Malaki 1:14 - Tonga Bible 1986

¹⁴ “Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

Malaki 1:14 Referans Kwoze

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.

Malaki 1:8

Po mupaska sembe za vyakuŵeta vyachiburumutiya, kuti wo mbuheni cha? Ndipo po mupaska vyakupunduka pamwenga vyakutama, kuti wo mbuheni cha? Perekani chaviyo ku mweruzgi winu mura, kumbi wakakondwanga namwe pamwenga kumuchitiyani ulemu? atiti Ambuya ŵa maŵanja.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Luka 12:46

wazenge mbuyake wa muŵanda yuwa mu zuŵa lenilo walive kulereze, ndi mu ora lenilo walive kuziŵa, ndipo wamdumuwenge, ndi waŵikenge chigaŵa chake pamoza ndi ŵambura magomekezgeka.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Sumu 76:12

yo wadumuwa mzimu ya mafumu; ngwakofya ku ŵakaronga ŵa charu chapasi.

Sumu 47:2

Pakuti Ambuya, Apachanya limu, mbakofya, ndi karonga mukuru pa charu chose chapasi.

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

ŴaHebere 12:29

chifukwa nadi Chiuta widu ndi moto wakunyeka.

1 Timote 6:15

chenicho mu nyengo zake zeneko wakachirongonga Wanthazi yo, wakutumbikika ndi wayija, Karonga yo wa ŵakaronga, ndi mweneko wa ŵakweni;

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Yeremiya 48:10

“Wakutembeka ndi munthu yo wachita nchitu ya Ambuya ndi kutomboloka; ndipo wakutembeka ndi mweniyo wakanizga lipanga lake kudiska ndopa.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Marangu 28:58

“Asani mukaŵanga ŵambura kuphwere kuchita mazu ghose gha dangu ili ghenigho ghakulembeka mu buku ili, kuti mopenge zina la unkhankhu ndi lakofya, Ambuya Chiuta winu,

Chiyambo 27:12

Akhumba ada ŵakundipapaska, ndipo ndamuwoneka uli ndinyoza iwo, ndikujitole thembo paku ndamweni, chitumbiku cha.”

Marko 14:8

Wachita cho wangukhumba kuchita: watukutizgiya limu liŵavu langu kwachindiŵika.

Mateyu 24:51

Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.

Mateyu 5:35

chingana ndi panupasi, pakuti nchitambaliru cha marundi ghake: chingana ndi Yerusalemu, pakuti ndi msumba wa karonga mura.

Malaki 3:9

Mwatembeka ndi thembo, chifukwa mutindiba. Mtundu winu wose watembeka.

Sumu 95:3

Pakuti Ambuya ndi Chiuta mukuru, ndi karonga wanthazi pa ŵachiuta wose.

Sumu 68:35

Nkhofya uli kwaku Chiuta mu malo ghake ghakupaturika, Chiuta waku Yisraele! Wapaska nthazi ndi mazaza ku khamu lake. Tumbikani Chiuta!

Sumu 48:2

Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

2 Samuele 24:24

Kweni karonga wanguti kwaku Arauna, “Awa ndigurenge kwako pa mtengo wake; kuti ndiperekenge cha mipasku ya kocha ku Ambuya Chiuta wangu po ndareka kutayiyapo kanthu.” Viyo Davidi wangugula mbuli ndi ng'ombe pa mtengo wa mashekelo gha siliva machumi ghankhonde (50).

Yeremiya 46:18

“Ndichiŵa wamoyo, watiti Karonga, yo zina lake ndi Ambuya ŵa maŵanja, uli ndi Taboro mu mapiri ndi uli ndi Karmele, mu mphepete mwa nyanja, ndimo wakazanga.

Yeremiya 48:15

Wakuparghang'a Moabu ndi misumba yake waza, ndipo ŵanyamata ŵake ŵakutowa ŵasikiya kukubayika, watiti Karonga, yo zina lake ndi Ambuya ŵa maŵanja.

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Malaki 2:1

“Ndipo sono, imwe mwa ŵazukuru, dangu ili ndakwaku imwe.

Sumu 47:3

Wakutithereske ŵanthu ndi mitundu pasi pa marundi ghidu.

Sumu 47:8

Chiuta wausa pachanya pa mitundu; Chiuta waja pa chitengo chake chakupaturika.

Sumu 102:16

Ambuya achizenga so Zioni, akavumbuwanga ukuru wawo.