Marangu 11:12 - Tonga Bible 1986

¹² charu chenicho Ambuya Chiuta winu watichiphwere. Maso gha Ambuya Chiuta winu ghe paku cho mazuŵa ghose, kutuliya ku kwamba kwa chirimika mpaka ku umari kwake.

Marangu 11:12 Referans Kwoze

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Ezra 5:5

Kweni jiso laku Chiuta wawo lenga pa ŵara ŵaku Yuda, ndipo ŵamirizi yaŵa ŵengavi kuŵakanizga mpaka makani ghakafike kwaku Dariusi ndipo ŵavwe kwamuka kwake mu kalata.

2 ŴaKaronga 18:32

mpaka penipo ndikazanga kukutoliyani ku charu chakukozgana ndi charu chapa mtima winu, charu cha chakurgha ndi vinyo, charu cha chiŵande ndi minda ya mphereska, charu cha miti ya maolive ndi uchi mwakuti muŵe ŵamoyo, ŵambura kufwa. Mungavwanga kwaku Hezekiya cha, watimurandizgani pakukamba kuti, Ambuya akatiwombonga.

Sumu 65:11

Umampha winu upereka usambasi ukuru wa vuna; kweniko kose muruta kwe vya uzari!

Yesaya 36:17

mpaka penipo ndituza kuzachikutoleni ku charu chakukozgana ndi charu chapa mtima winu, charu cha kurgha ndi vinyo, charu cha chiŵande ndi minda ya mphereska.