Marangu 1:1 - Tonga Bible 1986

¹ Yagha ndi mazu gho Mosese wangukamba ndi Yisraele yose sirgha liya Yordane mu bozwa, mu chidika chakurazgana ndi Sufu pakati pa Parana, Tofele, Labana, Hazaroto, ndi Dizahaba.

Marangu 1:1 Referans Kwoze

1 Samuele 25:1

Sono Samuele wangufwa; ndipo ŵaYisraele wose ŵanguwungana kumutenje, ŵangumuŵika mu nyumba yake pa Rama. Ndipo Davidi wangusoka wangusikiya ku bozwa la Parana.

Yoswa 22:7

Ndipo ku nusu wa fuku laku Manase wangupereka chihara mu Bashani, kweni ku nusu yinyake Yoswa wangupereka chihara pafupi ndi ŵabali ŵawo mu charu chenichiya ku zambwe kwa Yordane. Ndipo Yoswa wanguti wa ŵawezge ku mizi yawo ndi ku ŵatumbika,

Yoswa 22:4

Ndipo sono Ambuya Chiuta winu wapereka chipumulo ku ŵabali ŵinu, nge ndimo ŵangupanganirana nawo; viyo weni rutaninga ku mizi yinu mu charu mo mwe vihara vinu, vyenivyo Mosese mteŵeti wa Ambuya wangumpaskani kusirgha ku Yordane.

Yoswa 9:10

ndi vyose vyo wanguchita ku ŵakaronga ŵaŵi ŵa Amori wo ŵenga kusirgha la Yordane, Sihoni karonga wa Heshiboni ndi Ogi karonga wa Bashani, yo wajanga mu Ashitarote.

Yoswa 9:1

Penipo ŵakaronga wose wo ŵenga kusirgha ku Yordane mu charu cha mapiri ndi cha chidika ndi mu likumba lose la Nyanja Yikuru kurazga ku Lebanoni, ŵaHiti, Amoni, ŵaKanani, ŵaPerse, ŵaHivi ndi ŵaYebusi, ŵanguti ŵavwa ichi,

Marangu 33:2

Wanguti, “Ambuya angutuwa ku Sinai, ndipo anguvumbukwa kwaku ifwe kutuwa Seiri, anguwana kutuwa ku phiri Parani. Angutuwa ku vikwi chumi (10,000) vya wakupaturika ndi ŵanguto moto wakulipuka ku janja lawo la marghe.

Maŵerengedu 35:14

Misumba yitatu mukayiperekanga kusirgha ku Yordane, ndi misumba yitatu mu charu cha Kanani, kuŵa misumba yakutaskikiyamo.

Maŵerengedu 34:15

mafuku ghaŵi ndi fuku la nusu ŵakuronde chihara chawo kusirgha ku Yordane ku Yeriko kuchiri ku vuma, kumaturi gha lumwi.”

Maŵerengedu 32:32

Tikalowokanga taŵakunozgeke nkhondo pa maso pa Ambuya mu charu cha Kanani, ndipo chigaŵa cha chihara chidu chikatiŵiyanga kusirgha linu la Yordane.”

Maŵerengedu 32:19

Chifukwa ifwe kuti tamhara nawo kusirgha ku Yordane cha; ifwe chihara chidu chatiŵiya cha kusirgha limu la Yordane ku vuma.”

Maŵerengedu 32:5

Ndipo ŵanguti, “Asani tasaniya wezi mu maso ghinu mutipaske charu ichi chiŵe chihara; mureke kutambuskiya kusirgha ku Yordane.”

Maŵerengedu 13:3

Ndipo Mosese wanguŵatuma nge ndimo Ambuya angumulanguliya, kutuliya mu bozwa la Parana, wose ŵenga ŵarongozgi ŵa ŵaYisraele.

Maŵerengedu 12:16

Ndipo pavuli pake ŵanthu ŵangusoka pa Hazaroto, ŵangugoŵa mu bozwa la parana.

Maŵerengedu 11:35

Pavuli ŵanthu ŵangusoka pa Kibiroto-hatava ŵangufika pa Hazaroto, ndipo ŵanguja pa Hazaroto.

Maŵerengedu 10:12

ndipo ŵaYisraele ŵangwenda maulendo ghawo kutuwamo mu mabozwa gha Sinai; ndipo mtambo unguma mu mabozwa gha Parana.

Chiyambo 21:21

Wajanga mu bozwe la Parana; ndipo anyina ŵangumtole munthukazi ku charu cha Egipiti.

Maŵerengedu 13:26

Ndipo ŵanguza kwaku Mosese ndi Aroni ndi kuwumba wose wa ŵaYisraele mu mabozwa gha Parana, Kadeshe; ŵanguwe ndi mazu kwaku iwo ndi ku mzinda wose, ndipo ŵanguŵarongo vipasi vya charu chiya.

Habakuku 3:3

Chiuta waturiya ku Temani, mutuwa ku phiri la Parana, Unkhankhu waku ubenekere machanya, ndi charu chapasi chinguzaza ndi marumbu ghake.

Maŵerengedu 33:20

Ŵangutuwa pa Rimoni-pereze, ŵangugoŵa pa Libina.

Marangu 2:8

Viyo tingwenda ndi tingujumpha ŵabali ŵidu, ŵana ŵaku Esau, wo ŵajanga mu Seiri mu nthowa ya mu chidika, kuturiya ku Elata ndi Ezioniebere.

Marangu 4:46

Wanguja sirgha lino Yordane, mu dambo kulatana ndi Betepeoro mu charu chaku Sihoni fumu ya ŵaAmori, yo wajanga mu Heshiboni mweniyo Mosese ndi ŵaYisraele ŵangumupunda penipo ŵatuwanga ku Egipiti.

Yoswa 3:16

maji ghakusika kutuwa kunena ghanguma, ndipo ghanguŵa ndundu kutali, ku Adama, musumba wa pafupi ndi Zaretana, ndipo maji ghakulazga ku nyanja ya mu Araba, Nyanja ya Mche, ghose ghangudumulika, ŵanthu ŵangwambuka pa kulereskana ndi Yeriko.

1 ŴaKaronga 11:18

Ŵangusoka ku Midiyani ŵanguza ku Parani, ndipo ŵangutoko ŵanthurumi ku Parani ŵanguza nawo ku Egipiti, kwaku Farao karonga wa Egipiti yo wangumupaska nyumba, ndipo wangumupaska kuronde kurgha ndi wangumpaska charu.

Maŵerengedu 33:21

Kutuwa pa Libina, ŵangugoŵa pa Risa.

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Marangu 27:1

Sono Mosese ndi ŵara ŵa ŵaYisraele ŵangulanguliya ŵanthu kuti, “Sungani marangu ghose gho nditukulanguliyani msana wale.

Marangu 29:1

Yagha ndi mazu gha phanganu lo Ambuya angulanguliya Mosese kuchita ndi ŵaYisraele mu charu cha Moabu, pade paku lo anguchita mo Horebe.

Marangu 31:1

Viyo Mosese wangurutiliya kukamba mazu yagha ku ŵaYisraele wose.