Marangu 1:2 - Tonga Bible 1986

² Pe ulendo wa mazuŵa chumi ndi limoza kuturiya ku Horebe kukiya nthowa ya phiri Seiri kwachifika ku Kadeshe-barnea.

Marangu 1:2 Referans Kwoze

Maŵerengedu 13:26

Ndipo ŵanguza kwaku Mosese ndi Aroni ndi kuwumba wose wa ŵaYisraele mu mabozwa gha Parana, Kadeshe; ŵanguwe ndi mazu kwaku iwo ndi ku mzinda wose, ndipo ŵanguŵarongo vipasi vya charu chiya.

Maŵerengedu 32:8

Viyo ndimu ŵanguchitiya auskemwe, po ndinguŵatuma kutuwa ku Kadeshe-barnea kwachiwona charu.

Marangu 9:23

Po Ambuya angumutumani kutuliya pa Kadeshe-barnea kuti, ‘Kwerani mukaronde charu cho ndamupaskani,’ ndipo mungugarukiya dangu la Ambuya Chiuta winu, kuti munguvwana nayo cha pamwenga kuvwiya mazu ghake cha.

Yoswa 14:6

Sono ŵanthu ŵaku Yuda ŵanguza kwaku Yoswa pa Gilgala; ndipo Kalebe mwana waku Yefuni mu Kenizi wangunena nayo, “Iwe uziŵa cho Ambuya angurongoro ndi Mosese munthu waku Chiuta pa Kadeshe-barnea paku iwe ndi ine.

Marangu 2:8

Viyo tingwenda ndi tingujumpha ŵabali ŵidu, ŵana ŵaku Esau, wo ŵajanga mu Seiri mu nthowa ya mu chidika, kuturiya ku Elata ndi Ezioniebere.

Marangu 2:4

Uŵanene ŵanthu kuti, Murute makaporote mu charu cha ŵabali ŵinu, ŵana ŵake Esau, wo ŵaja mu Seiri, ndipo ŵamukopa imwe. Viyo muchenje,

Marangu 1:44

Sono ŵaAmori wo ŵajanga mu mapiri ŵangutuwa kumikana namwe, ŵangumudikiskani nge ndi njuchi ndi kumumbininiskiyani mu Seiri kwazifika ndiku Horoma.

ŴaLevi 9:23

Ndipo Mosese ndi Aroni ŵangusere mu hema lakuwunganamo; ndipo ŵanguti ŵatuwa ŵangutumbika ŵanthu, ndipo unkhankhu wa Ambuya unguwoneka ku ŵanthu wose.

ŴaLevi 2:14

“Asani mupereka mpasku wa mbeu zinu zakudanga ku Ambuya, mukaperekanga mbeu zakupanda zifya za masoyo gha sono zakumizgika ndi moto.

Chituwa 3:1

Sono Mosese waliskanga mberere za sibweni ŵake, Yetero, mzukuru wa Midiani; ndipo wangurongozge viŵetu vyake kuchiri ku zambwe kwa bozwa, ndi wanguza ku Horebe, phiri laku Chiuta.

Chiyambo 32:3

Ndipo Yakobe wangutuma mathenga ku urongo kwake kuya kwaku Esau muku wake mu charu cha Seiri, charu cha Edimu,

Chituwa 17:6

Ehe, ine ndikamanga paurongo pako penipa pa jarawi lapa Horebe, ndipo iwe ukapumanga jarawi lo, ndipo maji ghakatuwanga mwaku lo, alinga kuti ŵamwenge ŵanthu.” Ndipo wanguchita viyo, ŵachiwonako ŵaraŵara ŵa ŵaYisraele.

Marangu 1:19

“Ndipo tingusoka pa Horebe ndi kuporota mu mobozwa ghakuru ndi ghakofya ghenigha munguwona mu nthowa ya mapiri gha Amori, nge ndimo Ambuya Chiuta widu wangutilanguliya, ndipo tinguza ku Kadeshebarnea.

Marangu 2:1

“Ndipo tingusoka kuto ulendo widu kusere mu bozwa kurazga ku Nyanja Yiyera, nge ndimo Ambuya angukambiya nane; ndipo tinguzunguriya phiri Seiri mazuŵa ghanandi.