Marangu 10:12 - Tonga Bible 1986

¹² “Ndipo sono ŵaYisraele mwe, cho Ambuya Chiuta winu wakhumba kwaku imwe nkhopa Ambuya Chiuta winu kwenda mu nthowa zake zose, kumwanja, kuteŵete Ambuya Chiuta winu ndi mtima winu wose, ndi umoyo winu wose,

Marangu 10:12 Referans Kwoze

Marangu 6:5

ndipo mwanjenge Ambuya Chiuta winu, ndi mtima winu wose ndi umoyo winu wose ndi nthazi zinu zose.

Mika 6:8

Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Luka 10:27

Ndipo wangwamuka wanguti, “Wanjenge Mbuya Chiuta wako ndi mtima wako wose, ndipo ndi mzimu wako wose, ndipo ndi nthazi yako yose, ndipo ndi chinjeru chako chose; ndi mwanasi wako uli ndiwe wamweni.”

Marangu 5:33

Mwendenge mu nthowa zose zenizo Ambuya Chiuta winu wamulanguliyani, kuti muŵe ndi umoyo, ndi kuti kuŵenge kwamampha kwaku imwe, ndi kuti muje nyengo yitali mu charu cho mwamuronda.

Marangu 11:13

“Asani muvwiyenge marangu ghangu gho ndimulanguliyani zuŵa lino, kwanja Ambuya Chiuta winu ndi kumuteŵete ndi mtima winu wose, ndi umoyo winu wose,

Mateyu 22:37

Ndipo wangumnene, “Ukamwanjanga Mbuya Chiuta wako ndi mtima wako wose, ndi ndi mzimu wako wose, ndi ndi chinjeru chako chose.

Zefaniya 3:9

“Pa nyengo yo nding'anamuwenge karongororedu ka ŵanthu kuŵa kamampha, mwakuti wose ŵadanenge pa zina la Ambuya ndi kumuteŵete iyo ndi mtima umoza.

Sumu 34:9

A! Opani Ambuya, mwa ŵakupaturika ŵawo, chifukwa kulivi kusauka ku ŵakuwopa!

Marangu 4:29

Kweni mwamupenja Ambuya Chiuta winu mweche kwenikuwa, ndipo mwakumusaniya asani mwakumupenja ndi mtima winu wose ndi umoyo winu wose.

ŴaHebere 12:28

Viyo, taŵakuronde ufumu wambura kusukunika, tiŵe ndi kuwonga, mwaku wo tisope Chiuta kwakumkondweska ndi uwopa Chiuta ndi wofe:

Ezekiele 11:20

mwakuti ŵendenge mu virunguchizgu vyangu, kusunga ndi kuvwiya malangulu ghangu; ŵakaŵanga ŵanthu ŵangu, ndipo ine ndikaŵanga Chiuta wawo.

Sumu 145:20

Ambuya avikiriya wose wo atiŵanja, kweni akaparghang'anga ŵaheni wose.

Sumu 128:1

Ngwakutumbikika yose yo watopa Ambuya, yo watenda mu nthowa zawo.

Sumu 81:13

Owe ŵanthu ŵangu mphanyi ŵangundivwa, mphanyi Yisraele wangwenda mu nthowa zangu!

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

Marangu 30:16

Asani mukavwiyanga marangu gha Ambuya Chiuta winu, gho nditumulanguliyani msana wale pakwanja Ambuya Chiuta winu, pakwenda mu nthowa zake ndi pakusunga marangu ghake ndi visambizgu vyake, ndi vyeruzgu vyake, po ndipo mukajanga ŵamoyo, ndi mwandanenge. Ndipo Ambuya Chiuta winu wakamutumbikaninga mu charu chomukaserengamo kwachichironda kuŵa chinu.

1 Yohane 5:5

Kweni njani yo ngwakupunda charu? Ndi mweniyo ngwakuvwana kuti Yesu ndi Mwana waku Chiuta.

