Marangu 1:8 - Tonga Bible 1986

⁸ Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 1:8 Referans Kwoze

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

ŴaHebere 6:13

Chifukwa Chiuta, wachipangana ndi Abrahamu (penipo wengavi kuziŵa kumrapiya ndi muraku), wangurapa ndi yija, wakuti,

ŴaHebere 6:14

“Nadidi kutumbika ndikutumbikenge, ndi kwandaniska ndikwandaniskenge.”

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Chituwa 33:1

Ambuya anguti kwaku Mosese, “Tuwanipo, kwerani kutuwapo pano iwe ndi ŵanthu wo watole kuno kutuwa mu charu cha Egipiti, kuya ku charu cho ndingupangana kwaku Abrahamu, Yisaki, ndi Yakobe kuti, ‘Ndikachipaskanga ku mphapu zinu.’

Maŵerengedu 14:23

palivi nanga njumoza yo wakachiwonanga charu cho ndingurapiya auskeu, chingana njumoza waku wo wangundikalariska kuti wakachiwonanga cho cha.

Maŵerengedu 32:11

‘Kwakuneneska palivi nanga njumoza wa ŵanthu wo ŵakutuwa mu Egipiti, kutuliya pa ŵamoyo ŵavirimika machumi ghaŵi ndi kuruska po, ŵakachiwonanga charu cho ndingurapiya kumupaska Abrahamu, Yisaki ndi Yakobe, chifukwa kuti ŵandirondo ine ndi mtima wose cha;

Marangu 1:11

Mphanyi Ambuya Chiuta wa auskemwe wakwandaniskani chikwi kwakuruska mo mulili, ndi wamutumbikani nge ndimo wangupanganirana namwe.

Marangu 11:24

Malo ghose ghenigho phazi la lundi linu lamukanda ghakaŵanga ghinu. Charu chinu chikaŵanga kutuwa ku bozwa la Lebanoni ndi kutuwa ku msinji, msinji Efrate, kwachifika ku nyanja yaku maselelo gha dazi.

Nehemiya 9:15

Munguŵapaska chiŵande kutuliya kuchanya chifukwa cha nja yawo ndi munguŵatuzgiya maji mu jarawe chifukwa cha nyota yawo, ndipo munguŵanene kuti ŵaruti kwachihara charu chenicho mungulumbila kuŵapaska.

Yeremiya 32:22

ndipo munguŵapaska charu ichi, chenicho mungurapiya ku auskeu kuŵapaska; charu chakuzara mukaka ndi uchi;

Ezekiele 47:14

Muchigaŵenge kwakuyanayana; ndingurapa kuchipaska ku auskemwe, ndipo charu ichi chiŵenge kwaku imwe nge nchihara.

Marangu 1:35

‘Nadi palivi yumoza wa ŵanthurumi yaŵa ŵa mgonezi uwu uheni ŵamuwona charu chamampha, cho ndingupangana kupereka kwa auskemwe.

Marangu 2:29

nge mbana ŵaku Esau wo ŵaja mu Seiri ndi ŵaMoabu wo ŵaja mu Ara, mpaka ndilowoke kusere charu cho Ambuya Chiuta widu watipaska.’

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 6:10

“Ndipo Ambuya Chiuta winu wamuserezgani mu charu, cho wangurapiya auskemwe Abrahamu, Yisaki ndi Yakobe, kumpaskani, ndi misumba yake yikuru ndi yamampha yeniyo mulivi kuyizenga,

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

Marangu 7:12

“Ndipo chifukwa mwamuvwiya vyeruzgu vyo ndi kuvisunga, Ambuya Chiuta winu wakasunganga kwaku imwe phanganu ndi lisungu lenilo wangurapa kwa auskemwe.

Marangu 7:13

Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

Marangu 8:1

“Marangu ghose gho ndimulanguliyani zuŵa lino, muŵe ŵakuphwere kughachita kuti muŵe ŵamoyo ndi mwandani, ndi kwachisere, ndi kuronda charu cho Ambuya angurapa kupereka ku auskemwe.

Marangu 9:5

Kuti nchifukwa cha urunji winu pamwenga kunyoroka kwa mtima winu cha, kuti musere kwachironda charu chawo, kweni nchifukwa cha kwananga kwa mitundu iyi lekani Ambuya Chiuta winu waŵadikiska kutuwa pa nthazi pinu, ndi kuti wafiske mazu gha wangurapiya ku auskemwe, kwaku Abrahamu, Yisaki, ndi Yakobe.

Marangu 10:11

Ndipo Ambuya anguti kwaku ine, ‘Soka rutanga pa lwendo laku paurongo pa ŵanthu kuti ukasere mu charu cho ndingurapiya auskemwe kuŵapaska.’

Marangu 11:9

ndi kuti mazuŵa ghinu ghakaŵe ghanandi mu charu cho Ambuya Chiuta winu wangurapa ku auskemwe kuŵapaska iwo ndi mphapu yawo, charu chakutaŵala mkaka ndi uchi.

Marangu 26:3

Ndipo mukarutanga ku mzukuru yo wateŵeta pa nyengo yo. Mwamunena kwaku iyo, ‘Ndizomera msana wale ku Ambuya Chiuta wako kuti ndaza mu charu cho Ambuya angurapiya auskemwe kutipaska ifwe.’

Marangu 26:15

Lereskani pasi kuturiya ko muja kwakupaturika, kuturiya kuchanya, ndi tumbikani ŵanthu ŵinu ŵaYisraele ndi munda wo mwatipaska, uli ndimo mungulumbiriya ku auskefwe, charu chakutaŵala mkaka ndi uchi.’

Marangu 28:11

Ndipo Ambuya akamusambaskaninga ndi vipasi vya liŵavu linu, ndi vipasi vya ng'ombe zinu, ndi vipasi vya nyata yinu, mu charu cho Ambuya angurapiya ku auskemwe kumupaskani.

Marangu 29:12

alinga kuti musere mu phanganu lakurapika ndi Ambuya Chiuta winu, lenilo Ambuya Chiuta winu wapangana namwe msana wale,

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”

Marangu 31:7

Sono Mosese wangudana Yoswa ndi wanguti kwaku iyo, “Uŵe gwa ndi wachiganga cheneko paurongo pa ŵaYisraele wose, pakuti ukarutanga ndi yaŵa ŵanthu kwachisere mu charu cho Ambuya akurapiya ku auskemwe kuŵapaska, ndipo iwe wakuŵaŵikamo kuti chiŵe chawo.

Marangu 34:4

Ndipo Ambuya anguti kwaku iyo, “Ichi ndicho charu ndingurapiya Abrahamu, Yisaki, ndi Yakobe, kuti, ‘Ndikachipaskanga ku mphapu zinu.’ Ndakuzomerezga kuchiwona ndi maso ghako, Kweni Kuti ukayangako kuwa cha.”

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Ŵeruzgi 2:1

Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,