Marangu 10:14 - Tonga Bible 1986

¹⁴ Nadi machanya gha kuchanya, charu chapasi ndi vyose vyo vye mwenimo ndi vyo vya Ambuya Chiuta winu.

Marangu 10:14 Referans Kwoze

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

Sumu 24:1

Nchaku Chiuta charu chapasi ndi uzari wake, charu ndi wo ŵajamo;

Sumu 115:16

Kuchanya nkhuchanya kwa Ambuya, Kweni charu chapasi akupaska ku ŵana ŵa ŵanthu.

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.

Sumu 148:4

Arumbeni, mwa machanya kuchanya, mwa maji gha pachanya pa mtambo!

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

Sumu 50:12

“Asani ndenga ndi nja, kuti ndatinge ndikuneniyengecha; chifukwa charu ndi uzari wake vyose vyangu.

2 Mikoka 6:18

“Kweni kumbi nadi Chiuta wakajanga ndi munthu pa charu chapasi? Onani machanya gha machanya kuchanya kuti ghangamukwaniskani Imwe cha; kumbi nyumba iyi ndazenga ine yingamuyanani uli!

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

1 ŴaKorinte 10:28

Kweni asani yumoza watikuneniyani, “Ichi ncha vyakubayikiya changoza,” mungarghangapo cha, pa chifukwa chaku yuwa warongoro, ndi chifukwa cha njuŵi:

1 ŴaKorinte 10:26

Chifukwa, “Ncha Ambuya charu chapasi, ndi uzali wake.”

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Chiyambo 14:19

Ndipo wangumutumbika ndiwanguti, “Watumbikike Abramu ndi Chiuta Wapachanya Limu, Mlengi wa Kuchanya ndi pasi;

Machitidu gha Ŵakutumika 17:24

Chiuta yo wangwata charu ndi vyose vyamwake, pakuŵa iyo mbuya wa kuchanya ndi pasi, kuti waja muŵakasopi ŵakumangika ndi manja cha;

2 ŴaKorinte 12:2

Ndiziŵa munthu mwaku Kristu, mweniyo mu virimika chumi ndi vinayi vyo vyarutapo, (manyi ndi mu liŵavu, pamwenga kubwaro ku liŵavu, kuti ndiziŵa cha; Chiuta waziŵa) munthu uyu wangukwamphulikiya mpaka kuchanya kwachitatu.

Marangu 10:13

ndi kusunga marangu ndi visambizgu vya Ambuya, vyo ndimulanguliyani zuŵa lino, kuti kumuŵiyeni umampha.

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

Jobu 41:11

Ndiyani yo wandipaska, kuti nane ndimuwezge? Che chose cho chemu charu chapasi nchangu.

Sumu 68:33

Kwaku iwo ŵakugara pa mitambo, pa mitambo ya mwaka! Tegherezgani kwaku iwo, kamburani ndi kubangura kwa nthazi!

Chiyambo 14:22

Kweni Abramu wanguti ku karonga wa Sodomu, “Ndarapa ku Ambuya Chiuta Wapachanya Limu, Mlengi wa kuchanya ndi pasi,