Malaki 2:10 - Tonga Bible 1986

¹⁰ Kumbi kuti tose tendi uskefwe yumoza cha? Kumbi kuti tose tarengeka ndi Chiuta yumoza cha? Nanga chifukwa nchine tireka kugomezgana yumoza ndi munyake, ndi titananga phanganu la auskefwe?

Malaki 2:10 Referans Kwoze

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

Malaki 2:11

Yuda waŵa wambura chigomezgu, ndipo ukazuzi wachitika mu Yisraele ndi Yerusalemu, chifukwa Yuda wananga nyumba yakupaturika ya Ambuya, yo atanja, ndipo wato kuŵa muwoli wake mwana munthukazi waku chiuta mlendo.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

ŴaEfeso 4:6

Chiuta yumoza ndi Wiskeu waku wose, mweniyo wawusa pachanya paku wose, ndi wachitiya mwaku wose, ndi waja mukati mwaku wose.

Yesaya 63:16

Pakuti imwe ndimwe Auskefwe, chingana Abrahamu wareka kutiziŵa ifwe, ndipo Yisraele kuti watitipanikizga cha; imwe Ambuya, ndimwe mwe Auskefwe, Muwombozi widu ndilo zina linu kutuliya ku mwaka.

Yesaya 64:8

Kweni Ambuya mwe, imwe Auskefwe; te dongo ifwe, imwe mwe muwumbi widu; ndipo tose te nchitu ya janja linu.

Machitidu gha Ŵakutumika 7:26

Ndipo la mawa wanguburika paku wo ŵalimbananga, ndipo wangwesa kuŵawojere ku chimangu, wakuti, ‘Mwaŵanthu, mwe ŵabali pe, chifukwa chine mubudirana?’

Mateyu 3:9

ndipo mungapimanga cha kunena mwaku mwaŵeni, ‘Uskefwe te nayo Abrahamu,’ chifukwa ndikuneniyani kuti ngwanthazi Chiuta ku mya yeniyi kumyuskiya Abrahamu ŵana.

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Mateyu 22:16

Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Malaki 2:8

“Kweni imwe mwatuwamo mu nthowa; mwalandizga ŵanandi ndi chisambizgu chinu, mwananga phanganu laku Levi, atiti Ambuya ŵa maŵanja,

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Ezekiele 33:24

“Mwana wa munthu ŵakuja mu malo gha mapopa agha mu charu cha Yisraele, ŵeche kukamba kuti, ‘Abrahamu wenga munthu yumoza pe, ndipuuli wanguchihara charu ichi; kweni ifwe te ŵanandi, charu ichi nadi chikupaskika kwaku ifwe ku chihara.’

Yesaya 51:2

Lereskani kwaku Abrahamu auskemwe ndi kwaku Sara yo wangumupapani; pakuti penipo wenga yumoza pe ndingumudana, ndingumutumbika ndi ndingumuchita kuŵa ŵanandi.

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Yesaya 43:15

Ndine Ambuya, Mtuŵa winu Yumoza, Mlengi waku Yisraele, Karonga winu.”

Yesaya 43:7

we yose wakudanika ndi zina langu, mweniyo ndingulenge ku unkhankhu wangu, yo ndinguumba ndi ndinguchita.”

Yesaya 43:1

Kweni sono atiti viyo Ambuya, yo wangukulenga iwe, Yakobe we, yo wangukuumba, Yisraele we: “Ungopanga cha, pakuti ndakuwombo; ndakudana iwe ndi zina, we wangu.

Jobu 31:15

Kumbi yo wangulenga ine mu nthumbo, kuti ndiyo wangulenga iyo cha? Asi njumoza pe yo wangutiwumba mu nthumbo?

Nehemiya 13:29

Muŵakumbuke, Chiuta wangu, chifukwa ŵakazuzga uzukuru ndi phanganu la uzukuru ndi ŵaLevi.

Yoswa 24:3

Sono ndinguto wiskemwe Abrahamu kutuwa kusirgha la Msinji ndipo ndingumurongozga kuporota mu charu chose cha Kanani, ndipo ndi ngwandaniska mphapu yake. Ndingumupaska Yisaki;

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

ŴaHebere 12:9

Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

ŴaRoma 9:10

Ndipo viyo pe cha; kweni Rabeka nayo, wati wazuwuka ndi yumoza, ndiyo auskefwe Yisaki,

ŴaRoma 4:1

Viyo tikatingenji ndi Abrahamu, auskekurufwe kuchiri ku liŵavu, wasaniya chine?

Machitidu gha Ŵakutumika 17:25

chingana nkhuti wateŵeteka ndi manja gha ŵanthu cha, nge ngwakukavuka kanthu, pakuŵa mweneko wakupaska wose umoyo, ndi mvuchi, ndi vyose;

Machitidu gha Ŵakutumika 7:2

Ndipo iyo wanguti: “Mwaŵanthu, mwa ŵabali ndi mwaŵada, andini! Chiuta yo waunkhankhu wangumwoneke wiskefwe Abrahamu, weche mu Mesopotamia, wenga wandajemo mu Harani, ndipo wangumnene,

Yohane 8:56

Abrahamu, auskwemwe, wangukondwere kuliwona zuŵa langu; wanguliwona, ndipo wangusekere.”

Yohane 8:53

Kumbi iwe we mraku ku Auskefwe Abrahamu, mweniyo wakufwa? Ndi ŵamchimi wo ŵakufwa utijisanduska kuŵa yani?”

Yohane 8:39

Wangwamuka, wangumnene, “Auskefwe mba Abrahamu.” Yesu waŵanene, “Ne mwenga ŵana ŵaku Abrahamu, mphanyi mwachitanga nchitu zaku Abrahamu.

Luka 3:8

Viyo pasani vipasi vyakwenere chipe, ndipo munganda cha kunena mwaku mwaŵeni, ‘Dada te nayo Abrahamu’; chifukwa ndikuneniyani, kuti Chiuta ngwanthazi mu mya iyi kuyuskiya ŵana kwaku Abrahamu.

Luka 1:73

rapu lo wangurapiya kwaku Abrahamu auskefwe,

Machitidu gha Ŵakutumika 17:24

Chiuta yo wangwata charu ndi vyose vyamwake, pakuŵa iyo mbuya wa kuchanya ndi pasi, kuti waja muŵakasopi ŵakumangika ndi manja cha;

Machitidu gha Ŵakutumika 17:26

ndipo wangwata ku ndopa zimoza mtundu wose wa ŵanthu kwachija pa chisku chose cha charu, wati wateme nyengo zakulangulika, ndi mphaka za ujazi wawo;

Chituwa 19:4

munguwona cho ndinguchita ku ŵaEgipiti, ndimo ndingukunyamuliyani pa mapapa gha nombo ndi ndingumutoliyani kwaku ndamweni.

Chituwa 24:3

Mosese wanguza ndi wanguŵakambiya ŵanthu mazu ghose gha Ambuya ndi vyeruzgu vyose; ndipo ŵanthu wose ŵangwamuka ndi mazu ghamoza, ndi ŵanguti, “Mazu ghose gho Ambuya akamba tikachitanga.”

Chituwa 24:7

Sono wanguto buku la chipanganu, ndi wanguliŵerenga mu makutu gha ŵanthu; ndipo iwo ŵanguti, “Vyose vyo Ambuya akamba tikachitanga, ndipo tikaŵanga ŵakuvwiya.”

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.