Marangu 11:9 - Tonga Bible 1986

⁹ ndi kuti mazuŵa ghinu ghakaŵe ghanandi mu charu cho Ambuya Chiuta winu wangurapa ku auskemwe kuŵapaska iwo ndi mphapu yawo, charu chakutaŵala mkaka ndi uchi.

Marangu 11:9 Referans Kwoze

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Marangu 6:2

Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

Ezekiele 20:6

Pa zuŵa liya ndinguŵarapiya kuti ndikaŵatuzganga mu charu cha Egipiti kuya nawo ku charu cho ndikuŵasankhiya, charu cha kudika mukaka ndi uchi, charu chakutowa kuruska vyaru vyose vinyake.

Marangu 9:5

Kuti nchifukwa cha urunji winu pamwenga kunyoroka kwa mtima winu cha, kuti musere kwachironda charu chawo, kweni nchifukwa cha kwananga kwa mitundu iyi lekani Ambuya Chiuta winu waŵadikiska kutuwa pa nthazi pinu, ndi kuti wafiske mazu gha wangurapiya ku auskemwe, kwaku Abrahamu, Yisaki, ndi Yakobe.

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

Nthanthi 10:27

Kopa Ambuya kutandaniska umoyo, kweni virimika vya wamphurupuru vikaŵanga vifupi.

Nthanthi 9:11

Pakuti mwaku ine mazuŵa ghako ghakandananga, ndipo virimika vikasazgikiyangako ku umoyo wako.

Nthanthi 3:16

Umoyo utali we ku janja lake la marghe; ku jenja la maze kwe vyuma ndi ulemu.

Nthanthi 3:2

pakuti ghakakupaskanga mazuŵa ghanandi ndi virimika vinandi vya umoyo ndi unandi wa likondwa.

Marangu 6:18

Ndipo muchitenge cho nchakurunjika ndi chamampha pa maso paku Chiuta, mwakuti kuŵenge kwamampha kwaku imwe, kuti mukasere kwachironda charu chamampha cho Ambuya angurapiya auskemwe kuŵapaska,

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 8:7

Chifukwa Ambuya Chiuta winu watikutoriyani ku charu chamampha, charu cha misinji ya maji, cha visima ndi viziŵe vyakubwibwituka vyakujirima maji mu madambo ndi mu mapiri.

Marangu 11:10

Pakuti charu chenicho musere kwachironda kuti chiyana ndi charu cha Egipiti cha, cho mwatuwaku. Mwenimo mwamijanga mbeu zinu ndi kuzidiriya maji ndi marundi ghinu, nge ndi dimba la munkhwani.

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 6:3

Sono imwe ŵaYisraele vwani marangu ndi ghaphwereni pakughachita, kuti kumuŵiyeni kwamampha, ndi kuti mwandani ukongwa mu charu chakutawara mkaka ndi uche nge ndimo Ambuya Chiuta wa auskemwe wangupanganirana namwe.

Marangu 11:21

kuti mazuŵa ghinu ndi mazuŵa gha ŵana ŵinu ghaŵe ghanandi mu charu chenicho Ambuya angurapiya auskemwe kuŵapaska, nyengo yose yo machanya ghakaŵiyanga pachanya pa charu chapasi.