1 Yohane 2:15

Munganjanga charu cha, chingana ndi vyo vyamu charu. Asani munthu watanja charu cho, kuti chanju cho cha Dada che mwake cha.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Jobu 36:11

Asani ŵatumuvwiya ndi kumteŵete, ŵakamaranga mazuŵa ghawo muwusakati, ndi virimika vyawo mu kukondwa.

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

Machitidu gha Ŵakutumika 9:31

Viyo mu Yuda mose ndi mu Galile ndi mu Samaria mpingu waŵanga ndi chimangu, ndipo unguzengeka; wakwenda mu chopu cha Ambuya ndi mu unkhoswi wa Mzimu Wakupaturika ungwandana.

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

Sumu 18:1

Nditanja imwe, A Chiuta, nthazi yangu.

1 Timote 1:5

Kweni kamaridu ka chilangulu chonchanju chakutuwa ku mtima ukhovu ndi njuŵi yamampha ndi chivwanu chambura fuzi:

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.

Marangu 6:2

Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

Marangu 6:24

Ndipo Ambuya angutilanguliya kuchita vyose visambizgu ivi, kopa Ambuya Chiuta widu, kuti kutiŵiyenge umampha mazuŵa ghose, mwakuti watisunge ŵamoyo, nge ndimo tiriri zuŵa ili,

Marangu 10:11

Ndipo Ambuya anguti kwaku ine, ‘Soka rutanga pa lwendo laku paurongo pa ŵanthu kuti ukasere mu charu cho ndingurapiya auskemwe kuŵapaska.’

Marangu 10:13

ndi kusunga marangu ndi visambizgu vya Ambuya, vyo ndimulanguliyani zuŵa lino, kuti kumuŵiyeni umampha.

Marangu 11:1

“Viyo mwanjenge Ambuya Chiuta winu ndi kusunga malamulu ghake, visambizgu vyake, vyeruzgu vyake, ndi marangu ghake mazuŵa ghose.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

1 ŴaKaronga 3:3

Solomoni wangwanja Ambuya, wakwenda mu marangu ghaku Davidi wiske; chimoza pe, wangupereka sembe zakocha pa malo gha pachanya.

Sumu 119:2

Ŵakutumbikika mbeniwo ŵasunga visimisimi vyawo, wo ŵati ŵapenja ndi mtima wawo wose.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Marangu 26:16

“Msana wale Ambuya Chiuta winu watikulanguliyani kuchita malangulu yagha ndi vyeruzgu, viyo mukaŵanga ŵakuphwere ukongwa kuvichita ndi mtima winu wose ndi mzimu winu wose.

Marangu 27:10

Chifukwa cho mukavwiyanga mazu gha Ambuya Chiuta winu, musungenge marangu ghake ndi malangulu ghake, ghenigho ndakulanguliyani msana wale.”

1 Samuele 12:20

Samuele wanguti, “Rekani kopa mwachita uheni uwu wose, viyo sono rekani kupatukako kukurondo Ambuya, muteŵetiyeni ndi mtima winu wose;

2 ŴaKaronga 10:31

Kweni Yehu kuti wanguphwere kwenda mu dangu la Ambuya Chiuta waku Yisraele ndi mtima wake wose cha; kuti wangutuwako cha ku maulakwi ghaku Yeroboamu gho wangulakwiska nagho Yisraele.

2 ŴaKaronga 18:3

Ndipo wanguchita cho chenga chakurunjika mu maso gha Ambuya kwakuyana ndi vyose vyo awiske Davidi wanguchita.

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

2 Mikoka 15:12

Ndipo ŵangupangana phanganu kuti ŵaŵapenje Ambuya Chiuta, wa ŵambuyawo, ndi mtima wawo wose ndi umoyo wawo wose;

Sumu 81:14

Ruŵi ndatinge ndithereskenge ŵarwani wawo ndi kupunda ŵakupindikana ŵawo.