Marangu 1:21 - Tonga Bible 1986

²¹ Wonani Ambuya Chiuta widu waŵika charu ichi pa maso pinu, kwerani mujemu chiŵe chinu, nge ndimo Ambuya Chiuta wa auskemwe wanene. Mungawopanga cha nanga nkhugongowa.’

Marangu 1:21 Referans Kwoze

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

Maŵerengedu 13:30

Kweni Kalebe wanguchetamiska ŵanthu pa maso ghaku Mosese, wanguti, “Tiyeni tikweriyeko kwakutinthimika, kwachichihara; chifukwa tendi nthazi kuchithereska.”

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Marangu 1:20

Sono ine ndinguti, ‘Imwe mwaza ku mapiri gha ŵaAmori ghenigho Ambuya Chiuta widu watipaska ifwe.

Marangu 9:23

Po Ambuya angumutumani kutuliya pa Kadeshe-barnea kuti, ‘Kwerani mukaronde charu cho ndamupaskani,’ ndipo mungugarukiya dangu la Ambuya Chiuta winu, kuti munguvwana nayo cha pamwenga kuvwiya mazu ghake cha.

Nehemiya 9:15

Munguŵapaska chiŵande kutuliya kuchanya chifukwa cha nja yawo ndi munguŵatuzgiya maji mu jarawe chifukwa cha nyota yawo, ndipo munguŵanene kuti ŵaruti kwachihara charu chenicho mungulumbila kuŵapaska.

Marangu 7:18

Mungachiŵawopanga cha kweni mukumbuke vyo Ambuya Chiuta winu wanguchita kwaku Farao ndi ku Egipiti yose;

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

Marangu 20:3

ndipo wakambenge kwaku wo, ‘Avwani, ŵaYisraele mwe, msana wale mundere kufupi kukurwana ndi ŵarwani ŵinu: mtima winu ungafipanga cha. Mungawopanga cha, chingana nkhunjenjeme, pamwenga kutenthema chifukwa chaku wo.

Marangu 31:6

Muŵe ngwa ndi ŵachiganga cheneko, mungawopanga cha pamwenga kuŵa ŵakofyerwa chifukwa chawo, pakuti Ambuya Chiuta winu waruta namwe pamoza. Kuti wakatondekanga cha, chingana nkhumurekani mwija.”