Marangu 1:17 - Tonga Bible 1986

¹⁷ Mungalereskanga chisku cha munthu, muvwe mumana kwakulingana ndi mura. Mungopanga chisku cha munthu, chifukwa kweruzga nkhwaku Chiuta. Kweni asani mrandu ngunonono kwaku imwe, zani nawo kwangu, Ine ndazakuwuvwa.’

Marangu 1:17 Referans Kwoze

Marangu 16:19

Mungayeruzganga uheni cha. Mungawonanga chisku cha munthu cha; ndipo mungarondenga vinda, chifukwa vinda yijalamaso gha ŵazeru ndipo yinanga ŵarunji.

Yakobe 2:9

kweni asani mulondo chisku, muchitachilakwa, ndi mupanikizgika ndi dangu lo nge mbajumphi.

Chituwa 18:26

Ndipo ŵangweruzga ŵanthu pa nyengo zose, mirandu yinonono ŵanguza nayo kwaku Mosese, mrandu we wose umana ŵangweruzga ndiwo.

Nthanthi 24:23

Yagha nagho ndi mazu ghakukamba ŵazeru. Kweruzga kwambura kufikapo kuti nkhwamampha cha.

2 Mikoka 19:6

wanguti ku ŵeruzgi, “Chenjeni ndimo muchitiya, kuti muteruzgiya ŵanthu cha kweni Ambuya wo atuŵa namwe mucheruzga.

ŴaLevi 19:15

“Mungapenevyanga mu cheruzgu. Mungayeyanga mukavu; pamwenga kupayika mrando wa wakuzirwa kweni mu ukongorekwa ndimo mweruzgiyenge muzengezgani winu.

Chituwa 18:22

Ndipo ŵeruzgenge ŵanthu wo nyengo zose, mrandu wose uzitu ŵatoliyenge kwaku iwe, kweni mrandu wose umana ŵeruzgenge ndiwo; viyo kukuŵiyenge kuyuyu iwe, ndipo ŵakanyamuwanga mphingu yo pamoza nawe.

1 Petro 1:17

Ndipo asani mumudana Dada mweniyo kwambura kurumba chisku ngwakweruzgiya uli ndi nchitu ya munthu yose, mu wofi jaririyani nyengo yo ya chitandara chinu:

1 ŴaTesalonika 2:4

kweni uli ndimo tazomerezgeke ndi Chiuta kutipingizga evangeli wo, viyo tikamba; nge mbakukondweska ŵanthu cha, kweni Chiuta yo watesa mitima yidu.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

2 Samuele 14:14

Tose tikafwanga te nge ndi maji ghakudikiya pasi, gho kuti ghangayoreka so cha; kweni Chiuta kuti wakatuzgangako cha umoyo wa munthu yo wapenja nthowa yakuti wakudikika wake wareke kudikikiya limu.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

ŴaKolose 3:25

Chifukwa wakwananga wamuronde so kwananga kwake: ndipo kuti kwe kurumba chisku cha.

ŴaEfeso 6:9

Ndipo, mwaŵambuya mwe, chitiyani iwo vyenivyo pe, kwambura lifingafinga, pakuziŵa kuti Ambuya, ŵawo ndi ŵinu, ŵe kuchanya, ndipo kuti kwaku iwo urumba-chisku kulive.

ŴaRoma 2:11

chifukwa kwaku Chiuta ulive urumba chisku.

Luka 20:21

Ndipo ŵangumfumba, ŵakuti, “Muwomba, tiziŵa kuti ukamba ndi usambizga kwakurunjika, ndipo kuti urumba chisku cha munthu cha, kweni mu uneneska usambizga nthowa yaku Chiuta.

Marko 12:14

Ndipo ŵanguti ŵaza ŵanguti, “Msambizigi, tiziŵa kuti ndimwe muneneska, ndi kuti muphwere yumoza cha: chifukwa kuti mulereska chisku cha ŵanthu cha, kweni kwakuneneksa musambizga nthowa yaku Chiuta: kumbi kuyamu kupaska msonkhu kwa Kaisare, pamwenge awa?

Mateyu 22:16

Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.

Yeremiya 1:17

Kweni iwe ujichinyiye mu chiunu chako; soka, ukaŵanene che chose cho ndikulanguliyenge iwe. Ungawopanga iwo cha vinu ndingakuwopeska paurongo pawo.

Jobu 31:34

chifukwa ndinguma mu chofyo chikuru cha mzinda, ndi muyuyu wa mbumba vingunditenthemeska, viyo kuti ndinguma cheti, ndengavi kuturiya kubwaro.

Marangu 24:17

“Mungatimbanizganga cheruzgu chakurunjikiya mlendo pamwenga wamasiya, pamwenga kuto chivwalo cha choko kuŵa chikoli,

Chituwa 18:18

Iwe pamoza ndi ŵanthu ŵa pamoza nawe mukatomborokanga pakuti nchizitu ukongwa chinthu cho kwaku iwe; kuti ungaziŵa kuchifiska iwe wijawija pe cha.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Marangu 25:1

“Asani pe suskanu pakati pa ŵanthurumi, ndipo ŵatuza ku bwaro la mirandu, ŵeruzgi ŵateruzga pakati pawo, kufwatuwa wambura kalema ndi kususka wakulakwa.

1 Samuele 2:25

Asani munthu walakwiya munyake, Chiuta wakamuŵiyanga mwenda-pakati; kweni asani munthu walakwiya Ambuya, ndiyani yo wakamuŵeyeriyanga iyo?” Kweni ndipuuli kuti ŵanguvwiya mazu gha auskeu cha; pakuti linguŵa khumbu la Ambuya kuŵabaya.

2 Mikoka 19:5

Wanguŵika ŵeruzgi mu charu, mu misumba yose ya malinga yaku Yuda, msumba ndi msumba,

Sumu 82:2

“Mpaka zuŵanji mweruzgenge kwakubende, ndi kurumba ŵaheni mu milando Yawo?

Nthanthi 18:5

Kuti nchamampha cha kuŵa wakususka kumanavi wamphulupulu, pamwenga kumuzgerera cheruzgu chamampha wakurunjika.

Malaki 2:9

viyo ndimusanduskeninga kuŵa ŵakunyozeka, ndi ŵakuyuyulika pa maso pa ŵanthu wose, kwakuyana nge ndimo mwareke kusungiya nthowa zangu, kweni mwapenevya mu chisambizgu chinu.”

Nthanthi 28:21

Kulongo kweruzgiya lwandi kuti nkhwamampha cha, kweni pa kurgha kumanavi munthu wachimwiyengepo.