Malaki 3:15 - Tonga Bible 1986

¹⁵ Kwamba le titeska kuti ŵakujikuzga mbakutumbikika. Wo ŵachita uheni ŵasakata, ndipo penipo ŵamwesa Chiuta ŵaphokwa.’ ”

Malaki 3:15 Referans Kwoze

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Malaki 2:17

Mwavukiska Ambuya ndi mazu ghinu. Ndipuuli mutiti, “Taŵavukiska uli?” Pakukamba kuti, “Yose yo wachita uheni ngwamampha mu maso gha Ambuya, ndipo akondwa nayo.” Pamwenga pakufumba kuti, “Wepani Chiuta wa urunji?”

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

ŴaHebere 3:9

keniko auskemwe ŵangundesa, ndipo ŵanguwona machitidu ghangu virimika machumi ghanayi.

Machitidu gha Ŵakutumika 12:21

Ndipo pa zuŵa lakutemeka Herode, wakuvwara kavwaridu kaufumu, wanguka pa chakweruzgiyapo cho, ndipo wangukamba nawo.

Machitidu gha Ŵakutumika 5:9

Kweni Petro wangunena nayo, “Chifukwa chine mwapangana imwe kwesa Mzimu wa Ambuya? Awona, marundi ghaku wo ŵaŵikanga mrumi wako ghe pa khomo, ndipo ŵatembeziyenge iwe kubwaro.”

Danyele 6:16

Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Yeremiya 7:10

ndipo pavuli makazanga kuzachima paurongo pangu mu nyumba iyi, yo yidanika ndi zina langu, ndi kunena kuti, ‘Tataskika!’ Kweni mukiyakiya kuchita maukazuzi ghenagha?

Nthanthi 12:12

Sonjo wa nthazi wa wamphulupulu wabwanganduka, kweni msisi wa murunji utuma gwa.

Sumu 106:14

Ŵanguzazika ndi chirghoko mu bozwa, ndipo ŵangwesa Chiuta.

Sumu 95:9

Penipa ŵangundesa ndi kundipima, nanga ŵanguwona vyo ndinguŵachitiya.

Sumu 78:56

Kweni ndipuuli ŵangumwesa ndi kumugarukiya, Chiuta Wapachanya Limu, ndipo visimisimi vyake kuti ŵanguvisunga cha;

Sumu 78:41

Kaŵikaŵi ŵangumwesa Chiuta, ndi kumukwiyiska Mtuŵa Yumoza, waku Yisraele.

Sumu 78:18

Mwa dala ŵangumwesa Chiuta, pa kupempha kurgha ko ŵangukhumba.

Sumu 73:12

Awonani, viyo ndimo ŵaliri ŵaheni; ŵenavyo vinandi ndipo visazgikiyapo so vinyake nyengo ndi nyengo.

Sumu 49:18

Nanga watijiwona kuŵa wakukondwa, po weche ndi umoyo, ndipo nanga munthu waronde vitumbiku pakujichitiya umampha iyo mweneko,

Sumu 10:3

Pakuti muheni watijikuzga mu makhumbo gha mtima wake, ndipo munthu wa mbunu ndi chanduwu wanyoza ndi kutuka Ambuya.

Jobu 22:23

Asani uwere ku Wanthazizose, ndi kujiyuyuwa, asani utuzgapo uheni pa hema lako,

Jobu 21:30

Kuti ŵabendezi ŵataskika muzuŵa la pharghaniko ndikutaskika mu zuŵa la ndewu?

Jobu 12:6

Mahema gha ŵapoki ghepa chimangu, ndi wo ŵasosomo Chiuta ŵaja umampha, wo ŵatuza ndi chiuta wawo mu manja ghawo.

Estere 5:10

Kweni Hamani wangujitintha: ndipo wanguti waruta kwake wangutuma ŵanthu kwachidana mabwezi ghake ndi muwoli wake Zeresi.

1 ŴaKorinte 10:9

Tingesanga Ambuya cha, nge ndimo ŵangwese ŵanyake ŵaku wo, ndipo ŵangumara ndi njoka zo.

Sumu 58:2

Awa, mu mitima yinu munozga utimbanizi; manja ghinu ghachita vya nkhaza mu charu.

Sumu 141:4

Ndisungeni ku kuchita uheni we wose, kujitangwamiska mu nchitu ziheni, pamwenga kusangana ndi ŵanthu ŵaheni mu mauheni ghawo. Ndireke kusangana nawo mu madghera ghawo!

Wakutaula 8:14

Kwe chawaka cho chichitika panu pasi, kuti ŵalipo ŵanthu ŵarunji paku ŵeniwo chituŵawiya kwakuyana ndi nchitu za ŵaheni, ndipo ŵalipo ŵaheni paku ŵeniwo chituŵawiya kwakuyana ndi nchitu za ŵarunji. Ndinguti ichi nachu so nchawaka.

Yesaya 2:22

Tuwako ku munthu mweniyo mumphunu zake mwe mvuchi, pakuti iyo njani nayo?

Jobu 1:22

Mwaku vyose ivi Jobu kuti wangunanga cha pamwenga ku mutonyora Chiuta.

Sumu 73:3

Chifukwa ndinguchita sanji ndi ŵakujikuzga, po ndinguwona kuti ŵaheni ndiwo ŵasakata.