5 Ndipo ndingung'anamuka ndi kusika mu phiri ndi kuŵika mya ya vipapate yo ndingupanga mu bokosi, ndipo ye mwenimo kwakuyana nge ndimo Ambuya angundilanguliya.”
Penipo Mosese wangusikako ku phiri Sinai, ndi vipapati viŵi vya phanganu mu janja lake wachisika ku phiri lo, Mosese wengavi kuziŵa kuti khungu la chisku chake linguŵala, chifukwa wakambanga ndi Chiuta.
Ndipo Yoswa wangumika mya chumi ndi yiŵi mukati mu Yordane penipo marundi gha ŵazukuru ŵakunyamuwa bokosi la phanganu ghanguma; yepenipo mpaka ku zuŵa lino.
Ndipo Mosese wangung'anamukako ndi wangusika ku phiri ndi vipapati viŵi vya mya ya marangu mu manja ghake, vipapati vyo vingulembeka kose kose; kurweka limoza ndi kurweka linyake.