Malaki 3:6 - Tonga Bible 1986

⁶ “Chifukwa ine Chiuta kuti ndisintha cha, imwe mose, ŵana ŵaku Yakobe mulivi kumara.

Malaki 3:6 Referans Kwoze

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Yeremiya 32:27

“Ehe, ndine Ambuya, Chiuta wa vinthu vyose; kumbi kalipo kanthu ko nkhanonono kwangu?

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

Chivumbuzi 22:13

Ine ndine Alfa ndi Omega, wakudanga ndi wakumariya yo, chandu ndi umari.”

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 102:26

Vyose vikamaranga, kweni imwe mukajaririyanga; vyose vikachujukanga nge vyakuvwara. Imwe mukavisinthanga nge ndi maraya, ndipo vikamaranga.

ŴaFilipi 1:6

Ndawakugomekezga chenichi chakuti, yo wangwamba mwinu nchitu yamampha, wamkuyifiska mpaka zuŵa laku Yesu Kristu.

Yesaya 41:13

Pakuti ine, Ambuya Chiuta wako, ndiko janja lako lakurghiya; ndine ndititi kwaku iwe, “Ungopanga cha, ndikakovyanga.”

Hoseya 11:9

Nkhafiskanga cha ukari wangu ukuru, kuti nkhaparghang'anga so Efraimu cha; chifukwa ndine Chiuta munthu cha, Mtuŵa mukati mwinu, ndipo kuti ndizenge kuzachiparghang'a cha.

Sumu 78:57

ŵanguwere vuli ndi kuchita chigaruka nge mbauskeu; ŵambura magomezgeka nge ndi mivwi yakupong'eka mu uta, wakunyongoroka.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Chiyambo 15:7

Ndipo wanguti kwaku iyo, “Ndine Ambuya mweniyo wangukutuzga ku Uru wa ŵaKaldiya kuzachikupaska charu ichi kuchihara.”

ŴaRoma 5:10

Chifukwa asani, tenga teche ŵamawongu, tingwanjaniskikiya kwaku Chiuta mu nyifwa ya Mwana wake, ukongwako, taŵakwanjaniskika titaskikenge mu umoyu wake.

Chiyambo 22:16

wanguti, “Ndajirapizga ndamwene, atiti Ambuya, chifukwa chakuti wachita ichi, ndipo ulivi kukaniliya mwana wako, mwanawako yumoza pe,

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

Sumu 102:27

Kweni imwe nyengo yose mwe nge ndimo muliri, umoyo winu ulivi chigoti.

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.

Sumu 102:28

Ŵana ŵa ŵateŵeti ŵinu ŵakajanga umamphavi, ndipo mazuŵa ghose mphapu yawo yikakhozgekanga paurongo pinu.

Yesaya 46:4

chingana ndi mu unkhongwi winu Ndine Iyo, ndi juŵanyivu ndikunyamuweninga. Ndalenga, ndipo ndikanyamuwanga; ndikanyamuwanga ndi ndikataskanga.