Malaki 2:2 - Tonga Bible 1986

² Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Malaki 2:2 Referans Kwoze

Chivumbuzi 14:7

ndipo wangukamba ndi mazu ghakuru, “Mopeni Chiuta; ndipo paskani kwaku iyo unkhankhu, pakuti laza ora la cheruzgu chake: ndipo mlambiyeni mweniyo wangwata kuchanya ndi pasi ndi nyanja ndi visima vya maji.”

Luka 17:18

Asi ŵangusanirika ŵakuwere kwachipaska unkhankhu kwaku Chiuta, kweni mlendo uyu pe?”

Sumu 69:22

Magome ghawo paurongo pawo ghaŵaŵiye chiŵana; madghera ghawo gha sembe ghaŵaŵiye chikwiriki.

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

Malaki 3:9

Mwatembeka ndi thembo, chifukwa mutindiba. Mtundu winu wose watembeka.

Ezekiele 3:7

Kweni nyumba yaku Yisraele kuti yikakuvwanga cha; chifukwa kuti ŵakhumba kuvwa ine cha; pakuti nyumba yose yaku Yisraele yendi mutu wakulimba ndi mtima unonono.

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Hagayi 1:9

Mwapenja vinandi, kweni ehe, vinguŵa vimanavi; ndipo po munguza navyo kumuzi, ndinguviputiskiya kutali. Chifukwa nchine? Atiti Ambuya ŵa maŵanja. Nchifukwa cha nyumba yangu yo njakupasuka, kweni mwatangwanika, munthu yose ndi nyumba yake.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yesaya 57:11

Njani yo mungutenthema ndi kopa, po mwakambanga utesi, ndipo mwengavi kundikumbuka, mwengavi kundighanaghana? Kumbi po ndaja ŵaka cheti ine, kwa nyengo yitali, chifukwa cho kuti mutindopa cha?

Yesaya 47:7

Munguti, “Tikaŵanga ŵakuusa muyaya,” viyo kuti munguvighanaghana cha vinthu ivi, pamwenga kukumbuka umari waku vyo.

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Yoswa 7:19

Viyo Yoswa wangukamba ndi Akani, “Wa mwana wangu, paska unkhankhu ku Ambuya Chiuta waku Yisraele, ndipo upereke marumbu kwaku Iyo, ndinene cho wachita, ungandibisa cha.”

Nthanthi 3:33

Thembu la Ambuya le pa nyumba ya muheni, kweni atumbika kuja kwa murunji.

Malaki 2:1

“Ndipo sono, imwe mwa ŵazukuru, dangu ili ndakwaku imwe.