migonezi yo yituza pavuli pidu, kuti ifwe tichita uteŵeti wa Ambuya mu maso ghake ndi mipasku yidu yakocha ndi zisembe ndi mipasku ya chimangu; vinu ŵana ŵinu ŵazamukamba ndiŵana ŵidu mu nyengo yo yituza, “Imwe mulivi chigaŵa mu Ambuya.” ’

1 Samuele 1:21

Ndipo Elkana ndi ŵamu nyumba yake wose ŵangukwera kwachipereka sembe yapa chirimika ku Ambuya, ndi kurapa rapu lake.

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

2 Mikoka 6:20

mwakuti maso ghinu ghajurikiye pa nyumba iyi msana ndi usiku, pa malo gho mwapangana kuti muŵikengepo zina linu, kuti muvwenge rombo lo ndamteŵeti winu ndiromba kurazga ku malo ghinu.

2 Mikoka 7:12

Ndipo Ambuya angumuwoneke Solomoni ndi usiku, ndi anguti kwaku iyo, “Ndavwa rombo lako, ndipo ndajisankhiya malo yagha kuŵa nyumba yakuperekiyamo sembe.

Ezra 6:12

Chiuta, yo wajariska zina lake kwenikuwa, waparghang'e ŵakaronga wose ndi ŵanthu wo ŵaŵikengeko janja lawo kung'anamuliya panyake mazu yagha, pamwenga kubwanganduwa nyumba iyi yaku Chiuta yo yemu Yerusalemu. Ine Dariusi ndaŵika dangu, lichitike kwambura kutondeka.”

Sumu 100:2

Teŵeteni Ambuya ndi kukondwa! Zaninga pa maso pawo ndi kumba!

ŴaLevi 17:4

ndipo kuti watuza nayo ku khomo la chihema chakuwunganamo cha, kwachiyipereka kuŵa cha wezi ku Ambuya paurongo pa chihema cha Ambuya, munthu yo wakatamulikanga kuŵa wakulakwiya ndopa; wadiska ndopa; munthu yo wakadumulikangako ku ŵanthu ŵake.

Marangu 15:19

“Ŵana ŵanthurumi ŵakudanga wose ŵa ng'ombe zinu ndi ŵa mberere zinu ndi mbuzi zinu, mukapaskanga ku Ambuya Chiuta winu. Mungachitanga nawo nchitu ŵana ŵakudanga kupapika ŵa ng'ombe zinu, pamwenga kusenga weya wa ŵana ŵakudanga ŵa mberere zinu.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.

Yoswa 22:11

Ndipo ŵaYisraele ŵanguvwa kuti, “Ehe, ŵina Rubene ndi ŵina Gadi ndi nusu wa fuku laku Manase ŵazenga jochero pa mphaka ya charu cha Kanani, mu chigaŵa cha pafupi ndi Yordane, kuchiri kudera la ŵaYisraele.”

Yoswa 22:16

“Viyo ndimo ukambiya mpingo wose wa Ambuya, ‘Ndi phuzu uli ili lo mwachita paku Chiuta waku Yisraele pakupatukako msana wale ku kurondo Ambuya, pa kujizenge imwe mwaŵeni jochero mu kugarukiya Ambuya?

Yoswa 22:29

Chitiŵiye kutali ifwe kuti tigarukiye Ambuya, ndikutuwako msana wale ku kurondo Ambuya pa kuzenga jochero la mpasku wakocha, mpasku wa ufwa, pamwenga sembe, kupambana ndi jochero la Ambuya Chiuta widu lo lituma paurongo pa chihema chake chakuwunganamo!”

1 ŴaKaronga 12:27

Asani ŵanthu yaŵa ŵakakweranga kwachipereka sembe mu nyumba ya Ambuya mu Yerusalemu, penipo ndipo mtima wa ŵanthu yaŵaukaweriyanga ku mbuyawo, kwaku Rehoboamu karonga waku Yuda, wakandibayanga ine ndi kuwere kwaku Rehoboamu karonga waku Yuda.”

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

1 Mikoka 22:1

Davidi wanguti, “Pano paŵe nyumba ya Ambuya Chiuta ndi paŵe jochero la sembe yakocha yaku Yisraele.”

Sumu 66:13

Ndizenge ku nyumba yinu ndi mipasku yakocha; ndikaperekanga kwaku imwe cho ndingupangana.

Sumu 116:17

Ndiperekenge kwaku imwe sembe za kuwonga, ndipo zina la Ambuya ndidanenge.