Malaki 3:7 - Tonga Bible 1986

⁷ Kwamba mazuŵa gha auskemwe mwapatuka ku marangu ghangu, ndi mwareka kughasunga. Wereni kwaku ine, ndipo ndiwerenge kwaku imwe, atiti Ambuya ŵa maŵanja. Kweni mutiti, ‘Tikawenga uli?’

Malaki 3:7 Referans Kwoze

Zekariya 1:3

Chifukwa ichi uŵanene, viyo atiti Ambuya ŵa maŵanja, wereni kunu kwangu, atiti Ambuya ŵa maŵanja: ine nane ndiweliyenge kwinu, viyo atiti Ambuya ŵa maŵanja.

ŴaRoma 10:21

Kweni kuchiri kwaku Yisraele watiti, “Zuŵa lose ndatambasuliya manja ghanguku khamu lamtafu ndi lamapiku-mapiku.”

ŴaRoma 10:3

Chifukwa pakureka kuwamo mu urunji waku Chiuta, ndi pakulembe kumiska urunji waku ŵija, ŵengavi kujithereske ku urunji waku Chiuta.

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.

Marangu 31:20

Pakuti nditakuti ndaŵatole mu charu chakutaŵala mkaka ndi uchi cho ndingurapiya kuchipaska ku auskeu, ndipo pa ŵargha ndi ŵanguta ndi kututuŵa, ŵakang'anamukiyanga ku ŵachiuta ŵalendo, kuŵateŵete iwo ndi kuyuyuwa ine, ndi kuswa phanganu langu.

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Luka 15:16

Ndipo wakhumbanga kugutiskika ndi maugwemba ghenigho zarghanga nguruŵi: ndipo pengavi yumoza wapaskanga kwaku iyo.

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Mateyu 23:27

“Owe, mwa ŵalembi ndi mwa ŵaFarisi, mwaŵakufuvya! Mukozgana ndi miunda yakupakika utoto, yo kubwaro nadi yiwoneka yakutowa, kweni mukati yizaza viwanga vya ŵakufwa ndi ukazuzi wose.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Ezekiele 20:21

Kweni ŵana ŵangundigarukiya; kuti ŵangwenda muvirunguchizgu vyangu cha; ndipo kuti ŵanguphwere kusunga malangulu ghangu cha, ghenigho munthu pakughasunga wakaŵanga ndi umoyo; ŵangukazuzga masabata ghangu. “Penipo ndingughanaghana kuti ndiŵapunguliye ukari wangu ndi kutaya kukara kwangu paku iwo mu bozwa.

Ezekiele 20:13

Kweni nyumba yaku Yisraele yingundigarukiya mu bozwa; kuti ŵangwenda muvirungu chizgu vyangu cha, ŵangutinkha malangulu ghangu, gho munthu pakughasunga wakaŵanga ndi umoyo; masabata ghangu nagho ŵangughakazuzga ukongwa. “Penipo ndingughanaghana kuti ndiŵapunguliye ukari wangu mu bozwa, alinga kuti ndiŵamarizgiye limu.

Ezekiele 20:8

Kweni ŵangugaruka kwaku ine kuti ŵangundivwiya cha; munthu yose kuti wangutaya vinthu vyakutinkhika vyo maso ghake ghangukorokwa navyo cha, nanga nkhutaya ŵangoza ŵaku Egipiti. “Penipo ndingughanaghana kuti ndiŵapunguliye ukari wangu ndi kumarizga kukara kwangu paku iwo mukati mu charu cha Egipiti.

Yesaya 65:2

Ndingutambaruwa manja ghangu zuŵa lose ku ŵanthu ŵakugaruka, wo ŵatenda mu nthowa yo kuti njamampha cha, ŵakurondo fundu zaŵeneko ŵija;

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

Malaki 3:13

“Mazu ghinu ghaŵa ghazitu kwaku ine, atiti Ambuya. Ndipuuli mutiti, ‘Taŵereŵeta uli kumikana ndi imwe?’

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

ŴaRoma 7:9

Ndipo ine kali ndenga wamoyo pade pa chilangulu: kweni, lati laza langulu lo, ulakwi ungusisipuka, ndipo ine ndingufwa;

Yeremiya 7:25

Kutuwa ku zuŵa lo auskemwe ŵangutuliya mu Egipiti kufika msana wale, ine ndawerezgapowerezgapo kutuma ŵateŵeti ŵangu ŵamchimi kwaku wo, zuŵa ndi zuŵa:

Yeremiya 16:11

Penipo iwe uŵamukenge kuti, ‘Chifukwa auskemwe ŵakundisiya, atiti Ambuya, ndipo ŵakundondoloska ŵachiuta ŵanyake kuŵatataliya ndi ku ŵasopa, ndipo ŵakundisiya ine, ndi ŵalivi kusunga dangu langu.

Yeremiya 16:12

Ndipo chifukwa imwe mwananga kwakuruska auskemwe, pakuti ehe, mose mwandondoloska khumbu linu linonono liheni, mukana kutegherezga kwangu.

Ezekiele 2:3

Wanguti, “Mwana wa munthu, nditikutuma ku ŵaYisraele, ku mtundu wa ŵachigaruka, wo ŵandigarukiya ine; iwo ndi auskeu ŵandinangiya ine mpaka zuŵa lino.