Marangu 1:30 - Tonga Bible 1986

³⁰ Ambuya Chiuta winu wakudanjiriyani ndiyo wamukukurwiyani, kwakulingana ndi vyose vyo wangumuchitiyani mu Egipiti pa maso pinu.

Marangu 1:30 Referans Kwoze

Chituwa 14:14

Ambuya akakurwiyaninga, ndipo imwe muje ŵaka chisisi.”

Nehemiya 4:20

Mu malo mwenimo mukavwanga chizozu cha mbata, motokiyani kwaku ifwe kweniko. Chiuta widu wakatirwiyanga.”

ŴaRoma 8:37

Awa! Mwaku vyenivi yose tiruskiya kupunda mwaku yo wangutanja.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Marangu 3:22

Mungopanga, pakuti Ambuya Chiuta winu ndiyo wakumurwiyani nkhondo.’

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Yoswa 10:42

Yoswa wanguto ŵakaronga yaŵa wose ndi charu chawo pa nyengo yimoza, chifukwa Ambuya Chiuta waku Yisraele wangurwiya Yisraele.

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

Chituwa 14:25

Kuphatizga kukoroŵeka mawilo gha magareta viyo kuti ŵaghaguguzanga ndi unonono ukuru; ndipo ŵaEgipiti ŵanguti, “Tiyeni tithaŵe ku ŵaYisraele pakuti Ambuya atuŵarwiya paku ifwe.”

Marangu 1:29

Viyo ine ndinguti kwaku imwe, ‘Rekani kuwa nkhumbi, pamwenga kuwopa.

Yoswa 10:14

Kuti likuŵapo zuŵa nge ndi zuŵa liya cha kali kose mpaka mazuŵa yagha, po Ambuya anguzomerezga mazu gha munthu, chifukwa Ambuya angurwiya ŵaYisraele.

Yoswa 23:3

ndipo mwawona vyose vyo Ambuya Chiuta winu wachita ku mitundu yose iyi chifukwa chinu, pakuti ndi Ambuya Chiuta winu mweniyo wamurwiyani nkhondo.

Nehemiya 4:14

Ndipo ndingulereska, ndi ndingusoka ndi ndingunene ŵaraŵara, ndi zinduna, ndi ŵanthu wose, “Mungawopanga cha. Kumbukani Ambuya, wo mbara ndi ŵakofya, ndipo imwe murwiye ŵabali ŵinu, ŵana ŵinu ŵanthurumi ndi ŵanthukazi, ŵawoli ŵinu ndi mizi yinu.”

Chituwa 10:21

Sono Ambuya anguti kwaku Mosese, “Tambaruliya janja lako kuchanya kuti kuŵe mdima pa charu cha Egipiti, mdima uzitu.”

Chituwa 19:4

munguwona cho ndinguchita ku ŵaEgipiti, ndimo ndingukunyamuliyani pa mapapa gha nombo ndi ndingumutoliyani kwaku ndamweni.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Marangu 7:18

Mungachiŵawopanga cha kweni mukumbuke vyo Ambuya Chiuta winu wanguchita kwaku Farao ndi ku Egipiti yose;

Marangu 11:3

visimikizgu vyake, ndi nchitu zake zo wachita mu Egipiti kwaku Farao, karonga wa Egipiti, ndi ku charu chose cho.

Marangu 29:2

Ndipo Mosese wangudana ŵaYisraele wose ndi wanguti kwaku wo: “Mwawona vyose vyo Ambuya anguchita paurongo pinu mu charu cha Egipiti kwaku Farao ndi kuŵateŵeti ŵake wose, ndi ku charu chake chose.

Marangu 31:3

Ambuya Chiuta ndiyo wambukenge paurongo pinu, wakamaranga mitundu iyi paurongo pinu; viyo imwe mukaŵapokanga, ndipo Yoswa wakayambukanga paurongo pinu kumurongozgani uli ndimo Ambuya akukambiya.

Marangu 34:11

Palivi nanga njumoza wakukozgana nayo ku visimikizgu vyose vyo Ambuya angumutumiya kuvichita mu charu cha Egipiti, kwaku Farao ndi ku ŵateŵeti ŵake wose ndi ku charu chake chose,