Marangu 11:18 - Tonga Bible 1986

¹⁸ “Viyo mughasunge mazu ghangu yagha mu maghanoghano ghinu ndi mu mtima winu, mughamangiriye pa janja nge nchisimikizgu ndipo ghakaŵanga nge nchifuku cha chiremba pa maso ghinu.

Marangu 11:18 Referans Kwoze

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

Nthanthi 3:1

Wa mwana wangu, ungaruwanga cha kusambizga kwangu, kweni mtima wako usungenge marangu ghangu;

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

2 Petro 1:12

Chifukwa chenichi ndiphwerenge kumkumbuskani rutaruta ndi vyenivi, chingana muviziŵa, ndipo mukhozgeka mu uneneska wo sono we mwinu.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

Chituwa 13:16

Chikaŵanga nge nchakuteskiyapo pa janja linu pamwenga pa mbonekera pakati pa maso ghinu, pakuti ndi janja la nthazi Ambuya angutituzga mu Egipiti.”

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Nthanthi 3:3

Kujithereska ndi kugomekezgeka vingakutayanga cha uvimangiliye mu khosi lako, uvilembe pa gome la mtima wako.

Yeremiya 32:39

Ndiŵapaskenge mtima umoza ndi nthowa yimoza, mwakuti ŵandopenge ine muyaya, chifukwa cha umampha waku iwo ŵeneko ndi umampha wa ŵana ŵawo ŵa pavuli pawo.