Marangu 11:11 - Tonga Bible 1986

¹¹ Kweni charu cho mutuyako kwachironda ncharu cha mapiri ndi madambo, chitumwa maji gha vuwa kutuwa kuchanya,

Marangu 11:11 Referans Kwoze

ŴaHebere 6:7

Chifukwa charu cho chamwa vuwa yo yingi'yangi'ya pake panandi, ndi nchakume sungwi zakwenere ŵeniwo chiŵalimikiya, chironde chitumbiku kutuwa kwaku Chiuta:

Chiyambo 27:28

Chiuta wakupaske dungwi la kuchanya, ndi lakututuŵa kwa charu chapasi, ndi kurgha kunandi ndi vinyo Munandi.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Yesaya 28:1

Soka ku chilemba cha ufumu cha ŵakulowe ŵaku Efraimu, ku luŵa lake lakusanduka la unkhankhu wake wakutowa, lo le pa mutu wa dambo lisambasi laku wo mbakuloŵe vinyo!

Marangu 11:10

Pakuti charu chenicho musere kwachironda kuti chiyana ndi charu cha Egipiti cha, cho mwatuwaku. Mwenimo mwamijanga mbeu zinu ndi kuzidiriya maji ndi marundi ghinu, nge ndi dimba la munkhwani.

Sumu 68:9

Mungung'iska vuwa yinandi, ndi kuwerezgamo charu chinu cho chinguvuka;

Ezekiele 36:4

chifukwa cho, mwa mapiri gha Yisraele, vwani mazu gha Ambuya Chiuta; Ambuya Chiuta atiti ku mapiri ndi mitunthu, vinkhwawu ndi madambo, ku phasulu la mapopa ndi misumba yakusiyika yo yasanduka chakuliwa ndi chakusekeska ku mitundu ya kujako yakuzingirizga;