Marangu 11:16 - Tonga Bible 1986

¹⁶ Chenjeni, vinu mtima winu unganyengeka, ndipo mungang'anamuka ndi kuteŵete ŵachiuta ŵanyake ndi kuŵasopa

Marangu 11:16 Referans Kwoze

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

Jobu 31:27

ndi mtima wangu ungunyengeka muubende, mlomo wangu wafyofyontha janja langu;

Yakobe 1:26

Asani munthu wajipima kuti ngwakusopa, wambura kutintha lilime lake kweni wakufuvya mtima wake, chisopa chaku mweniyo nchawaka.

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

1 Yohane 5:21

Mwatwana twangu tuwaniko ku vyangoza.

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Marangu 30:17

Kweni asani mtima winu upatukako, ndi kuti mukavwanga cha, kweni mukarandizgikanga kwachisopa ŵachiuta ŵanyake ndi kuŵateŵete,

Marangu 8:19

Ndipo asani muruwa Ambuya Chiuta, ndi kurondo ŵachiuta ŵanyake ndi kuŵateŵete ndi kuŵasopa, nditimuchenjezgani ukongwa zuŵa lino, kuti kwakuneneska mukaparghang'ikanga.

Marangu 4:23

Mujichenjeremwaŵeni, vinu mungaruwa phanganu la Ambuya Chiuta winu lenilo wangupangana namwe, pakujichitiya chikozgu chakusemeka, pamwenga chikozgu cha kanthu kose keniko Ambuya Chiuta winu wamukanizgani.

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

ŴaHebere 4:1

Viyo topenge, vinu kikuli, lati lajapo phanganu la kuserere mu chipumulu chake, wangawoneka yumoza wa mwaku imwe kupereŵepo.

Luka 21:36

Kweni cherezgani ŵakuninizika nyengo zose, alinga kuti mupunde, kupozomoka ku kwaku vyenivi vyose vyakukhasa kuŵapo, ndi kumapo paurongo pa Mwana wa munthu.”

Luka 21:8

Ndipo iyo wanguti, “Thoŵani, mungarandizgika: pakuti ŵanandi ŵaziyenge mu zina langu, wakuti ‘Ndine’; ndipo ‘Nyengo yaŵandika.’ Mungarutanga cha kuvuli kwawo.

Marangu 13:3

mungategherezganga mazu gha nchimi yo cha, pamwenga wakulota maloto yo cha. Chifukwa Ambuya Chiuta winu watumwesani kuti waziŵe pamwenga mutuŵanja Ambuya Chiuta winu ndi mtima winu wose ndi umoyo winu wose.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Marangu 31:20

Pakuti nditakuti ndaŵatole mu charu chakutaŵala mkaka ndi uchi cho ndingurapiya kuchipaska ku auskeu, ndipo pa ŵargha ndi ŵanguta ndi kututuŵa, ŵakang'anamukiyanga ku ŵachiuta ŵalendo, kuŵateŵete iwo ndi kuyuyuwa ine, ndi kuswa phanganu langu.

1 Samuele 12:20

Samuele wanguti, “Rekani kopa mwachita uheni uwu wose, viyo sono rekani kupatukako kukurondo Ambuya, muteŵetiyeni ndi mtima winu wose;

1 Samuele 12:21

rekani kupatukiya ku vinthu vyawaka vyo vilivi chanduwu nanga mbutaski, pakuti vyawaka.

1 ŴaKaronga 8:35

“Asani kuchanya kwajarika ndipo kulivi vuwa chifukwa chakuti ŵakulakwiyani, asani ŵaromba mu nyumba iyi, ŵazomera zina linu, ndipo ŵang'anamukako ku ulakwi wawo penipo imwe mwaŵasuzga,

Marangu 5:7

“ ‘Ungajanga ndi ŵachiuta ŵanyake pa maso pangu.

Marangu 12:30

muchenje kuti mureke kuwira pakuŵalondo, pavuli pa ŵaparghang'ika panthazi pinu. Mungafumbanga ndi ŵachiuta ŵawo, kuti, ‘Ŵamitundu yaŵa ŵanguteŵete uli ŵachiuta ŵawo? Mwakuti nafwe tichite viyo.’

Marangu 17:3

pakuteŵete ŵachiuta ŵanyake ndi kuŵasopa, pamwenga kusopa dazi, pamwenga mwezi, pamwenga che chose cha maliŵanja gha kuchanya, cho ndakanizga.

Marangu 28:14

asani kuti murandiya ku janja la marghe pamwenga ku maze cha, kusiya vyo ndikutauliyani zuŵa ili, ndi kurondo ŵachiuta ŵanyake ndi kuŵateŵete.

Marangu 29:17

ndipo mwawona vinthu vyawo vyambura kurghika, ŵangoza ŵawo ŵa miti ndi ŵa mya, ŵa siliva ndi golide wo ŵenga mukati mwawo.